1 Kor 9:5 - JAM DE NHIALIC 2011

⁵ Cuku nïïm de riɛl bï wok cath në tik, nyankënëda, acït man ë tuuc kɔ̈k aya, ayï wɛ̈ɛ̈tamäthken ë Bɛ̈nydït, ayï Kepath?

1 Kor 9:5 ပူးပေါင်းရင်းမြစ်များ

Diɛt ke 4:12

Nyandiën mit ë yapiɔ̈u, nyandiën thiaak ee dom cï moony, dom cï gël, ee awaŋ tɔ̈u të cï thiaan.

Math 13:55

Cie wën ë atën ë tiim looi en ëraanë? Man cïï cɔl Meri? Ku mïthëkɔcken, cïkï ye yï Jakop, ku Jotheth, ku Thimon, ku Judath?

Math 8:14

Na wën, acï Yecu bɛ̈n ɣön ë Petero, ke tïŋ dhiɔm de Petero adhɔt piny ke juäi.

Mak 1:30

Ku dhiɔm de Thimon adhɔt piny ke juäi, agokï këde dap lɛ̈k Yecu.

Mak 6:3

Kënë cie atën ë tiim, wën ë Meri, ku ye mänhë Jakop, ku Jothe, ku Judath, ku Thimon, ku nyïïrëkɔcken cïkï tɔ̈u në wook eetënë?” Gokï piɔ̈ɔ̈th diu në yen.

Luk 6:15

Ku Mathayo kekë Thoma, ku Jakop wën ë Alapayo, ku Thimon cɔl Dhelote.

Luk 8:20

Ku acï lɛ̈k en an, “Moor ka kääc biicë kekë mïthëkɔckun, akɔɔrkï yïn.”

Jɔn 1:42

Go bɛ̈ɛ̈i tëde Yecu. Go Yecu woi guöp, ku lueel an, “Yïn Thimon, wën ë Jona: yïn bï cɔɔl Kepath.” (Yen aye Petero, ku ye “kuur” në thoŋda.)

Jɔn 2:12

Na wën, aacï kënë wan, ke jël le Kapernaum, yen ku man, ku mïthëkɔcken, ku kɔckɛn ë piööcë: agokï ceŋ ëtɛ̈ɛ̈n akööl cïï juëc.

Luɔi 1:14

Kɔckë kedhie ayek cool ë lɔ̈ŋ ku pɛlkï në piɔ̈n tök, ke ke cïï bäp, në diäär ëtök, ayï Meri man Yecu, ku mïthëkɔcken ë Yecu.

Romai 16:1

Wek lɛ̈k nyankënëda, raan ee ɣön ë Nhialic luööi ɣön ë Nhialic nu Kenkuria.

1 Kor 1:12

Ku ënɔɔnë, we lɛ̈k kënë an, Raan ëbɛ̈n në weyiic, aye ŋɛk lueel an, “Yɛn ee raan ë Paulo,” ku lueel ŋɛk an, “Yɛn ee raan ë Apolo,” ku lueel ŋɛk an, “Yen ee raan ë Kepath,” ku në ŋɛk an, “Yɛn ee raan ë Kërtho.”

1 Kor 7:15

Ku raan kën gam, të jël en, ke lɔ: na loi yen aya, ke raan cï gam, nɔn ee yen moc ku nɔn ee yen tik, acïn kë cï e mac, cït man ë lïm: ku Nhialic acï wo cɔɔl në këde mät.

1 Kor 7:39

Tik aye mac ë löŋ anande të pïïrë monyde, ku të thouwë monyde, ka cï lony, aduëërë raan thiaak raan nu ë yepiɔ̈u, të ee yen raan cï Bɛ̈nydït gam tei.

1 Kor 7:7

Ku raan ëbɛ̈n acath ke kë cï Nhialic gäm en, ŋɛk ke këde, ku ŋɛk ke këde.

1 Kor 7:8

Ku yɛn yöök kɔc kën thiëëk, ayï diëër cïn nïïm röör an, Apiɛth tëde keek të rëër kek cït man ë yɛn.

Galatai 1:19

Ku acïn tuny däŋ cä tïŋ, ee Jakop etök, mänhë ë Bɛ̈nydït.

1 Tim 3:2

Raan ee kɔc gäm tiit abï dhil aa raan cïï duëërë gɔ̈k, abï aa mony de tiiŋ tök, raan ŋic rɔt muk, raan piɛth nɔm, raan ŋic rëër, ku ŋic kamaan, raan ŋic kɔc wɛ̈ɛ̈t

1 Tim 4:3

Abïk kɔc aa pɛ̈n thiëëk, ku yöökkï keek an, bïk rïŋ pɔ̈l ë cäm. Aake ciɛk Nhialic bï kɔc cï gam keek aa dɔm kɔc ŋic, dɔmkï ku luelkï an, thieithieei.

1 Tim 5:2

ye diëër dït tɔ cït märkun, ku tɔ diëër kor cït nyïïrëkɔckun në ɣɛɛr ee yïn piɔ̈u ɣɛɛr ëwic.

Tito 1:6

Na de raan cïn kë bï e gɔ̈k, mony de tiiŋ tök, raan de mïthkɛn cï gam, mïth kënë kɔn gaany në baŋ de thuëëc de käŋ ku reec de löŋ.

Ɣeberuu 13:4

Week mïthëkɔckuɔ, ë thiëëk ë ye riëëu në kɔc kedhie. Yak kë nhiany tɔ mec në biöŋ ë thiëëkic. Kɔc cïn gup athɛɛk kedhie ku kɔc ee diëër lei kɔɔr abï Nhialic ke löŋden guiir atuc.