1 Kor 9:26 - JAM DE NHIALIC 2011

²⁶ Yen aya yɛn riŋ aya, ku acïï cït ke cïn naamde, ku yɛn ee biök aya, ku acït nɔn aa yɛn pëëric biɔ̈ɔ̈k tei:

1 Kor 9:26 ပူးပေါင်းရင်းမြစ်များ

Math 11:12

Ɣɔn kɔnë Jɔn Baptith bɛ̈n aɣet cï ënɔɔnë tɔŋ ril aye lɛɛr ciɛɛŋ de paannhial, go kɔc ë tɔŋ lɛɛr ë ruprup agokï ciɛɛŋ rum.

Luk 13:24

“Yak cök ë thɛm wek en arëët luɔi bä wek tëëk ë kalthok thoŋ kooric: wek yɔ̈ɔ̈k an, kɔc juëc abïk lɔ thïn kɔɔr, ku acïkï bï lëu.

1 Kor 14:9

Yen acït week ayadäŋ, të luɛɛl wek jam dhal kɔc në thoŋ mɛɛn, bï ŋic adï yen kë cï lueel? We bï käŋ aa lueel ë pëëric!

2 Kor 5:1

Ku kënë aŋicku an, ɣöndan ë piny nɔm, yen paany ee wok rëër thïn, të cï en riääk, ke wo de ɣön bɔ̈ tëde Nhialic, ɣön ë cïï yïk ë raan ciin, ee ɣön bï tɔ̈u athɛɛr paannhial.

2 Kor 5:8

Wo ee wopiɔ̈ɔ̈th riit, dï, ku yok lueel an, aduëër ŋuän tëde wook të tɔ̈u wok roor të liiuwë guöpda, ku tɔ̈uku baai në Bɛ̈nydït ëtök.

Galatai 2:2

Ku yɛn ë lɔ në këde nyuuth cï a nyuööth, aguɔ wëlpiɛth lueel ë kenïïm wëlpiɛth aa cool ë guiɛɛr ɛn keek ë Juöör yiic, luɛɛl ë kɔc de naamden nïïm kapäc të cïn kɔc, nɔn bï en yiɛ̈n aa ɣɔ̈ric, yen kë luɔɔi, ayï ka cä looi ɣɔn nɔn ee kek ɣäär yiic ayadäŋ.

Epethiei 6:12

Wo cie wït në rïŋ ku riɛm, wok ee wït në ciɛɛŋ, ayï riɛl, ayï bänydït ke cuɔlëpinyë ënɔɔnë, ayï rɛm ke jɔɔk rac, rɛm nu tënhial, kek a wït wok ë ke.

Pilipoi 1:21

Ku tëde yɛn, pïïr piëër ɛn ee Kërtho, ku thon thuɔu ɛn ee këmit bä yök.

Kolothai 1:29

Ku yen aya yɛn rɔt näk piny ë luɔi, cït man ë raan wiët, në riɛldɛn ë luui ë yaguöp ë luɔi ril arëët.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

2Tim 2:5

Ayï raan ee wït, acïï bï yiëk nɔm göl, të kën en wït në këde löŋ de wït.

2Tim 4:7

Yɛn ë biök ë biök piɛth, tëdiën an, bän lɔ pëk ë riŋ acä thöl, yɛn ë gäm ŋiëc döt.

Ɣeberuu 12:1

Cït man cï wok nïïm jɔ dɛ kutdïït ë kɔc cï Nhialic gam, ku acïk wo tuɔɔk cït man ë luäät ke ke woi wopiny. Yok këriëëc ëbɛ̈n kuɛ̈k bei, kak ee wo gɔ̈ɔ̈u ayï karɛc ee tɔ̈u ë nuatnuat ë wocök, ku tɔkï wo wiëëk, yokku ke kuɛ̈k bei. Ku jɔku riŋ ke wo cïï diɛɛr, tëde kë cïï Nhialic tääu ë wonïïm tueŋ.

Ɣeberuu 4:1

Ye ka, cït man ŋoot ë Nhialic ke cöl wook lɔ̈ŋ aɣet cï ënɔɔnë, jɔku röt tiit ke bï ciën kɔc bï döŋ ke ke cïï lɔ në ee lɔ̈ŋë yic.

1 Pet 5:1

Röördït nu ë weyiic kek yɔ̈ɔ̈k, ku yɛn ee monydït aya, ku ya cäätɔ de ka cïï Kërtho guum, ku ya raan bï dɛ këdï aya në dhuëëŋ bï rɔt nyuɔɔth rial an:

2 Pet 1:10

Yen aŋuɛ̈ɛ̈n ë luɔi bä wek cök ë kaar wek en nɔn bä wek cɔ̈t ë cɔɔlë week ku löny ë lɔcë week tɔ ye yic ëgɔk: na luɔikï kakë, ke we cïï bï kɔ̈th anandun.

Bäny 3:2

A looi ee kënë tei, në luɔi bï En rem de Yithriɛl wɛ̈ɛ̈t ë tɔɔŋ, kɔc kën tɔŋ kɔn thɔ̈ɔ̈r.