1 Kor 9:25 - JAM DE NHIALIC 2011

²⁵ Ku raan ëbɛ̈n raan ee rɔt tiit ë luɔi bï en kɔc wöör, ee rɔt ŋiëc muk ë këriëëc ëbɛ̈n. Ku keek ayek luui aya ke ke bï göl bï riääk yök, ku wo bï göl cïï bï riääk yök.

1 Kor 9:25 ပူးပေါင်းရင်းမြစ်များ

1 Kor 15:54

Na miäk, acï dhiapë kë cïï bï dhiap guɔ cieŋ, ku cï këde thuɔɔuwë kë cïï bï thou guɔ cieŋ, yen abï jam aa yic jam cï gɔ̈ɔ̈r an, “Thuɔɔu aye guɔ liek në tiëm cï e tiaam!”

Galatai 5:23

kuur ë raan rɔt tɔ koor, döm de röt: acïn löŋ de ater në ka cït ee kakë.

1 Tim 6:12

Ye biök ë biök piɛth biök de gäm, ye pïïr athɛɛr muk aril, en aa cɔɔlë yï aya, ku yen aa gëm yïn ë gäm piɛth ë yïthok ee cäätɔɔ juëc nïïm.

2Tim 2:5

Ayï raan ee wït, acïï bï yiëk nɔm göl, të kën en wït në këde löŋ de wït.

Tito 1:8

Ku abï aa raan ŋic kamaan, raan nhiaar këpiɛth, raan piɛth nɔm, raan ŋic löŋ piɛth lueel, raan ɣeric, raan ŋic rɔt muk.

Tito 2:2

An, ë röördït ë ke ye röt tiit apiɛth, ku yek kɔc piɛth nïïm, kɔc ee nïïm tiëër, kɔc ee tɔ̈u apiɛth ë gäm, ku nhiëër, ku ruötëpiɔ̈u.

Ɣeberuu 12:28

Jɔku Bɛ̈nydït leec në luɔi cï Yen wo gäm ciɛɛŋ cïï duëër ë nieeŋ. Yok Nhialic tiiŋ piɔ̈u në läm ye wok e lam ku luuiku, ku lecku, yok riɔ̈ɔ̈c ku rïïuku.

Ɣeberuu 12:4

Acïn raan cï we guɔ lɛ̈u riɛm, në wït wiët wek në kërac.

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

1 Pet 1:4

ke wo bï këdäŋ lɔ̈ɔ̈k lak, kë cïï bï dhiap, ku cïnic acuɔl, ku cïï bï yom, kë cï tɔ̈ɔ̈u paannhial tïtë week,

1 Pet 5:4

Na ëlëmiäk të cï Tïndïït ë Thök tuöl, Tïn nu ë tïït nïïm, ke we bï göl ë dhuëëŋ yök göl cïï bï biɔɔr anande.

2 Pet 1:6

ku matkï dömderɔt kekë ŋïnydekäŋ, ku matkï guömdekäŋ kekë dömderɔt, ku matkï riëëu de Nhialic kekë guömdekäŋ,

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.

Nyuuth 3:11

Ya kï, dap bɛ̈në: ye kë cath ke yïn cök ë muk yïn en, ke bï ciën raan bï gölduön ë dhuëëŋ nööm.

Nyuuth 4:10

ke röördït kathiërrou ku ŋuan ke ke ye röt jɔ cuat piny ë Bɛ̈nydït nɔm Bɛ̈ny rɛ̈ɛ̈r ë thöönydït nɔm, ku yek Bɛ̈nydït lam Bɛ̈ny ë pïïr aɣet athɛɛr ya, ku yek göölkɛn ë dhuëëŋ cuat ë thöönydït nɔm tueŋ, ku yek lueel an,

Nyuuth 4:4

Ku ade thöny kɔ̈k kathiërrou ku ŋuan ke ke cï thööny gɛɛu cil: ku yɛn ë röördït tïŋ kathiërrou ku ŋuan ke ke rɛ̈ɛ̈r, aceŋkï lupɔɔ ɣer: ku ceŋkï gööl ke dhuëëŋ ë kenïïm gööl ke adhääp.