1 Kor 9:24 - JAM DE NHIALIC 2011

²⁴ Ku na kɔc ë wöör, kuöckï keek nɔn wɛ̈ɛ̈r kek kedhie, ku raan tök en aye miɔɔc ë këdäŋ? Yen aa wek wöör wäkya, ke we bï miɔɔc.

1 Kor 9:24 ပူးပေါင်းရင်းမြစ်များ

Diɛt 19:5

akɔ̈l ee bɛ̈n bei cït man ë monythiëk bɔ̈ bei ɣöndɛn ë nïn, ee tɔ̈u ë ŋekŋek cï man ee raan ee thuëëc kɔɔr nɔn bï en wuöör ke kɔc.

Wɛ̈ɛ̈t 9:11

Ku yɛn cï rɔt puk guɔ këdäŋ tïŋ ë piny nɔm, acie raan ŋic kat yen ee tiam aköölnyïïn, acie jööt kek ee tɔŋ tiaam aköölnyïïn, acie kɔc pelnïïm kek ee këcam yök aköölnyïïn, acie kɔc tiëër nïïm kek ee kuɛth aköölnyïïn, acie kɔc ŋic käŋ kek ee miɛtëpiɔ̈u yök tëde kɔc aköölnyïïn. Piäl ë guöp ee këde raan ëbɛ̈n.

Jeremia 12:5

Go Bɛ̈nydït lueel an, “Jeremia, na cï bäb ë riŋdu we kɔc, ku bä jɔ riŋ adï we jöŋgöör? Na cï jɔ kɔ̈ɔ̈c ë riaaŋ ë baai thok, ke bä jɔ lëu adï yen riŋ ë roor dïït ë Jordan yɔu?

Ɣodh 12:10

“Yɛn ë cï jam wokë tït ke Nhialic, ku gäm keek nyuuth juëc. Ku jääm kɔc ke Yithriɛl në kɛ̈ŋ, në liëp ke tït ke Nhialic.

Romai 6:16

Kuöckï week an, raan cä wek röt tɔ ye lïïmke, abäk ka ke yen aa looi, yen aya wek lïïmke, yen raan aa wek ka ke looi, nɔn ee yen kërɛɛc ee thuɔɔu bɛ̈ɛ̈i, ku nɔn ee yen pïŋ aa wek ka ke Nhialic piŋ, yen aye piathëpiɔ̈u bɛ̈ɛ̈i?

1 Kor 9:13

Kuöckï kɔc ë ka ke Luaŋdït looi, nɔn ciëm kek ë ka ke Luaŋdït? Ayï kɔc ë këde yïïŋ ee läm looi, kuöckï nɔn ye kek ka ke yïïŋ de läm rɔm?

1 Kor 9:23

Ku yɛn ee kënë looi në baŋ de wëlpiɛth, ke yɛn bï dɛ këdï thïn.

1 Kor 9:26

Yen aya yɛn riŋ aya, ku acïï cït ke cïn naamde, ku yɛn ee biök aya, ku acït nɔn aa yɛn pëëric biɔ̈ɔ̈k tei:

Galatai 2:2

Ku yɛn ë lɔ në këde nyuuth cï a nyuööth, aguɔ wëlpiɛth lueel ë kenïïm wëlpiɛth aa cool ë guiɛɛr ɛn keek ë Juöör yiic, luɛɛl ë kɔc de naamden nïïm kapäc të cïn kɔc, nɔn bï en yiɛ̈n aa ɣɔ̈ric, yen kë luɔɔi, ayï ka cä looi ɣɔn nɔn ee kek ɣäär yiic ayadäŋ.

Galatai 5:7

Wek aake ye riŋ apiɛth, eeŋa ë we pɛ̈n pïŋ piɛŋ wek yic?

Pilipoi 2:16

ku yak jam ë pïïr mɔ̈k nhial cït man ë kuthyuui, yen abän dɛ kë bän rɔt leec ëkööl ë Kërtho an, acie ɣɔ̈ric en e riɛŋ ɛn, ku yen luööi yɛn.

Pilipoi 3:12

Ku acie yöŋ cän e guɔ yök en luɛɛl, ayï dik cän guɔ dikëdik: ku yɛn ŋoot ë ya cop këdäŋ, nɔn de en të bän e dɔm, yen aye kë ë dɔmë yɛn ë Kërtho Yecu aya.

Pilipoi 3:14

Aguɔ riŋ ë ya lɔ tueŋ të nu kë cï keer, ke ya bï ariöp lɔ yök, ariöp de cɔ̈t cïï Nhialic kɔc cɔɔl ë Kërtho Yecuyic, cɔ̈t de naamde.

Kolothai 2:18

Duökï röt tɔ pënë raan ariöpduön bäk yök, në kuur ee yen rɔt kuɔɔr piny ku läm ee yen tuucnhial lam, raan ë pëk ë ke cï yök ë nyuöthic, ee rɔt tɔ dït ë ɣɔ̈ric, në piɔ̈ndɛn cï tuöm ka ke piny,

Ɣeberuu 12:1

Cït man cï wok nïïm jɔ dɛ kutdïït ë kɔc cï Nhialic gam, ku acïk wo tuɔɔk cït man ë luäät ke ke woi wopiny. Yok këriëëc ëbɛ̈n kuɛ̈k bei, kak ee wo gɔ̈ɔ̈u ayï karɛc ee tɔ̈u ë nuatnuat ë wocök, ku tɔkï wo wiëëk, yokku ke kuɛ̈k bei. Ku jɔku riŋ ke wo cïï diɛɛr, tëde kë cïï Nhialic tääu ë wonïïm tueŋ.

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

Nyuuth 3:11

Ya kï, dap bɛ̈në: ye kë cath ke yïn cök ë muk yïn en, ke bï ciën raan bï gölduön ë dhuëëŋ nööm.