1 Kor 9:17 - JAM DE NHIALIC 2011

¹⁷ Ku të luɔɔi ɛn ee kënë në piɔ̈n mit, ke yɛn cath wo ariöpdï: ku të luɔɔi ɛn en ke ya diu piɔ̈u, ke yɛn cï gäm thön bä döt thön ë wëlpiɛth.

1 Kor 9:17 ပူးပေါင်းရင်းမြစ်များ

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

1 Lëk 29:14

“Yɛn wokë kɔckï acïn kë buk gäm Yïn, në biäk ye këriëëc ëbɛ̈n bɛ̈n tëde Yïn, këduön wään cï kɔn gäm wook yen apukku nɔm yïn.

1 Lëk 29:5

ku jɔ aa kajuëc kɔ̈k bïï atëët ee cuëc ke looi, kake adhääp abï ke looi adhääp, ku kake ateek abïï ke looi ateek, ku ënɔɔnë eeŋa däŋ kɔɔr bï miɔ̈c gäm Bɛ̈nydït ë miɛtëpiɔ̈u?”

1 Lëk 29:9

Kɔc acïk kaken bɛ̈n gäm Bɛ̈nydït ë piɔ̈n mit ëbɛ̈n, ku mitkï piɔ̈ɔ̈th arëët ë kajuëc cïk keek gam. Melik Debid aya acï piɔ̈u bɛ̈n miɛt arëët.

Neɣe 11:2

Kɔc aake ye raan cï röt gam bï lɔ rëër Jeruthalem piɔɔny.

Yith 6:8

Ëtɛ̈ɛ̈n acä piŋ ke lueel Bɛ̈nydït an, “Eeŋa duɛ̈ɛ̈r tooc? Eeŋa bï aa tunyda?” Aguɔ bɛ̈ɛ̈r an, “Yɛn bï lɔ! Toc ɛn!”

Jeremia 20:9

Ku të luɛɛl yɛn en an, “Yɛn bï nɔm määr ë Bɛ̈nydït, ku yɛn cïï bï bɛ jam ë rinke,” ke jamdu acït many dɛ̈p ë ya yic thïn. Acä them aläldïïtë në luöi bän ye muk, ku acïn luöi duëër yɛn en bɛ lëu në guöm.

Edhekiɛl 3:14

Go wëi yɛn gɔpic ku leerkï yɛn të däŋ. Riɛl de Bɛ̈nydït yen aciɛɛth ɛn, guɔ piɔ̈u diu ku gɔ̈th.

Jona 1:3

Go Jona yenɔm cɔ̈k Tarcic, an kɔt në Bɛ̈nydït. Ago lɔ Jopa ku yök abël wïïr ëtɛ̈ɛ̈n, ke kɔɔr lɔ wun mec cɔl Tarcic. Ago wëu ke ariöpde yen kɔ̈u cuat piny, ku jɔkï ger ke ke lɔ Tarcic, të cïï yen Bɛ̈nydït bï bɛ tïŋ nyin.

Malakai 1:10

Ago Bɛ̈nydït de rɛm lueel an, “Cïn raan tök në weyiic, raan bï Luaŋdït thiöök thok, ago ciën many ë ɣɔ̈ric bï bɛ kooth në yïïŋdï nɔm? Yɛn cïï piɔ̈u mit wokë week, ku acïn miɔ̈cduön bä gam tëde week.

Math 10:41

Raan dɔm tiët ë luɔi ee yen tiët, ka bï ariöp de tiët yök, ku raan dɔm raan piɛthpiɔ̈u në luɔi ee yen raan piɛthpiɔ̈u, ka bï ariöp de raan piɛthpiɔ̈u yök.

Math 24:25

Tiëŋkï! Acä guɔ lɛ̈k week ke kaam ë ŋoot.

Luk 12:42

Go Bɛ̈nydït lueel an, “Eeŋa ye raan tit dhiën, raan adöt ku de nɔm, raan bïï bɛ̈nyde tääu ë dhiënde nɔm, bï kɔc aa tɛ̈k këcam ëkööldɛn cï lueel?

Jɔn 4:36

Ku raan ë tem ee ariöp yök, ku ye rap kut nïïm ë këde pïïr athɛɛr, ago raan ee com ayï raan ee tem agokï piɔ̈ɔ̈th miɛt ëtök.

1 Kor 3:14

Na dɔ̈ŋ kë ë ŋɛk looi, kë cï yïk ë këërkëër, ka bï ariöpde yök.

1 Kor 3:8

Ku raan ë com kekë raan ë piöök ayek tök, ku raan ëbɛ̈n abï ariöpde yök, ariöp bï röŋ ke luɔide yenguöp.

1 Kor 4:1

Tɔ lueel raan në këde wook nɔn ye wok kɔc ee ka ke Kërtho looi, kɔc cïï ka ke Nhialic tääu ë kecin, kacïmoony ɣɔn.

1 Kor 9:16

Na ya cak wëlpiɛth aa guiir, ke yɛn cïn nɔm ke bän rɔt leec, yɛn cï mac thok, an, bä wëlpiɛth dhil aa guiir, yeka, amawoou në yɛn, të cän wëlpiɛth ee guiir.

1 Kor 9:18

Ariöpdï jɔ aa ŋö? Ariöpdï kï, an, “Tën aa yɛn wëlpiɛth guiir, ke yɛn bï wëlpiɛth ke Kërtho aa guiir youyou tei, ke yɛn cïï bɛ̈ɛ̈nydï bï kuöc muk, bɛ̈ɛ̈ny cï gäm ɛn ë wëlpiɛth yiic.

2 Kor 8:12

Ku na nu gäm ë raan piɔ̈u, ka bï tɔ ye piathde, në këde kë nu ë yecin, ku acie në këde kë liu ë yecin.

Galatai 2:7

Acie yen, ku të cï kek e tïŋ, nɔn cï guiëër tääu ë yaciin guiëër bän wëlpiɛth guiëër kɔc kënë cueel, acït man cï guiëër bï en aŋueel guiëër tääu ë Petero ciin.

Kolothai 1:25

Ku yɛn cï tɔ ye raan ee ka ke ɣön ë Nhialic looi, në tɛ̈ɛ̈u cïï Nhialic luɔi tääu ë yacin në këdun, bä jam ë Nhialic thöl ë guiëër,

1 Theth 2:4

Ku acït man cï Nhialic wo tɔ piɛth an, bï wëlpiɛth tääu ë wocin, yen aye wok jam, acie kɔc ke yok tɔ mit piɔ̈ɔ̈th, ee Nhialic Raan ee wo them piɔ̈ɔ̈th.

Pile 1:14

Ku acïn kë duɛ̈ɛ̈r looi të kɛ̈n ɛn këde piɔ̈ndu piŋ, ke cïn raan bï yï cieŋ në luɔiduön ë dhuëëŋ, abï aa këde yïnpiɔ̈u etök.