1 Kor 8:4 - JAM DE NHIALIC 2011

⁴ Ku në këde cäm de ka cï läm yiëth, yath aŋicku nɔn cïn en naamde ë piny nɔm, ku aŋicku nɔn cïn en Nhialic däŋ ee tök tei.

1 Kor 8:4 ပူးပေါင်းရင်းမြစ်များ

Diɛt 86:10

Yïn dït aläl ku ye kadït ke gäi looi. Yïn Yïtök Yïn aye Nhialic.

Yith 37:16

“Bɛ̈nydït de rɛm, Nhialic de Yithriɛl, thöönydu anu ë kaam de wuök ke cerubiim kaarou nïïm nhial, ee Yïn ee Nhialic Yïtök, Yïn amac ciɛɛŋ ke piny nɔm. Yïn aa cak piny ku tënhial.

Yith 37:20

Ënɔɔnë Bɛ̈nydït Nhialicda luäkë wo bei në Athiriya ciin, ke bïï ë juöör ke piny nɔm ŋic an, Yïn aye Nhialic Yïtök.”

Yith 41:24

Week, ku ka yak looi ëbɛ̈n ayek baŋ, kɔc ee we lam ee gök de kërac yen cïk looi!

Yith 44:24

“Yɛn ee Bɛ̈nydït, konydun, Ee Yɛn ee raan ë cak week. Ee Yɛn Bɛ̈nydït, Aciëŋ de këriëëc ëbɛ̈n. Ee Yɛn a tök Yɛn aa thieth paannhial, wään luɔi ɛn piny, acïn raan cï ya kony.

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Yith 45:14

Aye Bɛ̈nydït lɛ̈k kɔc ke Yithriɛl an, “Kuɛth de Rip ku Ethiopia abï ya këdun, ku kɔc bär ke Theba abïk aa lïïmku, abïk yïn kuany cök në kuɛɛt. Abïk kenïïm guöt piny në yïnɔm ku gamkï awɛ̈ɛ̈cken ‘Nhialic atɔ̈u ke yïn, yen yetök yen ee Nhialic.

Yith 45:5

“Yɛn ee Bɛ̈nydït, acïn yanh däŋ. Yïn bä gäm riɛl kɔɔr, cakaa nɔn kun yïn ɛn.

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Jeremia 10:14

Ku të cï ee kakë tïŋ, kɔc ayek aa dhän ku cïnkï nïïm, kɔc ee yiëth looi ayek gup yäär, në biäk ye yiëth yek looi lueth ku cïnkï yiic wëi.

Mak 12:29

Go Yecu bɛ̈ɛ̈r an, “Cöök nu tueŋ ë cök yiic kedhie kï an, ‘Piëŋkï wek Yithriɛl, Bɛ̈nydït Nhialicda ee Bɛ̈nydïït tök.

Luɔi 14:15

an, “Wek röör, eeŋö luɔɔi wek kakë? Wok ee kɔc tei, wok kït piɔ̈ɔ̈th ë week! Ku wek guïïrku wëlpiɛth, ke we bï röt yal wei ë kaɣäär yiic cït ee kakë, ku jakï wepiɔ̈ɔ̈th wël Nhialic pïïr, Raan ë cak nhial ku piny ku wɛ̈ɛ̈r, ku ka nu ë keyiic kedhie.

Luɔi 15:20

ku abuk keek gäär tei an, bïk luɔi de yiëth pɔ̈l luɔi nhiany, ku pälkï dhööm, ku cäm de läi cï dec, ku riɛm.

Luɔi 19:26

Ku tiëŋkï aya ku piɛŋkï, nɔn cï Paulo kɔc juëc wëŋ ku yɛl keek wei, acie Epetho etök, ee piny de Athia nɔm ëbɛ̈n, aye keek yɔ̈ɔ̈k an, ka ye cuëëc ë kɔc cin, acïkï ee Nhialic.

1 Kor 8:1

Ku në këde ka cï läm yiëth, Aŋicku wook wodhie nɔn de wo ŋïnydekäŋ. Ku ŋïnydekäŋ ee raan rɔt tɔ dït youyou, ku nhiëër en aye raan kueet.

1 Kor 8:10

Ku të tïŋë raan yïn, yïn raan de ŋïnydekäŋ, ke yï nyuc ë këcam nɔm luaŋ de yath, cïï piɔ̈n ë raan kɔ̈c bï ŋeeny ago ka cï näk yiëth aa cam?

1 Kor 8:11

Ku në ŋïnyduön ë käŋ, bï mɛnhkui kɔ̈c määr, mɛnh cï Kërtho thou në baŋde?

Galatai 4:8

Ku wään kuöc wek Nhialic, wek aaye lïïm ke yiëthkun yiëth cie Nhialic në ciɛɛŋdɛn ë ciɛkë keek.

Epethiei 4:6

Nhialic tök, Wun kɔc kedhie, nu ë kɔc nïïm kedhie, ku ye luui ë kɔc yiic kedhie, ku nu ë weyiic wedhie.

Nyöŋ 3:24

‘Yïn Awärjäŋ Bɛ̈nydït, aŋiɛc nɔn cï yïn yɛn nyuöth luɔi ë gɔl ë kakuön ke gäi röt ku ka bä keek lɔ looi. Acïn yanh nu nhial ayï pinynɔm, yanh duëër göök dït looi keek looi.

Nyöŋ 32:39

“Ee yɛn aye Nhialic yatök, acïn yanh däŋ tɔ̈u në yalɔ̈ɔ̈m. Yɛn ee näk, ku yɛn ee wëi gam, yɛn ee bɔ̈t looi, ku yɛn ee pial de guöp bɛ̈ɛ̈i.

Nyöŋ 4:35

Bɛ̈nydït acï week nyuöth ee kënë, ke bäk jɔ ŋic an ee Yen ee Nhialic yetök, acïn Nhialic däŋ nu.

Nyöŋ 4:39

Ka week ŋiɛckï ee köölë, ku duökï nïïm mär, Bɛ̈nydït ee yen Nhialic nu paannhial kekë piny. Acïn Nhialic däŋ nu.

Nyöŋ 6:4

“Wek kɔc ke Yithriɛl piɛŋkï kënë, Bɛ̈nydït yetök, yen aye Nhialicda.

1 Tim 1:17

Ku ënɔɔnë, Melik tɔ̈u aɣet athɛɛr ya, ke cïï dhiap, ku cïï duëërë tïŋ, Yen Nhialic de nɔm pɛl etök, ë riëëu ku dhuëëŋ ë ke ye tɔ̈u në Yen aɣet wadäŋ thɛɛr. Amiin.

1 Tim 2:5

Nhialic tök tei en anu ku ade raan töŋ ee luk lueel raan nu ë kaam de Nhialic kekë kɔc, yen aye raan cɔl Kërtho Yecu,

Juda 1:25

Nhialic pelnɔm, cïn Nhialic ee kek rou, ku ye Konydan ë wëi në Yecu Kërtho Bɛ̈nydïïtda, ë dhuëëŋ ë ye tɔ̈u ke yen, ku dït, ku riɛl, ku bɛ̈ɛ̈ny, ɣɔn thɛɛr ya ayï ënɔɔnë, aɣet athɛɛr ya. Amiin.