1 Kor 8:12 - JAM DE NHIALIC 2011

¹² Ku të luöi wek mïthëkɔckuɔ kërac aya, ku jɔkï piɔ̈ndɛn kɔ̈c yiëkic kërac, ke Kërtho en a luöikï kërac ayadäŋ.

1 Kor 8:12 ပူးပေါင်းရင်းမြစ်များ

Cäk 20:9

Go Abimelek Abraɣam cɔɔl, ku lëk en an, “Eeŋö lui yïn wook kërɛɛc dïït cït ë kënë wokë kɔc ke ciɛɛŋdï? Yïn ë ya luöi kë cïï rɔ̈ŋ bï looi.”

Cäk 42:22

Go Ruben lɛ̈k keek an, “Cie kë wään lɛ̈k week ka? An duökï meth lui kërac, guɔkï kɛ̈n gam. Kë ë nɛ̈kku yen yekï jɔ kääny bei në wogupë.”

Bɛ̈n 16:8

Ku lueel ë Mothe an, “Ee Bɛ̈nydït Yen abï we aa miɔɔc në rïŋ thëën, ku miɔɔc we në kuïn cït man ë kë kaarkï, në biäk cï Yen piŋ. Ku ë yic të duɔk wek në wook, ka wek dok në Bɛ̈nydït.”

Bɛ̈n 32:21

Ku lëk Aron an, “Eeŋö cï kɔc luöi yïn kë tɔ yïn ke loi kërɛɛc dïït tuc cït ee kënë?”

Math 18:10

Tiëŋkï röt, ke we cïï mɛnh tök ë mïththiikë yiic bï kuöc theek, wek yɔ̈ɔ̈k an, “Tuuckɛn nhial ayek wäär woi nyin ëcaŋɣɔn wäär nu paannhial.

Math 18:21

Na wën, ke Petero bɔ̈ të nu yen, bï ku thiëëc an “Bɛ̈nydït, bï mɛnhkäi a luöi kërac raandï, ku bä pɔ̈l? Raandhorou?”

Math 18:6

“Ku raan bï mɛnh tök ë mïththiikë yiic tɔ loi kërac, mïth cï a gam, aduëër ŋuän tëde yen, të cï pil ë guär mac ë yeyeth, ku jɔ mou wïïr ë aluŋic.

Math 25:40

Ku abï melik puk nɔm, yöök keek an, ‘Wek yɔ̈ɔ̈k ëyic an, Nɔn cä wek e luöi raan töŋ de mïthëkɔckuɔnkë, acakaa raan koor ë keek kedhie, ka cäk luöi yɛn!’

Math 25:45

Na ëlë, ka bï jɔ pɔ̈k nɔm keek an, “Wek yɔ̈ɔ̈k ëyic an, “Nɔn kɛ̈n wek e luöi raan töŋ koor ë kɔckë yiic, ka kɛ̈nkï luöi yɛn.’

Mak 9:42

Ku raan bï mɛnh tök ë mïththiikë yiic tɔ loi kërac mïth gam ɛn, aduëër ŋuän tëde yen, të mɛc gök dïït ë pil ë guär ë yeyeth, ku cuɛtë wïïr.

Luk 17:2

Aduëër ŋuän tëde yen, të mɛcë yeyeth pil ee guär, ku deenyë wïïr në luɔi bï en töŋ de mïththiikë tɔ loi kërac.

Romai 14:20

Du luɔi de Nhialic riäk në baŋ de rïŋ. Këriëëc ëbɛ̈n aɣeric tei, ku ee kërac tëde raan ë këdäŋ cam, ago käŋ wööc thïn.

1 Kor 12:12

Acït man ee guöp de raan tök, ku ka nu thïn ajuëckï, ku ka nu ë guöp töŋë yic, na cakaa kek ë juëc, keek ayek guöp tök tei, yen acït Kërtho aya.

1 Tham 2:25

Na cï raan awäc luöi raandäŋ, aduëër ë Nhialic kony wëi, ku raan cï awäc luöi Bɛ̈nydït eeŋa duëër en lëu ë kuny?” Ku akënkï bɛ̈n piŋ yen kë lëk ë wun keek, në biäk cï Bɛ̈nydït Yen tak nɔn bï En keek nɔ̈k.

1 Tham 24:11

Tïŋ ënɔɔnë wäär, tïŋ biäk de lupɔduön nu në yaciin! Yɛn cï biäk thiin akäŋ tëëm bei në lupɔdu thok, ku yïn kën nɔ̈k. Ënɔɔnë ŋic ëgɔk nɔn cïn en kërɛɛc kaar bä luöi yïn, ku nɔn cïn en tɔŋ kɔ̈ɔ̈r yïn. Acïn kërɛɛc cä luöi yïn, ku yïn yɔ̈p ɛn bä yɛn nɔ̈k, cakaa nɔn cïn en kë cä wäc yïn.