1 Kor 7:31 - JAM DE NHIALIC 2011

³¹ ayï kɔc ë ka ke pinyë nɔm looi, ë ke ye käŋ looi ku cïkï kepiɔ̈ɔ̈th tum keek: täu de piny nɔm ënɔɔnë akɔɔr luɔi bï en jäl.

1 Kor 7:31 ပူးပေါင်းရင်းမြစ်များ

Diɛt 39:6

kɔc acïtkï atïïp. Ku luɔiden ëbɛ̈n ee ɣɔ̈ric, ayek käŋ määtic ke kuckï raan bï ke nööm.

Diɛt 73:20

Acïtkï nyuöth ee jäl të cïï ë raan pääc, ayek määr Bɛ̈nydït të jɔt ë raan rɔt.

Wɛ̈ɛ̈t 1:4

Remë ee bɛ̈n ku jël remë, ku piny ee rɛ̈ɛ̈r cït mande.

Wɛ̈ɛ̈t 11:2

Ye këdu rɔm wekë kɔc kadhorou ayï kɔc kabɛ̈t në baŋ kuc yïn piäl ë guöp duëër rɔt looi ë piny nɔm.

Luk 21:34

“Yak röt tiit, ke we cïï piɔ̈ɔ̈th bï aa thiäŋ në kajuëc yak cam, ku wïn ee mɔu we wit, ku diɛɛr në ka ke pïïr ënɔɔnë, ke we cïï ëköölë bï mook ëthiäu.

1 Kor 7:29

Ku aluɛɛl alëyɔ̈ɔ̈, wek mïthëkɔckuɔ an, piny athiɔ̈k, ku ë akööl cï döŋ, ke kɔc de diëërken ë ke tɔ̈u cït man ë ka cïn nïïm diäär,

1 Kor 7:30

ayï kɔc ë dhiau, ë ke tɔ̈u cït man ë ka cïï dhiau, ayï kɔc ë piɔ̈ɔ̈th miɛt, ë ke tɔ̈u cït man ë ka cïï piɔ̈ɔ̈th mit, ayï kɔc ë ɣööc, cït man ë ka cïn nïïm käŋ,

1 Kor 9:18

Ariöpdï jɔ aa ŋö? Ariöpdï kï, an, “Tën aa yɛn wëlpiɛth guiir, ke yɛn bï wëlpiɛth ke Kërtho aa guiir youyou tei, ke yɛn cïï bɛ̈ɛ̈nydï bï kuöc muk, bɛ̈ɛ̈ny cï gäm ɛn ë wëlpiɛth yiic.

Ɣeberuu 12:27

Ku kë lueel e jamde niëŋ bï rɔt nyɔk anyooth luɔi bï ka cï cak nieeŋ ku nyiɛɛi yë ke, ago ka cïï duëër ë nieeŋ döŋ.

Jakop 4:14

Ku wek kuc kë bï tïc miäk. Wëikun yek käŋö? Ayek ruu tei, ruu ee tïc tëthiinakäŋ, na ëlë, ke jɔ guɔ riäär.

1 Pet 1:24

Raan ëbɛ̈n acït wäl, “ku dhuëëŋ de raan ëbɛ̈n acït gaak ee wäl moc. Wäl ee biɔɔr, ku jɔ gaak cï moc aa lööny piny:

1 Pet 4:7

Ku thök bï käŋ thök kedhie acï guɔ thiɔ̈k: yen piath wek nïïm, ku yak röt tiit aguɔkï Nhialic ŋiëc aa lɔ̈ŋ.

1 Jɔn 2:17

Ku piny nɔm akɔɔr jäl, ayï ŋɔ̈ɔ̈ŋde aya: ku raan ee këde piɔ̈n ë Nhialic looi ee tɔ̈u athɛɛr.