1 Kor 7:30 - JAM DE NHIALIC 2011

³⁰ ayï kɔc ë dhiau, ë ke tɔ̈u cït man ë ka cïï dhiau, ayï kɔc ë piɔ̈ɔ̈th miɛt, ë ke tɔ̈u cït man ë ka cïï piɔ̈ɔ̈th mit, ayï kɔc ë ɣööc, cït man ë ka cïn nïïm käŋ,

1 Kor 7:30 ပူးပေါင်းရင်းမြစ်များ

Diɛt 30:5

Agönhde ee guɔ thök ëthiäu, ku piathëpiɔ̈nde ee tɔ̈u në pïïric ëbɛ̈n. Dhiëëu aduëër rɔt cuuth ë wɛ̈ɛ̈ric ëbɛ̈n, ku miɛtëpiɔ̈u ee bɛ̈n adurduur.

Wɛ̈ɛ̈t 3:4

Ade kööl ë dhiëëu, ku kööl ë dɔl, ade kööl ë dhiënëpiɔ̈u, ku kööl ë miɛtëpiɔ̈u.

Yith 25:8

Ku Bɛ̈nydït Awärjäŋ abï thuɔɔu riɔ̈ɔ̈k aɣet athɛɛr! Abï pïïu wɛɛc wei ë kɔc nyïïn kedhie, raan ëbɛ̈n, ku nyiɛɛi ayär cïï kɔcke nuan ë piny nɔm ëbɛ̈n. Acïï Bɛ̈nydït lueel guöpde!

Yith 30:19

Wek kɔc rɛ̈ɛ̈r ë Dhiɔn, kɔc ceŋ Jeruthalem, wek cïï dhiëëu bï bɛ nyɔk anandun. Bɛ̈nydït ee piɔ̈u kok, ku të la wek dhiau ke we kɔɔr kuɔɔny, abï këdun bɛ̈ɛ̈r.

Edhekiɛl 7:12

Akööl acïk bɛ̈n. Akööl acïk thiɔ̈k, akööl bïï ɣɛɛc ku ɣööc de käŋ ciën naamden, në biäk bïï agönh ë Nhialic lööny ë kɔc yiëth kedhie athöŋ.

Luk 16:25

Go Abraɣam lueel an, ‘Wëndï, cätë yïnɔm, wään pïïr yïn, yïn ee këpiɛth yök, ku yök Ladharo karɛc, ku ënɔɔnë acï duut piɔ̈u, ku yïn dhiau piɔ̈u.

Luk 6:21

“Thieithieei wek kɔc nɛ̈k cɔk ënɔɔnë, we bï tɔ kueth! “Thieithieei wek kɔc dhiau ënɔɔnë, we bï dɔl!

Luk 6:25

“Amawoou në week wek kɔc cï kuɛth, we bïï cɔk nɔ̈k! “Amawoou në week, wek kɔc dɔl ënɔɔnë, we bï dhuöör ë dhiëëu!

Jɔn 16:22

Ku week aya, we de dhiën ë wepiɔ̈ɔ̈th ënɔɔnë: ku we bä bɛ tïŋ, aguɔkï piɔ̈ɔ̈th miɛt, ku miɛt ë wepiɔ̈ɔ̈th acïn raan bï e nyaai tëde week.

1 Kor 7:29

Ku aluɛɛl alëyɔ̈ɔ̈, wek mïthëkɔckuɔ an, piny athiɔ̈k, ku ë akööl cï döŋ, ke kɔc de diëërken ë ke tɔ̈u cït man ë ka cïn nïïm diäär,

1 Kor 7:31

ayï kɔc ë ka ke pinyë nɔm looi, ë ke ye käŋ looi ku cïkï kepiɔ̈ɔ̈th tum keek: täu de piny nɔm ënɔɔnë akɔɔr luɔi bï en jäl.

Nyuuth 18:7

Lɛc ee yen rɔt leec, ku kuɛth ee yen kuɛth ë kamit. Yen acït lɛ̈ŋ bä wek e leeŋ wëi ku dhiën bä wek e tɔ dhiau: Në luɛl ee yen e lueel ë yepiɔ̈u, an: ‘Yɛn rɛ̈ɛ̈r ke ya ye melik tik! Ku cä ye thuööm, ku yɛn cïï dhiëëu bï tïŋ anandï.”

Nyuuth 7:17

Nyɔŋamääl nu ë thöönydïtic cil abï keek aa tiit, ku ye ke kuaath të nu awɛŋ ke pïïu ke pïïr, ku Nhialic abï pïïu aa weec ë kenyïïn kedhie.”