1 Kor 7:29 - JAM DE NHIALIC 2011

²⁹ Ku aluɛɛl alëyɔ̈ɔ̈, wek mïthëkɔckuɔ an, piny athiɔ̈k, ku ë akööl cï döŋ, ke kɔc de diëërken ë ke tɔ̈u cït man ë ka cïn nïïm diäär,

1 Kor 7:29 ပူးပေါင်းရင်းမြစ်များ

2 Tham 19:34

Go ë Bardhilai puɔ̈k nɔm melik an, “Yɛn cïn nɔm run juëc bän ke pïïr, eeŋö bï ya lɛɛr Jeruthalem wokë melik?

Wɛ̈ɛ̈t 6:12

Ku eeŋa ŋic këpiɛth rɔ̈ŋ kekë mɛnh ë raan në ye nïn lik ɣɔ̈ric ee tëëk cït man ë atiëp ë piny nɔm? Eeŋa bï raan lɛ̈k kë bï rɔt looi në yecök të cï yen jäl?

Wɛ̈ɛ̈t 9:10

Ye këduön loi looi apiɛth në riɛldu ëbɛ̈n, në biäk liu ë luɔi ku täk ku ŋïnydekäŋ ayï pɛlënɔm paan ë thuɔɔu wën bï yïn lɔ thïnë.

Edhekiɛl 7:12

Akööl acïk bɛ̈n. Akööl acïk thiɔ̈k, akööl bïï ɣɛɛc ku ɣööc de käŋ ciën naamden, në biäk bïï agönh ë Nhialic lööny ë kɔc yiëth kedhie athöŋ.

Luk 14:20

Ku be däŋ lueel an, “Yɛn cï tiiŋdï thiaak, en acä yɛn duëër lɔ.’

1 Kor 7:28

Ku të thiëëk yïn, acïn kërɛɛc cï wööc, ayï dhuec, të thiɛɛkë ye, acïn kërɛɛc cï wööc. Ku kɔckë abïk kë dhal keek yök ë kegup: ku yɛn de piɔ̈u luɔi päl ɛn week.

1 Kor 7:30

ayï kɔc ë dhiau, ë ke tɔ̈u cït man ë ka cïï dhiau, ayï kɔc ë piɔ̈ɔ̈th miɛt, ë ke tɔ̈u cït man ë ka cïï piɔ̈ɔ̈th mit, ayï kɔc ë ɣööc, cït man ë ka cïn nïïm käŋ,

1 Kor 7:31

ayï kɔc ë ka ke pinyë nɔm looi, ë ke ye käŋ looi ku cïkï kepiɔ̈ɔ̈th tum keek: täu de piny nɔm ënɔɔnë akɔɔr luɔi bï en jäl.

1 Pet 1:24

Raan ëbɛ̈n acït wäl, “ku dhuëëŋ de raan ëbɛ̈n acït gaak ee wäl moc. Wäl ee biɔɔr, ku jɔ gaak cï moc aa lööny piny:

1 Pet 4:7

Ku thök bï käŋ thök kedhie acï guɔ thiɔ̈k: yen piath wek nïïm, ku yak röt tiit aguɔkï Nhialic ŋiëc aa lɔ̈ŋ.

1 Jɔn 2:17

Ku piny nɔm akɔɔr jäl, ayï ŋɔ̈ɔ̈ŋde aya: ku raan ee këde piɔ̈n ë Nhialic looi ee tɔ̈u athɛɛr.