1 Kor 7:22 - JAM DE NHIALIC 2011

²² Ku raan cï cɔɔl ë Bɛ̈nydïtic, ke ye lïm, yen aye raanden ë Bɛ̈nydït raan ee cath ë këde yenhde: ayï raan cï cɔɔl ke ye raan ee cath ë këde yenhde, yen aye lïm de Kërtho.

1 Kor 7:22 ပူးပေါင်းရင်းမြစ်များ

Diɛt 116:16

Yɛn awundu Bɛ̈nydït, Yïn ya luöi, cït man cï maar ye looi. Yïn cï yɛn kony ë thuɔɔu.

Romai 1:1

Yɛn Paulo, lïm de Yecu Kërtho, raan cï cɔɔl, an, bï aa tuc, raan cï tɔ̈ɔ̈u pei në këde wëlpiɛth ke Nhialic.

1 Kor 7:21

Ë yï cɔl, ke yï ë lïm? Du diɛɛr ë yïpiɔ̈u: ku na de tën an, lony yï, ke yï tɔ rɔt lony tei.

1 Kor 9:19

Acakaa yɛn ë cath ë këde yenhdï ë kɔc yiic kedhie, ke yɛn cï rɔt tɔ ye lïm de kɔc kedhie, luɔi bän kɔc juëc dɔm.

1 Kor 9:21

tëde kɔc cïn löŋ, yɛn cï rɔt tɔ ye raan cït kë cïn löŋ, luɔi bän kɔc cïn löŋ dɔm, ku yɛn cïï tɔ̈u ke ya cïn löŋ tëde Nhialic, yɛn nu ë löŋic tëde Kërtho.

Galatai 1:10

Kaar luɔi bï kɔc piɔ̈ɔ̈th miɛt në yɛn ënɔɔnë, ku ye Nhialic? Kaar luɔi bän kɔc kɔ̈c nyïïn? Tëë ya ŋoot ke ya ye kɔc kɔ̈c nyïïn, adï cä ye lïm de Kërtho.

Galatai 5:1

Cäth bï wok aa cath ë nɔm lääu, en aa lony Kërtho wook! Yen kääc wek thïn aril, ku duökï weyiëth be tɔ rek, abäk aa lïïm.

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

Kolothai 4:12

Wek thiëëc Epapara, raandun, ku ye raan ee Yecu Kërtho luööi, ee cool ë nɛ̈k rɔt piny ë lɔ̈ŋdeyic në biäkdun, ke we bï aa kɔ̈ɔ̈c aril, ke we bï piɔ̈ɔ̈th aa dikëdik ku kuɛthkï në këde piɔ̈n ë Nhialic ëbɛ̈n.

Pile 1:16

Ku cïï bï bɛ ciët man ë lïm tei, abï lïm wöör, ee mɛnhkui nhiaar, arëk ɛn a nhiaar aläl, ku yïn, cïï nhiaar ë nhiëër wär nhiëër nhiaar ɛn en, ë yeguöp ku në Bɛ̈nydïtic aya!

1 Pet 2:16

Na cakaa wek ë ye kɔc lääu nïïm, ke we duökï nɔmlääudun tɔ ye kën ë luɔi de kërac kum, yak tɔ̈u cït lïïm ke Nhialic.

2 Pet 1:1

Yɛn Thimon Petero, lïm de Yecu Kërtho ku ya tunyde, wek gäär awerek wek kɔc cï gäm de naamde yök, gäm kït ke gämda në piathëpiɔ̈u ë Nhialic kekë Konydan Yecu Kërtho:

Juda 1:1

Yɛn Juda, lïm ë Yecu Kërtho, ku ya mänhë ë Jakop. Awerek en gäär kɔc cï cɔɔl, kɔc nhiɛɛr Nhialic Wääda, ku cïke muk ë Yecu Kërtho yic: