1 Kor 6:8 - JAM DE NHIALIC 2011

⁸ Ku we ye kɔc luöi kërac, ku yak kɔc cam, ayï kɔckun aya.

1 Kor 6:8 ပူးပေါင်းရင်းမြစ်များ

Lebai 19:13

Du raan thiääk ke yïn ee yɔŋ ku du rum aya, ku du wëu kë raan lui yïn në ariöp ee pëën agut cï wakɔ̈u.

Maika 2:2

Na cïk piɔ̈ɔ̈th dɛ duum, ke rumkï keek, na kɔɔrkï ɣööt, ke nömkï keek. Acïn baai ayï raan bïï ë kake poth.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Math 20:13

Go bɛ̈ɛ̈r, yöök raan tök ë keek an, ‘Mäth, yïn kɛ̈n cam, ë wo kën jam giim wën në këde denariɔn tök?

Mak 10:19

Yïn ŋic cök ke lööŋ an, ‘Du lɔ wekë tiiŋ lei, du raan däŋ näk abï thou, du ye kual, du kɔc ee cäk thook, du kɔc ee cam, ye wuur riëëu kekë moor.”’

Kolothai 3:25

Ku raan ë kërac looi abï këde yök në kërɛɛc cï looi, ku kuëny bï kɔc aa kuany yiic aliu.

1 Theth 4:6

Ë cïn raan bï akeu waan, ciɛm mɛnhkënë ë këdäŋ: luɔi ee yen Bɛ̈nydït yen ee Raan bï ka cït ee kakë guöör kedhie, acït man cï wok e kɔn lɛ̈k week ayadäŋ, ku cuk röt tɔ ye cäätɔɔ.

Jakop 5:4

Wɔikï, ariöp de kɔc ee luui kɔc ee duumkun tem, ariöp cäk pɛ̈n keek ë cuëër, amoc kiɛɛu, ago kiɛɛu de kɔc tëm jɔ ɣet ë Bɛ̈nydït yïc, Bɛ̈nydït Awärjäŋ.