1 Kor 6:14 - JAM DE NHIALIC 2011

¹⁴ Ku Nhialic ë Bɛ̈nydït jat nhial, ku abï wo jat nhial aya në riɛldïït ë yencin.

1 Kor 6:14 ပူးပေါင်းရင်းမြစ်များ

Luɔi 17:31

Në luɔi cï en kööl tök lueel, kööl bï en löŋ de pinynɔm guiir ë piathëpiɔ̈u në raan cï tɔ ye bɛ̈ny ee löŋ guiir, ku acï kënë tɔ ŋic kɔc kedhie an, ee jam yic, në jön cï en e jɔ̈t bei ë kɔc cï thou yiic!”

Luɔi 2:24

Yen acïï Nhialic jat nhial, të cï en e luöny bei ë thuɔɔuwic: luɔi dhɛlë thuɔɔu muŋ bï en e muk.

Luɔi 2:32

Yen Yecu manë, yen acïï Nhialic jat nhial, ku wook wodhie wok ee cäätɔɔ në ee cöökë.

Romai 8:11

Ku të rëërë Wëi ë weyiic, ke Wëi ke Raan wään cï Yecu jat nhial ë kɔc cï thou yiic, të rëër kek ë weyiic, ke Raan cï Kërtho jat nhial ë kɔc cï thou yiic, yen abï week tɔ pïïr gup gup de yiic thuɔɔu, në riɛl ë Wëikɛn ee rëër ë weyiic.

1 Kor 15:23

Ku raan ëbɛ̈n ŋɛk ke kööldɛn röŋ ke ye: Kërtho ee kë cï kɔn luɔk, miäk, ke kɔc ke Kërtho abïk röt lɔ̈ɔ̈k jɔt ëkööl bï en bɛ̈n.

2 Kor 13:4

acakaa yen ë cï piäät ë tim cï rïïu nɔm kɔ̈u ke kɔ̈c guöp, ka pïïr ënɔɔnë në riɛl dïït ë Nhialic, riɛl nu tëde week.

2 Kor 4:14

Në ŋïny ŋic wok cöökë an, Raan wään jɔt Bɛ̈nydït Yecu nhial, en abï wo jat nhial aya në Yecu, ago wo tääu ë yenɔm wokë week ëtök.

Pilipoi 3:21

raan bï wo puk gup, gup cïn naamden, luɔi bï en ke cuëëc abïk kït ë guöpdɛn ë dhuëëŋ, në luɔi de riɛldɛndït riɛl ee yen käŋ ŋiëc tääu ë yecök kedhie.

1 Theth 4:14

Ku të gɛm wok en nɔn cï Yecu thou, ku be rɔt jɔt, yen acït bïï bï Nhialic kɔc cï lɔ niin ë Yecuyic bɛ̈ɛ̈i në yen ëtök.