1 Kor 5:8 - JAM DE NHIALIC 2011

⁸ Yen ciɛm wok kuïn ë dhuëëŋ, kuïn cïnic luɔu thɛɛr, ku cïnic luɔu de anyääk, ku rɛ̈ɛ̈cdepiɔ̈u, yok cam ë kuïn cïnic luɔu ë piɔ̈n yic a gɔk.

1 Kor 5:8 ပူးပေါင်းရင်းမြစ်များ

Diɛt 32:2

Thieithieei në raan ye Bɛ̈nydït tïŋ ke cïn kë cï wööc, raan cïn guöp lueth.

Diɛt 42:4

Kakë aya keek tak, të yan yapiɔ̈u lueel, në täu wään yan lɔ wo kuut ɣön ë Nhialic, ku wat keek të jɔ wok lɔ ke wo cath kuut mit piɔ̈ɔ̈th, kït në röldït ë diɛt ke thieithieei.

Bɛ̈n 12:15

Wek bï kuïïn cï pam cïnic luɔu aa cam në nïn kadhorou. Kööl tueŋ, ke we kɔn kë ye kuïïn cï pam tɔ mäth nyaai në bɛ̈ikuniic. Na lɔ raan kuïn cï pam mäth cam në ee nïnkë yiic kadhorou, ka bï tɛɛm wei në kɔc ke Yithriɛliic.

Bɛ̈n 12:19

Ë cïn kë ye kuïn cï pam tɔ mäth bï nu në bɛ̈ikuniic në ee nïnkë yiic kadhorou, ke cïn raan bï kuïn mäth cam. Na lɔ raan kuïn cï pam cï mäth cam në ee nïnkë yiic, nɔn yen raan lei, ku nɔn ee yen raan ë Yithriɛl, abï tɛɛm wei në akutnɔm de Yithriɛl yiic.

Bɛ̈n 12:8

Ku ë ke nyop rïŋ në ee wɛ̈ɛ̈rë yic, ku cuetkï keek në wɛ̈ɛ̈l kec, ku kuïn cï pam nyuäŋ.

Bɛ̈n 13:6

Yak kuïn cï pam nyuäŋ cam në ee nïnkë yiic kadhorou. Ku kööl ye nïn dhorou, ke we loi dhuëëŋ de Bɛ̈nydït.

Bɛ̈n 13:7

Në nïnkë yiic kadhorou, wek cïï kuïn cï pam mäth bï cam, ku duökï kë ye kuïn cï pam tɔ mäth tɔ tɔ̈u paandun në ee nïnkë yiic. Ayï kuïn cï pam mäth ë cïï tɔ̈u.

Yith 25:6

Eenë në kuur ë Dhiɔn nɔm Bɛ̈nydït de rɛm abï dhuëëŋ de këcam luöi juöör ke piny nɔm, dhuëëŋ de këcam cuai arëët ku mɔ̈n mit.

Yith 30:29

Ku kɔc ke Nhialic abïk ket në diɛt ke miɛtëpiɔ̈u, cït diɛt ke kööl ë dhuëëŋ ɣeric. We bï piɔ̈ɔ̈th miɛt cït kɔc koth kɛŋ ke ke lɔ Luaŋdïït de Bɛ̈nydït Raan ee Yithriɛl gël.

Lebai 23:6

Ku Dhuëëŋ de Kuïn Cïnic Luɔu abï rɔt gɔl në kööl ye pɛɛi thok thiëër ku dhïc, në ee pɛɛiyë yic, wek bï kuïn cïn yic luɔu cam në nin kadhorou yiic.

Math 16:12

Na wën, ke jɔkï ŋic nɔn ë cïï en ke yöök an, bïk röt tiit në luɔu de kuïn, ee wëët en ë lueel, wëët de Parithai kekë Thadokai.

Math 16:6

Go Yecu ke yɔ̈ɔ̈k an, “Yak röt tiit ë luɔu de Parithai kekë Thadokai.

Mak 8:15

Go ke yɔ̈ɔ̈k an, “Yak cath aŋiɛckï, yak röt tiit ë luɔu de Parithai, ayï luɔu de Ɣerod.”

Luk 12:1

Ɣɔn aacï kuut ke kɔc jɔ guëër, kuut cïï raan ke duëër lëu ë kuɛ̈n, arëk abï kɔc kecök aa käc, ke jɔ jam gɔl kekë kɔckɛn ë piööcë an, “Yak röt tiit ë luɔi de Parithai, yen aye aguk nu ë raan yäc.

Jɔn 1:47

Na wën, ke Yecu tïŋ Nathanyel ke bɔ̈ tëde yen, go lueel an, “Wɔikï, raan ë Yithriɛl ëgɔk ka, raan cïn yäc ruëëny!”

1 Kor 3:3

we ŋoot ë we tum wepiɔ̈ɔ̈th ka ke piny. Ku nɔn tɔ̈uwë tiɛɛl ë weyiic ayï ateer ayï tëŋ aa wek weyiic tek, cäkï wepiɔ̈ɔ̈th ë tuöm ka ke piny, ku cäkï ë rëër ë rëër ë kɔc tei?

1 Kor 5:1

Aye lueel ë raan ëbɛ̈n an, nu dhööm ë weyiic, ku dhööm yïnya aliu acakaa juöör yiic aliu an, ye raan tiiŋ de wun nööm!

1 Kor 5:6

Lɛc aa wek röt leec acïï piɛth. Kuöckï luɔu thiinakäŋ nɔn ee yen awany dït tɔ piɔ̈ɔ̈r ëbɛ̈n?

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

2 Kor 2:17

Ku wook, wo cïï cït tëdïït ë kɔc, kɔc ë jam ë Nhialic riɔ̈ɔ̈k në biäk de wëu: jam yok lueel ee piɔ̈n yic yen aye wok e lueel, ku cït liem de Nhialic, ë Nhialic nɔm yen aye wo jam ë Kërtho yic.

2 Kor 8:8

Acie luɔi dhiɛl wek e loi en luɛɛl, ee biäk de lɛ̈th ë kɔc kɔ̈k yiic en a luɛɛl ɛn en, ku ee thëm thɛn ɛn nhiëërdun ayadäŋ nɔn ee yen yic.

Epethiei 6:24

Ë dhuëëŋdepiɔ̈u tɔ̈u ke kɔc kedhie kɔc nhiaar Bɛ̈nydan Yecu Kërtho në piɔ̈n agɔk. Amiin.

Nyöŋ 16:16

“Röör ke jurdun ëbɛ̈n abïk aa bɛ̈n, bïk Bɛ̈nydït bɛ̈n lam raan diäk në ruöönic, të töŋ de läm: Në Dhuëëŋ de Kuïn Cïnic Luɔu, ku Dhuëëŋ de Winythok, ku Dhuëëŋ de Tëm, ku Dhuëëŋ de Kɛ̈ɛ̈t. Ku raan ëbɛ̈n abï miɔ̈c aa bɛ̈ɛ̈i,

Nyöŋ 16:3

Të la wek ee këcamë cam, duökï kuïn cï pam cï looi në luɔu cam. Në nïn kadhorou yiic wek bï kuïn cï pam cïn yic luɔu aa cam, cït man wään luɔi wek en ɣɔn jäl wek në Rip ë aruööthic. Camkï ee kuïn cï pamë abï aa cɔɔl an, kuïn cï pam de nuan, aguɔkï ee köölë tak në pïïrdunic ëbɛ̈n, kööl ë bä wek bei në Rip, të de nuan.

Jocua 24:14

Na wën, ke lëk ë Jocua keek an, “Ka week, jakï Bɛ̈nydït riëëu guöp arëët, ku yak luööi aläl në wepiɔ̈ɔ̈th ëbɛ̈n. Cuatkï yiëth wei kedhie, yiëth ɣɔn ye kuarkun lam lɔŋ de wɛ̈ɛ̈r ë Yuparat, ayï Rip. Ku Bɛ̈nydït yetök yen luööikï.

1 Pet 4:2

Ago täu täu wek ë guöpic ë aköölkuön ë pïïr cï döŋ tëde week, ke cïï bï aa këde ŋɔ̈ɔ̈ŋ ë kɔc dɔm, abï aa këde piɔ̈n ë Nhialic.