1 Kor 5:5 - JAM DE NHIALIC 2011

⁵ ke we bï ee raanë yiɛ̈n Catan le riɔ̈ɔ̈k guöp, ke bï kony wëi ë kööl ë Bɛ̈nydït Yecu.

1 Kor 5:5 ပူးပေါင်းရင်းမြစ်များ

Jop 2:6

Go Bɛ̈nydït lɛ̈k Catan an, “Yeka, anu ë yïcin, ee wëike kek acï bï jak.

Diɛt 109:6

Kuany bɛ̈ny ke luk rac bïk löŋ de kɔc ke aterdï guiir, ku tɔ raan töŋ de kɔc de kek ater gɛɛny en.

Kɛ̈ŋ 23:14

Abï dui keek kony wëi, në paan ë thuɔɔu.

Lebai 13:21

Ku na cïï bɛ̈ny de kake Nhialic yen gɔɔkic, ku kën nhïm nu në ye yic ɣɛɛr, ku të cï të cï toŋë yic thuth awär dɛ̈l, ku cï jäl, bɛ̈ny de kake Nhialic, abï raan dhil mɛ̈ɛ̈c ke kɔc në nïn kadhorou.

Math 4:10

Go Yecu yɔ̈ɔ̈k an, “Nyai, Catan, acï gɔ̈ɔ̈r an, ‘Ye Bɛ̈nydït Nhialicdu lam, ku yen ee luööi etök.”’

Luk 22:31

“Na wën, ke lueel Bɛ̈nydït an, “Thimon, tïŋ, Catan acï we kɔɔr arëët luɔi bï en we nööm, bï we kïïc cït man ë agamɔ:

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

1 Kor 1:8

Raan bï week muk abäk riɛl a thöökë piny, ke bï ciën kë bï we gɔ̈k ëkööl ë Bɛ̈nydan Yecu Kërtho.

1 Kor 11:32

Ku të jiëënyë wo, ke wok ee Nhialic wɛ̈ɛ̈t cït man ë mïthke, ke wo cïï bï yiëk yiëth gääk në kɔc ke piny nɔm ëtök.

1 Kor 5:13

Ku kɔc ë tɔ̈u biic löŋden abïï Nhialic guiir. Cït man cï këcïgɔ̈ɔ̈r ye lueel an, “Jakï raan rɛɛcë bɛ̈ɛ̈i bei ë weyiic.”

2 Kor 10:6

Ku buk röt dap guöör ë reec reecë kɔc pïŋ ëbɛ̈n, të cä wek guɔ thök ë pïŋ piɛŋ wek käŋ.

2 Kor 12:7

Ku luɔi cän rɔt tɔ dït ë dït cïï piɛth, në biäk de ka juëc göök cï nyuöth ɛn, yen aa yïkë ya guöp kou kon nu ë rïŋic, ee tuny ë tuucë Catan bï yɛn aa biɔ̈ɔ̈k guöp, ke ya cïï rɔt bï tɔ dït ë dït cïï piɛth.

2 Kor 13:10

Yen a gäär ɛn kakë ke ya liu ë weyiic, ke we cä bï dhil nen ë nën rac miäk të cän bɛ̈n, ago riɛl cïï Bɛ̈nydït gäm ɛn, ago aa këde yïŋ de käŋ, ku acie këde dhuur ë käŋ piny.

Pilipoi 1:6

Ku cöökë aŋiɛc ëgɔk an, Raan ë cak luɔi piɛth ë weyiic abï thöl abïï piath ë kööl ë Yecu Kërtho.

1 Tim 1:20

Kɔc de yiic yï Kumenayo kekë Alekandaro, kɔc cä yiɛ̈n Catan, luɔi bï ke wɛ̈ɛ̈t, ke ke cïï Nhialic bï aa läät.

2Tim 1:18

(Ë Bɛ̈nydït gam lɔ̈ŋdï në biäkde, ke bï kokdepiɔ̈u yök tëde Bɛ̈nydït ee köölë), ku kajuëc cï luöi ɛn ë Epetho, aŋic keek apiɛth.

2 Pet 3:12

ku tiët aa wek bɛ̈n de kööl ë Nhialic tiit, an, bäk dap loor, kööl bï tënhial ɣɔ̈k mac, ago riäär, ku lɛ̈ɛ̈ŋ kanhial në tuöc de many dɛ̈p aläl?

1 Jɔn 5:16

Na de raan tïŋ mɛnhkënë ke loi kërac, ku cie kërɛɛc ee thuɔɔu bɛ̈ɛ̈i, ke lip, ka bï gäm pïïr në këde kɔc loi kërɛɛc cïï thuɔɔu ee bɛ̈ɛ̈i. Kërɛɛc ee thuɔɔu bɛ̈ɛ̈i anu: acä luel nɔn bï en lɔ̈ŋ në këde.