1 Kor 5:2 - JAM DE NHIALIC 2011

² Ku we ë nïïm dham, ku kɛ̈nkï dhiau, ke raan cï ee kënë looi bï jɔt ë weyiic.

1 Kor 5:2 ပူးပေါင်းရင်းမြစ်များ

2 Mel 22:19

ku në biäk cï yïn piɔ̈u dhiau, ku kuɔɔrë rɔt piny në Bɛ̈nydït nɔm, wën piŋ yïn luɔi bän kërac looi ee tënë, ku lɔ kɔc ceŋ ee tënë, an duëërkï a ɣään bï pɔ̈l, ɣään cï cieen, ku yïn ë lupɔɔku rɛtiic, ku dhiau në Ya nɔm, Yɛn ayadäŋ yïn cä piŋ röl.

Diɛt 119:136

Yɛn ee nyin dhiau ë pïïu cït man ë kiir, në biäk cïï kɔc lööŋku ee riëëu.

Jeremia 13:17

Të cä wek bï piŋ, ke yɛn bï dhiau ke ya thiaan në biäk de lɛcdun, yɛn bï dhiau ë jiɛthëpiɔ̈u, ku pïïu ke yɛn nyin abïk riŋ, në biäk cïï kɔc ke Bɛ̈nydït peec.

Edhekiɛl 9:4

“Lɔ caathë pänydït ë Jeruthalem yic ëbɛ̈n, ku ye raan cï yök ke nuan, ku jiɛth piɔ̈u në biäk de karɛc ku kanhiany ye kɔc keek looi ë pänydïtic, ye jak nɔm në kït.”

Edhekiɛl 9:6

Näkkï röördït, ku dhuök, ku diäär kor, ku märken ke mïth, ku mïth. Ku duökï raan de nɔm kït jak. Galkï thar eenë tëɣeric.” Agokï gɔl në bäny ë kääc ëtɛ̈ɛ̈n Luaŋdït.

Kuɛ̈n 25:6

Ku ëtɛ̈ɛ̈n, raan de Yithriɛl tök acï nyan ë kɔc ke Midian bɛ̈ɛ̈i baaide aköl ke woi ë Mothe, ku woi ë akutnɔm de kɔc ke Yithriɛl kedhie, ke ke dhiau në paany de mät thok.

1 Kor 4:18

Ku kɔc kɔ̈k ë weyiic acïk nïïm dham, ayek lueel, an, cä bï bɛ̈n tëde week.

1 Kor 5:13

Ku kɔc ë tɔ̈u biic löŋden abïï Nhialic guiir. Cït man cï këcïgɔ̈ɔ̈r ye lueel an, “Jakï raan rɛɛcë bɛ̈ɛ̈i bei ë weyiic.”

2 Kor 12:20

Yɛn ë riɔ̈ɔ̈c, miäk, të cän bɛ̈n, ke we cït ka cä bï yök aye kɔc kaar ë yapiɔ̈u, ku yɛnguöp yɛn cït kë cäkï bï yök aye raan kaarkï ë wepiɔ̈ɔ̈th, yɛn ë riɔ̈ɔ̈c ë ciët kë bï dɛ ateer nu, ku tiɛɛl, ku agööth, ku tɔɔŋ, ku ciëk de thok, ku atuum, ku lɛc leec ë kɔc röt, ku awuööu.

2 Kor 12:21

Ku yɛn ë riɔ̈ɔ̈c, miäk, të la yɛn bɛ bɛ̈n, ke Nhialicdï acït kë bï a tɔ yäär ë weyiic, ku yɛn cït kë bï kɔc juëc dhiëëu kɔc cï kërac kɔn looi, ku kënkï kepiɔ̈ɔ̈th puk në luɔidɛn col ku kɔ̈ɔ̈r ee kek diäär kɔɔr ku dhöömden, luɔidɛn rɛɛc ë cïk aa looi.