1 Kor 5:10 - JAM DE NHIALIC 2011

¹⁰ ku akɛ̈n lueel an, bäk pɔ̈k ëtaiwei wekë dhööm ke piny nɔm, ayï röördït piɔ̈ɔ̈th, ayï cuɛ̈ɛ̈r, ayï kɔc ee yiëth lam, yen aduɛ̈ɛ̈r wek dhil jäl ë piny nɔm.

1 Kor 5:10 ပူးပေါင်းရင်းမြစ်များ

Luk 18:11

Go raan ë Parithai kɔ̈ɔ̈c nhial ku jɔ lɔ̈ŋ alë ë yepiɔ̈u an, ‘Nhialic, yïn lɛc nɔm, nɔn cän cït kɔc kɔ̈k, kɔc ee käŋ rum, kɔc ee kɔc cam, kɔc ee diëër lei kɔɔr, ku cä cït raanë aya, raan ë athölbö tɔ kutë.

Jɔn 15:19

Tëë we ye kɔckɛn ë kɔc ke piny nɔm, ke kɔc ke piny nɔm adï nhiaarkï kɔcken: ku ënɔɔnë, ë luɔi cä wek ee kɔckɛn ë kɔc ke piny nɔm, ku we cä lɔ̈c bei ë piny nɔm, yen amɛɛnë kɔc ke piny nɔm week.

Jɔn 17:6

Yɛn ë kɔc nyuöth rinku ëgɔk, kɔc wään cï gäm ɛn ë piny nɔm: aake ye kɔcku, ku yïn aa gëm ke yɛn, ku acïk jamdu muk,

Jɔn 17:9

“Yɛn läŋ në biäkden: yɛn cïï läŋ në biäk de kɔc ke piny nɔm, ee biäk de kɔc wään gämë yɛn, luɔi ee kek kɔcku.

Jɔn 8:23

Go lɛ̈k keek an, “Wek ë bɔ̈ piny, ku yɛn ë bɔ̈ nhial: wek ee ka ke pinyë nɔm, yɛn cie kë de pinyë nɔm.

1 Kor 1:20

Raan pelnɔm akou? Raan ee löŋ gɔ̈ɔ̈r akou? Raan ŋic wël teet nu nou, raan ë pinyë nɔm? Pɛlënɔm ë kɔc ke pinyë nɔm kënë Nhialic tɔ ye këɣɔ̈ric?

1 Kor 10:27

Ku na de raan cɔl week ë këde cäm, ku ye raan töŋ de kɔc kën gam, ku dɛkï piɔ̈ɔ̈th lɔ, ka cï tääu ë wenïïm jakï ke cam kedhie, ku duökï käŋ ee luɔp në biäk de jam bï raan yök ë yepiɔ̈u.

1 Kor 5:11

Ku ënɔɔnë, acä gäär week an: Duökï ee mat ëtök në raan cï tɔ ye mɛnhkënëda, të ee yen dhööm, ku nɔn ee yen raan dït piɔ̈u, ku nɔn ee yen raan ë yiëth lam, ayï raan ee kɔc läät, ayï raan ee rɔt tɔ wit ë mɔu, ayï cuɛ̈ɛ̈r, raan cït ee kënë, acakaa këcam, ke we duökï rɔ̈m në yen.

1 Kor 5:9

Acä gäär week wään ë awerekic an: Duökï ee mat në dhööm ëtök,

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

Epethiei 2:2

Karac yak cool ë luɔɔi wek ke, ɣɔn rɛ̈ɛ̈r wek ë rëër ë kɔc ke piny nɔm ënɔɔnë, rëër ë bɛ̈nydït cath ke riɛl ë yomic yen aye jɔŋ rɛɛc ee luui ë kɔc reec gäm yiic ënɔɔnë.

Pilipoi 2:15

ke we bï ciën gääk ku ciënkï gup akɔ̈ɔ̈k, mïth ke Nhialic mïth cïï duëërë gɔ̈k ë remic cil rem ee cath ëdɔkdɔk ku cïï rɔt yal ë kërac, rem aa wek tïc ë keyiic cït man ë kuɛl ë piny riaau,

1 Jɔn 4:5

Kɔckë ayek kɔc ke piny nɔm, yen a jiɛɛm kek në këde piny nɔm, ago kɔc ke piny nɔm këden piŋ.

1 Jɔn 4:7

Wek kɔc nhiaar, yok röt nhiaar: nhiëër yen aye këde Nhialic, ku raan ëbɛ̈n raan cath ke nhiëër ë Nhialic en ë dhiëth en, ku ŋic Nhialic.

1 Jɔn 5:19

Aŋicku nɔn ee wok kɔc ke Nhialic, ku nɔn tɔ̈uwë piny nɔm ëbɛ̈n ë këracic.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.