1 Kor 4:7 - JAM DE NHIALIC 2011

⁷ Eeŋa ë yï tɔ tɔ̈u pei? Ku eeŋö cath ke yïn kë kënë gäm yïn? Ku na cï gäm yïn, ka eeŋö ee yïn rɔt leec, acït man ë kë kënë gäm yïn?

1 Kor 4:7 ပူးပေါင်းရင်းမြစ်များ

Kɛ̈ŋ 2:6

Ee Bɛ̈nydït Yen ee pɛlënɔm gam, ku ŋïnydekäŋ ee bɛ̈n tëde Yen, ayï yöŋ de käŋiic.

Edhekiɛl 29:3

Luel an kë lëkë Bɛ̈nydït Awärjäŋ melik de Rip kï: yïn ee raan aterdï, yïn ŋuäldït nyaŋ, dhɔt në pïïuwiic. Acï lueel an ye Kiir këdu, ku ee yïn ë loi en.

Danyel 5:18

“Nhialic dït acï wuur Nebukadnedhar tɔ ee melik dït, ku gëm dhuëëŋ ku riëëu.

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Luk 19:13

Na wën, ke cɔl lïïmke kathiëër, ku gëm keek jinii kathiëër, go keek yɔ̈ɔ̈k an, ‘Ɣaackï keek aɣet të bän lɔ bɛ̈n.’

Jɔn 1:16

Ku në kuɛth cï en kuɛth yen acï wok käŋ yök wodhie, ayï dhuëëŋdepiɔ̈u dhuëëŋ cï rɔt ŋuak.

Jɔn 3:27

Go Jɔn bɛ̈ɛ̈r, lueel an, “Acïn kë duëërë raan yök, të kënë ye gäm en nhial.

Romai 1:5

raan cï wo tɔ yök dhuëëŋdepiɔ̈u, ku yökku tuöc cï wo tooc, në luɔi bï kɔc wël aa piŋ ku gamkï keek ë juöör yiic kedhie, në baŋ de rinke.

Romai 12:3

Ku ënɔɔnë, në dhuëëŋdepiɔ̈u cï gäm ɛn, yen a lɛ̈k raan ëbɛ̈n në weyiic an, ë cïn raan ee rɔt tɔ dït ë dït cïï röŋ ke ye, yak röt tɔ nu ë kaamic, acït man cï Nhialic kɔc tɛ̈k gäm raan ëbɛ̈n.

Romai 12:6

Ku ënɔɔnë, luɔi ciɛth wok në ka cï gäm wook ka kith yiic bïk röŋ në luɔi de dhuëëŋ cï gäm wook, nɔn ee yen cäär ee wok cɔ̈ɔ̈r, yok cɔ̈ɔ̈r ë cɔ̈ɔ̈r ee röŋ ke gämda,

1 Kor 15:10

Ku ee dhuëëŋ de Nhialic piɔ̈u, en atäu ɛn ë täudï: ku dhuëëŋ de yenpiɔ̈u dhuëëŋ cï yiɛ̈n ɛn, acie këɣɔ̈ric, yɛn ee luui arëët, ka wäär keek kedhie: ku acie yɛn ee luui, ee dhuëëŋ ë Nhialic piɔ̈u, en aye luui, dhuëëŋ ë tɔ̈u ke yɛn.

1 Kor 3:5

Paulo eeŋa? Ku Apolo eeŋa? Cïkï ë kɔc ee luui tei, kɔc cï we tɔ gäm, cït man cï Bɛ̈nydït e gäm ŋɛk ku gëm ŋɛk?

1 Kor 5:6

Lɛc aa wek röt leec acïï piɛth. Kuöckï luɔu thiinakäŋ nɔn ee yen awany dït tɔ piɔ̈ɔ̈r ëbɛ̈n?

1 Kor 7:7

Ku raan ëbɛ̈n acath ke kë cï Nhialic gäm en, ŋɛk ke këde, ku ŋɛk ke këde.

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.

1 Pet 4:10

Week wedhie, të cï raan këdäŋ yök kë cï gäm en, ke teke ke mänhë kɔ̈c, en abä wek ciët kɔc piɛth cï tääu ë dhiën nɔm, kɔc ŋic dhuëëŋ ë Nhialic döt dhuëëŋ kithic.