1 Kor 4:5 - JAM DE NHIALIC 2011

⁵ Yen cïn en kë yak jɔ̈ɔ̈ny të ŋoot akööl dït wei, të ŋootë Bɛ̈nydït ke kën bɛ̈n, raan bï ka cï thiaan tëcol bɛ̈ɛ̈i tëɣer, ku bï lööŋ ee lueel ë kɔc piɔ̈ɔ̈th tɔ tiëc, ee köölë yen abïï raan ëbɛ̈n lɛc yök tëde Nhialic.

1 Kor 4:5 ပူးပေါင်းရင်းမြစ်များ

Jop 12:22

Ee tëthuth colic liep nɔm, tɔ mɔ̈ɔ̈th cooldïït cït paan ë thuɔɔu tɔ ye ɣɛɛr.

Kɛ̈ŋ 12:8

Kɔc pel nïïm aye ke lɛ̈c pɛlënɔmden, ku ciën yöŋ de käŋiic ee biɔ̈n ë guöp bɛ̈ɛ̈i.

Wɛ̈ɛ̈t 11:9

Wek dhuök, miɛtkï piɔ̈ɔ̈th në dhuöökdunic. Yak piɔ̈ɔ̈th miɛt të ŋuɔɔt wek ke we ye dhuök. Luɔikï ka kaarkï bäk ke looi, ku kuanykï kake piɔ̈ɔ̈thkun cök. Ku ŋiɛckï nɔn bï Nhialic löŋdun guiir në këriëëc yak looi yic ëbɛ̈n.

Wɛ̈ɛ̈t 12:14

Në biäk ye Nhialic löŋ de ka yek looi ëbɛ̈n guiir, ayï ka cï moony, nɔn yek ke kapiɛth ku nɔn ee karɛc.

Jeremia 16:17

Yɛn ee këriëëc loikï ëbɛ̈n woi. Acïn kë cï thiaan tëde Yɛn, karɛcken acïkï ee ban ë Yanyin.

Jeremia 23:25

Yɛn ŋic kë cï tïtkë lueel, kɔc wään luel lueth në rinkï, ku luelkï an cä ke gäm jam në nyuöthden yic.

Ɣodh 8:13

Ayek Ɛn gäm miɔ̈c, ku pukkï röt cuetkï rïŋ. Bɛ̈nydït acïï piɔ̈u mit ke keek. Bɛ̈nydït acïï awɛ̈ɛ̈cken bï puɔ̈l, abï keek luöi këtuc në baŋ de karɛcken. Ka abä keek be tɔ ye lïïm, cït man ɣɔn kɔnë keek lïïm paan ë Rip.

Malakai 3:18

Ku ëtɛ̈ɛ̈n, wek bï kë loi rɔt jɔ ŋic në kaam de raan ɣer piɔ̈u kekë raan ee karɛc looi, ku kaam de raan ee Nhialic luööi kekë raan cïï Nhialic ee luööi.

Math 10:26

Yen duö wek ee riɔ̈ɔ̈c ë keek, acïn kë cï kum, ke cïï bï liep nɔm, ku acïn kë cï moony, ke cïï bï ŋic.

Math 24:30

Na ëlë, ke gök bï Wën ë Raan ŋic abï jɔ tïc tënhial, ago dhiëën ke piny nɔm ëbɛ̈n, agokï keyöth biɔ̈ɔ̈k ke ke dhiau, ku abïk Wën ë Raan tïŋ abɔ̈ ë luäät yiic nhial ke cath ke riɛl dït ku dhuëëŋ dït.

Math 24:46

Thieithieei ë lïmë, lïm bïï bɛ̈nyde yök ke lui aya, të cï en bɛ̈n.

Math 25:21

Go bɛ̈nyde yɔ̈ɔ̈k an, ‘Apiɛth, yïn ee lïm piɛth ŋic käŋ döt, yïn ë kalik döt apiɛth, yïn bä tääu ë kajuëc yiic, yïn bï piɔ̈u miɛt wekë bɛ̈nydu ëtök.’

Math 25:23

Go bɛ̈nyde yɔ̈ɔ̈k an, ‘Apiɛth, yïn ee lïm piɛth ŋic käŋ döt, yïn ë kalik döt apiɛth, yïn bä tääu ë kajuëc yiic, yïn bï piɔ̈u miɛt wekë bɛ̈nydu ëtök!’

Luk 6:37

“Duökï kɔc ee jɔ̈ɔ̈ny, ke we cïï bï aa jɔ̈ɔ̈ny: duökï kɔc ee gɔ̈k, ke we cïï bï aa gɔ̈k: yak kɔc päl karɛcken, ke we bï päl karɛckun.

Jɔn 21:22

Go Yecu lueel an, “Të dɛ yɛn piɔ̈u luɔi bï en tɔ̈u aɣet të bä yɛn lɔ bɛ̈n, ke eeŋödu thïn? Yïn, kuany a cök!”

Jɔn 21:23

Go jamë tɛɛi ë wäthii yiic an, cï raanëpiööcëyë bï thou. Ku akënë Yecu e lueel, nɔn cïï en bï thou, aa lueel an, “Të dɛ yɛn piɔ̈u luɔi bï en tɔ̈u aɣet të bä yɛn lɔ bɛ̈n, ke eeŋödu thïn?”

Jɔn 5:44

Duɛ̈ɛ̈rkï gäm lëu wäkdï, wek kɔc ë lɛc gam lɛc aa wek röt leec wapäc, ku cäkï lɛc ee kɔɔr lɛc bɔ̈ tëde Nhialic etök?

Romai 14:4

Ee yïn ŋa, yïn raan ee lïm de raan däŋ gɔ̈k? Kɔ̈ɔ̈c kɛ̈ɛ̈c en, ku wïïk wïïk en, ee këde bɛ̈nyde guöp etök. Yeka, ku abï mɔ̈k nhial, Nhialic ade riɛl bï en tɔ kääc.

Romai 2:1

Yen ënɔɔnë, yïn ŋadï, yïn raan jäny raan däŋ, yïn cïn të bï yïn rɔt kɔ̈c, jäny jiëëny yïn raan däŋ, yen a jiëëny yïn rɔt, yïn raan jäny raan däŋ, yïn ee käŋ looi kamankë gup.

Romai 2:16

Kööl bï Nhialic ka cïï kɔc moony jɔ̈ɔ̈ny në Yecu Kërtho, në këde wëlkiën piɛth.

Romai 2:29

Raan ee ya Judai nɔm, tën ee yen Judai ë ye yäc thïn, ku cuɛ̈l ee këde raan piɔ̈u, ee këde wëi, acie këde jam tei. Lɛcde acïï bɔ̈ tëde kɔc, abɔ̈ tëde Nhialic.

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

1 Kor 1:7

ago ciën miɔ̈c töŋ dak week, të tiɛɛt wek nyuöth bï Bɛ̈nydan Yecu Kërtho rɔt nyuɔɔth.

1 Kor 11:16

Ku na de raan kɔɔr teer, ke wo cïn ciɛɛŋ cït ee kënë, acakaa ɣööt ke Nhialic yiic ayadäŋ, aliu tëde keek.

1 Kor 11:26

Ku të de yen të cäm wek ee kuïnë ku dɛ̈kkï ee bïnyë, ke thon ë Bɛ̈nydït en nyuɔɔthkï aɣet të bï en bɛ̈n.

1 Kor 15:23

Ku raan ëbɛ̈n ŋɛk ke kööldɛn röŋ ke ye: Kërtho ee kë cï kɔn luɔk, miäk, ke kɔc ke Kërtho abïk röt lɔ̈ɔ̈k jɔt ëkööl bï en bɛ̈n.

1 Kor 3:13

ke luɔi de raan ëbɛ̈n abï tïc wadäŋ: ee köölë yen abï e nyuɔɔth, ee mac en abï e nyuɔɔth, ku luɔi de raan ëbɛ̈n abïï mac them, nɔn ee yen luɔi cït ŋö.

1 Kor 3:14

Na dɔ̈ŋ kë ë ŋɛk looi, kë cï yïk ë këërkëër, ka bï ariöpde yök.

1 Kor 3:8

Ku raan ë com kekë raan ë piöök ayek tök, ku raan ëbɛ̈n abï ariöpde yök, ariöp bï röŋ ke luɔide yenguöp.

2 Kor 10:18

Acie raan lec rɔt etök yen piɛth ëgɔk, ee raan leec Nhialic yen apiɛth.

2 Kor 10:9

Ku yɛn cïn piɔ̈u luɔi bän we tɔ riɔ̈c në awereek.

2 Kor 4:2

Ku ka ke ayäär ka cï moony acuk ke jäi, ku wo cie rëër ë wo ye ruɛ̈ny, ku cuku läm ë Nhialic ee cäkic, ee yic en a yok tɔ tiëc, ago wo ŋic ë kɔc piɔ̈ɔ̈th kedhie nɔn piɛth wok ë Nhialic nɔm.

2 Kor 5:10

Ku wo bï dhil tïc ë thööny de Kërtho nɔm wodhie, thööny de guiëërëlöŋ, ago raan ëbɛ̈n käŋ yök ka bï röŋ në kë cï looi ë guöpde yic, nɔn ee yen këpiɛth, ku nɔn ee yen kërac.

1 Theth 5:2

Wegup aŋiɛckï ëgɔk nɔn bï aköl ë Bɛ̈nydït bɛ̈n cït man ee cuɛ̈ɛ̈r bɛ̈n wakɔ̈u.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

Jakop 4:11

Duökï röt ee lɛ̈k kërac, wek mïthëkɔckuɔ. Raan ee mɛnhkënë lɛ̈k kërac, ku ye mɛnhkënë gɔ̈k, ee löŋ en lëk kërac, ku ee löŋ en gɛ̈k. Ku të gɛ̈k yïn löŋ, ke yïn cie raan ee löŋ looi, yïn ee bɛ̈ny ee löŋ guiir.

Jakop 5:7

Yak piɔ̈ɔ̈th liɛɛr, wek mïthëkɔckuɔ, aɣet bɛ̈n bï Bɛ̈nydït bɛ̈n. Wɔikï, raan de dom ee kapiɛth ee piny ke luɔk tiit, ke lir piɔ̈u në ye, aɣët të bï en deŋ yök, deŋ yaak ayï deŋ anyɔ̈ɔ̈c.

Jakop 5:9

Duökï ee dok ë röt wapäc, wek mïthëkɔckuɔ, ke we cïï bï yiëk yiëth gääk. Bɛ̈ny ee löŋ guiir ka, kääc ɣöt thokë.

1 Pet 1:7

ke thëm cïï gämdun them, luɔi ee yen këpiɛth aläl awär adhääp bï riääk, acakaa yen ë them ë mac, ka bï yök aye këde lɛc ku dhuëëŋ ku riëëu ëkööl bï Yecu Kërtho rɔt nyuɔɔth.

1 Pet 5:4

Na ëlëmiäk të cï Tïndïït ë Thök tuöl, Tïn nu ë tïït nïïm, ke we bï göl ë dhuëëŋ yök göl cïï bï biɔɔr anande.

2 Pet 3:12

ku tiët aa wek bɛ̈n de kööl ë Nhialic tiit, an, bäk dap loor, kööl bï tënhial ɣɔ̈k mac, ago riäär, ku lɛ̈ɛ̈ŋ kanhial në tuöc de many dɛ̈p aläl?

2 Pet 3:4

bïkkï luelkï, an, “Bɛ̈ndɛn, an, bï en bɛ̈n akou? Të ɣɔn thouwë kuarkuɔ käŋ atɔ̈ukï kedhie ë täudɛn gɔlë piny ë cäk!”

Juda 1:14

Ku Eenok aya, raan ë rem wën ee rɛm dhorou gɔl Adam, yen aa kɔn jam guiir në kɔcke, lueel an, “Tiëŋkï, Bɛ̈nydït abɔ̈ ke cath ke aguum juëc ke tuucnhialkɛn ɣeriic,

Nyuuth 1:7

Tiëŋkï, abɔ̈ kekë luäät, ku abï tïŋ ë kɔc nyïïn kedhie, ayï kɔc ɣɔn guut en aya, ku dhiëën ke piny nɔm ëbɛ̈n abïk dhuöör në biäkde. Ee yen. Amiin.

Nyuuth 20:12

Guɔ kɔc cï thou tïŋ, kɔc kor ayï röördït, ke ke kääc ë Nhialic nɔm, na wën, ke awereek ë ke pet yiic: ku pet awerek däŋic, awerek de pïïr: go löŋ de kɔc cï thou guiir në ka cï gɔ̈ɔ̈r ë awereek yiic në këde luɔidɛn cïk looi.