1 Kor 4:4 - JAM DE NHIALIC 2011

⁴ Acïn kë ŋiëc rɔt, ku acie kënë yen a tɔ yɛn ë raan piɛthpiɔ̈u: Raan ë ya thiëëc, en aye Bɛ̈nydït.

1 Kor 4:4 ပူးပေါင်းရင်းမြစ်များ

Jop 15:14

Raan eeŋa kë duëër en ɣɛɛr? Ke ye dhiëëth ë tik duëër piɔ̈u piath?

Jop 25:4

Ku raan duëër lɔgɔk adï në Nhialic nyin? Ke ye kë lɛɛn ë dhiëëth tik duëër ɣɛɛr?

Jop 27:6

Acä bï kɔn pɔ̈l në luɛl an, yɛn kääc në piathëpiɔ̈ndï yic, acïn kë gɛ̈k ë piɔ̈ndï yɛn.

Jop 9:20

Ëtɛ̈ɛ̈n, na cak guöp ciën awäc, ke kë bɔ̈ bei në yathok ee ya tɔ gäk, na cakaa raan lɔgɔk, ka Ye lueel an dɛ kë cä wööc.

Diɛt 130:3

Tën ee Yïn awɛ̈ɛ̈ckuɔ muk, eeŋa duëër ban ke cïn guöp awäc?

Diɛt 143:2

Du awundu tɛ̈ɛ̈u ë thëmic, acïn raan cïn guöp awäc ë yïnyin.

Diɛt 19:12

Acïn raan aa awänyde tïŋ, Kony ɛn Bɛ̈nydït, në awäny cä looi ke kuöc!

Diɛt 26:12

Yɛn cï luök në riääkic ëbɛ̈n, yɛn bï Bɛ̈nydït thieei në akutnɔm de kɔcke nïïm.

Diɛt 50:6

Paannhial alueel piathëpiɔ̈u de Nhialic, an Yen guöpde ee Bɛ̈nydïït ee löŋ guiir.

Kɛ̈ŋ 21:2

Raan aduëër rɔt tïŋ cït kë cïn kë ye wööc, ku Bɛ̈nydït, Yen aŋic kë tɔ̈u në yepiɔ̈u.

Kɛ̈ŋ 29:26

Kɔc ayek dap riŋ ke ke lɔ tëde bäny, ku guiëër ë löŋ yic aye yök tëde Bɛ̈nydït.

Jɔn 21:17

Go bɛ thiëëc raandiäk an, “Thimon, wën ë Jona, nhiaar ɛn?” Petero piɔ̈u diu luɔi cï en e thiëëc raandiäk an, “Nhiaar ɛn?” Go lueel an, “Bɛ̈nydït, yïn ŋic këriëëc ëbɛ̈n, aŋic nɔn nhiaar ɛn yïn.” Go Yecu yɔ̈ɔ̈k an, “Nyuääthë amɛ̈lkï.”

Luɔi 23:1

Na wën, ke Paulo jɔ kɔc nu ë löŋic toom gup, ku lueel an, “Week, wɛ̈ɛ̈tkewäär, yɛn ee rëër ë rëërdï në piɔ̈n agɔk ë Nhialic nɔm aɣet cï ëköölë.

Romai 2:13

Ku acie kɔc piŋ löŋ tei, kek ee kɔc piɛthpiɔ̈ɔ̈th tëde Nhialic, ee kɔc ë löŋ looi, kek abï tɔ ye kɔc piɛthpiɔ̈ɔ̈th.

Romai 4:2

Ku të cï Abraɣam tɔ piɛthpiɔ̈u në luɔidɛn cï looi, ka cath kekë kë duëër en rɔt leec, ku acïï rɔt duëër leec ë Nhialic nɔm.

1 Kor 4:3

Ku në yɛn, ee kë cïn naamde nɔn bä wek a thiëëc në ka cä looi, ku nɔn bï kɔc a thiëëc aya: yeka, ayïk ɛn guöp, yɛn cïï rɔt ee thiëëc.

1 Kor 4:5

Yen cïn en kë yak jɔ̈ɔ̈ny të ŋoot akööl dït wei, të ŋootë Bɛ̈nydït ke kën bɛ̈n, raan bï ka cï thiaan tëcol bɛ̈ɛ̈i tëɣer, ku bï lööŋ ee lueel ë kɔc piɔ̈ɔ̈th tɔ tiëc, ee köölë yen abïï raan ëbɛ̈n lɛc yök tëde Nhialic.

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

2 Kor 5:10

Ku wo bï dhil tïc ë thööny de Kërtho nɔm wodhie, thööny de guiëërëlöŋ, ago raan ëbɛ̈n käŋ yök ka bï röŋ në kë cï looi ë guöpde yic, nɔn ee yen këpiɛth, ku nɔn ee yen kërac.