1 Kor 4:17 - JAM DE NHIALIC 2011

¹⁷ Yen aa tuöc ɛn Timotheo week, ee wëndiën nhiaar ku ee raan adöt ë ka ke Bɛ̈nydït, en abï week tɔ tak wenïïm në täu aa yen tɔ̈u ë Kërtho yic, acït man wɛ̈ɛ̈t ɛn baai ëbɛ̈n në ɣööt ke Nhialic yiic ëbɛ̈n.

1 Kor 4:17 ပူးပေါင်းရင်းမြစ်များ

Kɛ̈ŋ 13:17

Tuny rac ee lööny ë riääkic, ku pial ë guöp ee bɛ̈n tëde tuny adöt.

Kuɛ̈n 12:7

Ku acä ye looi aya të jaam Ɛn wokë awundiën Mothe, acä tääu në kɔckï nïïm kedhie.

Math 24:45

Eeŋa ye lïm ŋic käŋ döt, lïm pelnɔm, lïm cïï bɛ̈nyde tääu ë dhiënde nɔm, bï kɔc aa yiɛ̈n këdɛn ee cam ë aköölnyïïn?

Math 25:21

Go bɛ̈nyde yɔ̈ɔ̈k an, ‘Apiɛth, yïn ee lïm piɛth ŋic käŋ döt, yïn ë kalik döt apiɛth, yïn bä tääu ë kajuëc yiic, yïn bï piɔ̈u miɛt wekë bɛ̈nydu ëtök.’

Math 25:23

Go bɛ̈nyde yɔ̈ɔ̈k an, ‘Apiɛth, yïn ee lïm piɛth ŋic käŋ döt, yïn ë kalik döt apiɛth, yïn bä tääu ë kajuëc yiic, yïn bï piɔ̈u miɛt wekë bɛ̈nydu ëtök!’

Luɔi 16:1

Go ɣet Derbe ku Luthura aya, ku ade raanpiööcë ëtɛ̈ɛ̈n, cɔl Timotheo, wën ë tiiŋ cï gam, ku ye nyan e Judai, ku wun ee Girikii.

1 Kor 11:16

Ku na de raan kɔɔr teer, ke wo cïn ciɛɛŋ cït ee kënë, acakaa ɣööt ke Nhialic yiic ayadäŋ, aliu tëde keek.

1 Kor 11:2

Ënɔɔnë, wek mïthëkɔckuɔ, wek lɛɛc nɔn aa wek a tak ë këriëëc ëbɛ̈n, ku nɔn aa wek jam cï yiɛ̈n week döt, acït man cän e gäm week.

1 Kor 11:34

Ku na de raan cï cɔk nɔ̈k, ke cäm paanden, ke we cïï bï jɔ̈ɔ̈ny ë guëërduön ë ya wek guëër. Ku cök kɔ̈k abä ke bɛ̈n guiir apiɛth miäk cän bɛ̈n.

1 Kor 14:33

Nhialic acie Nhialic de liëëpëkäŋ, ee Nhialic de mät. Cït man tɔ̈u en në ɣööt ke Nhialic yiic kedhie, ɣööt de kɔc cï gam.

1 Kor 16:1

Ku në këde juɛ̈ɛ̈r aa wek kɔc ɣerpiɔ̈ɔ̈th juɛ̈ɛ̈r käŋ, yak looi cït man cän e lɛ̈k ɣööt ke Nhialic ke Galatia.

1 Kor 16:10

Të cï Timotheo bɛ̈n, ke takï rɛ̈ɛ̈r kekë week ke cïn riɔ̈ɔ̈c, ee luɔi de Bɛ̈nydït looi acït man ë yɛn aya.

1 Kor 4:14

Yɛn cïï kake gäär luɔi bän we tɔ yäär, ku wek a nen cït man ë mïthkiën nhiaar gup.

1 Kor 4:15

Ku na cäk dɛ agum de kɔc kathiëër nu, kɔc ee week wɛ̈ɛ̈t ë ka ke Kërtho, ku acïn wärkun juëc nu: we cä dhiëëth ë Kërtho yic në guiëër ë wëlpiɛth.

1 Kor 4:2

Ku ënɔɔnë, raan cïï käŋ tääu ë yecin, abï dhil aa raan adöt.

1 Kor 7:17

Ë ŋɛk ë rɛ̈ɛ̈r tei, cït man cï Nhialic käŋ tɛ̈k raan ëbɛ̈n, ku cït cɔ̈t cï Bɛ̈nydït raan cɔɔl ëbɛ̈n. Ku yen a yɔ̈ɔ̈k ɛn kɔc ë ɣööt ke Nhialic yiic ëbɛ̈n.

1 Kor 7:25

Ku na këde dhueec, acïn liem cïï Bɛ̈nydït yiɛ̈n ɛn: ku löŋdï yen a luɛɛl tei, ke ya ye raan cï kokëpiɔ̈u yök tëde Bɛ̈nydït, bän aa raan adöt.

2 Kor 8:18

Agoku mɛnhkënëda tooc kekë yen ëtök, raan cï leec ë ɣööt ke Nhialic yiic kedhie në baŋ de wëlpiɛth.

Epethiei 6:21

Ku ënɔɔnë, luɔi bä wek kakï ŋic, ku ŋiɛckï täu täu ɛn, we bï Tukiko tɔ ŋic käŋ kedhie, yen aye mɛnhkënëdan nhiaar, ku ye raan ë käŋ ŋiëc döt në luɔi de Bɛ̈nydït.

Pilipoi 2:19

Ku yɛn ŋäth Bɛ̈nydït Yecu nɔn bän Timotheo dap tuöc week, ke yɛn bï yapiɔ̈u riit aya, të cän täudun ŋic.

Pilipoi 2:22

Ku we ye piathde yök, aŋiɛckï luɔi ee yen luui kekë yɛn ëtök në luɔi de wëlpiɛth, cït man ee meth wun luööi.

Kolothai 1:7

Acït man cä wek e piŋ tëde Epapara raan ë wok luui ëtök raan nhiaar. Ee raan adöt raan ë ka ke Kërtho looi ë biäkdun,

Kolothai 4:9

Yen kekë Onethimo, mɛnhkënëdan adöt ku nhiaar, ku ye raandun. Kek abï we tɔ ŋic ka cï looi eenë kedhie.

1 Tim 1:18

Thönë yen atääu ë yïciin yïn Timotheo mɛnhdï, në baŋ de wël cï kɔn guiir tueŋ në këdu, ke bï yïn ke tɔŋ piɛth aa biök:

1 Tim 1:2

Ee Timotheo en gäär, ee mɛnhdiën yic në gämic: Ë dhuëëŋdepiɔ̈u ë ye tɔ̈u ke yïn, ku kokdepiɔ̈u, ku mät, në ke bɔ̈ tëde Nhialic Wääda ku Kërtho Yecu Bɛ̈nydandït.

2Tim 1:2

Awerek en gäär Timotheo, mɛnhdiën nhiaar: Ë dhuëëŋdepiɔ̈u ë ye tɔ̈u kekë yïn, ku mät, ku kokdepiɔ̈u, në ke bɔ̈ tëde Nhialic Wääda kekë Kërtho Yecu Bɛ̈nydïïtda.

2Tim 2:2

Ku ka cï piŋ tëde yɛn ë cäätɔɔ juëc nïïm, jɔ ke yiɛ̈n kɔc adööt, kɔc bï kɔc kɔ̈k lëu në wëët aya.

2Tim 3:10

Ku yïn, cï wëëtdï ŋic ëgɔk, ku ŋic täu aa yɛn tɔ̈u, ku kë nu ë yapiɔ̈u, ku gämdï ku guöm aa yɛn käŋ ŋiëc guum, ku nhiëërdï, ku liɛɛr ë yɛnpiɔ̈u,

Tito 1:5

En aa nyääŋ ɛn yïn piny ë Kerete wään, luɔi bï yïn käŋ kiɛm piny ka ŋoot ke ke de të dak, ku jɔ röördït ke ɣön ë Nhialic dɔm kɔc bï tɔ̈u ë kɔc nïïm ë pɛ̈ɛ̈nydït yiic ëbɛ̈n, acït man cän e kɔn lɛ̈k yïn.

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.

Nyuuth 2:13

Yɛn ŋic luɔidu, ku ŋiɛc të tɔ̈u yïn thïn, yen të nu thööny ë Catan, ku yïn ee rinkï döt ë muk, ku kɛ̈në gäm gɛm yïn ɛn jai, acakaa kööl ɣɔn nu Antipa cäätɔdiën adöt, raan cï nɔ̈k ë weyiic, të ye Catan rëër.