1 Kor 4:1 - JAM DE NHIALIC 2011

¹ Tɔ lueel raan në këde wook nɔn ye wok kɔc ee ka ke Kërtho looi, kɔc cïï ka ke Nhialic tääu ë kecin, kacïmoony ɣɔn.

1 Kor 4:1 ပူးပေါင်းရင်းမြစ်များ

Math 13:11

Go pɔ̈k nɔm keek an, “Week, acï gäm week luɔi bä wek kacïthiaan ŋic ka ke ciɛɛŋ de paannhial, ku akënë gäm keek.

Math 24:45

Eeŋa ye lïm ŋic käŋ döt, lïm pelnɔm, lïm cïï bɛ̈nyde tääu ë dhiënde nɔm, bï kɔc aa yiɛ̈n këdɛn ee cam ë aköölnyïïn?

Mak 4:11

Go ke yɔ̈ɔ̈k an, “Acï gäm week luɔi bä wek këcïthiaan ŋic, këde ciɛɛŋ de Nhialic: ku tëde kɔc nu biic, käŋ kedhie aye ke looi në kɛ̈ŋ:

Luk 1:2

Acït man cï kɔc ë lɛ̈k wook, kɔc wään tïŋ keek ë kenyïïn ɣɔn ciɛkë ke, ku yek kɔc ë ka ke jam ë Nhialic looi.

Luk 12:42

Go Bɛ̈nydït lueel an, “Eeŋa ye raan tit dhiën, raan adöt ku de nɔm, raan bïï bɛ̈nyde tääu ë dhiënde nɔm, bï kɔc aa tɛ̈k këcam ëkööldɛn cï lueel?

Luk 8:10

Go lueel an, “Acï gäm week ke we bï jam cï thiaan ŋic, jam de ciɛɛŋ de Nhialic: kɔc kɔ̈k aye ke wɛ̈ɛ̈t ë kɛ̈ŋ, luɔi bï kek aa daai, ku cïkï ë daai apiɛth, ku luɔi bï kek aa piŋ, ku cïkï käŋ ë yök yiic.

Romai 11:25

Ku yɛn cïn piɔ̈u, wek mïthëkɔckuɔ, luɔi kuöc wek ee cöökë, cöök cï moony, ke we cïï röt bï leec an, pɛlkï nïïm. Cöök cï moony, kï an, biäk töŋ de Yithriɛl acï tɔ ril nɔm, aɣet kööl bï kuɛth de juöör bɛ̈n thïn.

Romai 16:25

Ku ënɔɔnë, thieithieei ë Raan cath ke riɛl bï en we tɔ kääc aril në këde wëlkiën piɛth, ku guiëër cï Yecu Kërtho guiëër kɔc, ku nyuöth cï kë wään cï moony të ɣɔn ciɛkë piny nyuɔɔth.

1 Kor 2:7

Wok ee pɛlënɔm de Nhialic lueel, pɛl cï yäl kɔ̈u bei, ee jam cï thiaan, jam cïï Nhialic kɔn lueel ë yepiɔ̈u të ŋootë piny ke liu an, bï aa këde dhuëëŋde.

1 Kor 3:5

Paulo eeŋa? Ku Apolo eeŋa? Cïkï ë kɔc ee luui tei, kɔc cï we tɔ gäm, cït man cï Bɛ̈nydït e gäm ŋɛk ku gëm ŋɛk?

1 Kor 4:13

lëkë wo kërac, ke wo läŋ kɔc: wo cï tɔ ye nuöön ë piny nɔm, ku tɔ wook ee ayil ë käŋ kedhie aɣet cï ee köölë.

1 Kor 4:2

Ku ënɔɔnë, raan cïï käŋ tääu ë yecin, abï dhil aa raan adöt.

2 Kor 11:23

Yek kɔc ë ka ke Kërtho looi? (Yɛn jam cït raan jiɛɛm wei) awäär ke, ë luɔi tuc, en awäär ɛn keek, ku wäär keek ë dui cïï duëërë kueen, ku mäny ee ya cool ë mɛcë yɛn ë aloc yiic, ku ŋïny aa yɛn cool ë ŋïc rɔt thuɔɔu.

2 Kor 12:6

Ku na cak piɔ̈u dɛ luɔi bän rɔt leec, ke yɛn cïï duëër aa raan mum nɔm, luɔi ee yen yic en bä lueel, ku ënɔɔnë acä pɔ̈l, ke cïn raan bï a tɔ ye raan dït awär tïŋ tïŋ en ɛn, ku wɛ̈ɛ̈r kë cï piŋ në këdï.

2 Kor 4:5

Ku wo cie guïïr ë këda, ee këde Kërtho Yecu Bɛ̈nydït en ë yok guiir, ku wook, wok ee lïïmkun në biäk de Yecu.

2 Kor 6:4

Wo ye röt tɔ ye kɔc piɛth në këriëëc ëbɛ̈n, acït man ë kɔc ë ka ke Nhialic looi, në liɛɛr dïït ë wopiɔ̈ɔ̈th, në katuc dhal wook, në ka dak wook, në ka giŋ wook.

Epethiei 1:9

Acï wo tɔ ŋic kë nu ë yepiɔ̈u këcïmoony ɣɔn në pɛlënɔmde ëbɛ̈n, në miɛt ë yenpiɔ̈u, yen aye löŋ cï lueel ë Kërtho piɔ̈u.

Epethiei 6:19

Ku në biäkdï aya, luɔi bï a miɔɔc ë jam bän athok liep ke ya cïï riɔ̈c, aguɔ këcïmoony ɣɔn tɔ ŋic, kek aye wëlpiɛth.

Kolothai 2:2

Ke ke bï muk piɔ̈ɔ̈th, ku matkï ëtök në nhiëër, ku në kuɛth bï kek kuɛth në ŋïny ŋic kek käŋ ëgɔk agokï këcïmoony de Nhialic ŋic, yen aye Kërtho,

Kolothai 4:3

Ku yak lɔ̈ŋ në biäkdï ayadäŋ, ke Nhialic bï wo liëp ɣöt thok, ɣön ë guiëër ë wël, buk jam de Kërtho aa guiir, këcïmoony, jam cï a mac në biäkde aya.

1 Tim 3:16

Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

1 Tim 3:6

Acïï bï aa raan ë piac gam, ke cïï rɔt bï tɔ dït, ago wïïk në këracic kërɛɛc ee jɔŋdït rac wïïk thïn.

1 Tim 3:9

abïk aa kɔc ee jam de gäm döt ë piɔ̈n agɔk, jam ɣɔn cï moony.

Tito 1:7

Raan ee kɔc cï gam tiit abï dhil aa raan cïn kë bï e gɔ̈k, luɔi ee yen raan ee dhiën ë Nhialic tiit, acie raan ee këde yenpiɔ̈u kɔɔr, ku cie raan ee dap gɔ̈th, ku cïï mɔ̈u ee nhiaar, ku cie raan ee kɔc dap dui, ku cïï wëu ke ayäär ee nhiaar.

1 Pet 4:10

Week wedhie, të cï raan këdäŋ yök kë cï gäm en, ke teke ke mänhë kɔ̈c, en abä wek ciët kɔc piɛth cï tääu ë dhiën nɔm, kɔc ŋic dhuëëŋ ë Nhialic döt dhuëëŋ kithic.