1 Kor 3:5 - JAM DE NHIALIC 2011

⁵ Paulo eeŋa? Ku Apolo eeŋa? Cïkï ë kɔc ee luui tei, kɔc cï we tɔ gäm, cït man cï Bɛ̈nydït e gäm ŋɛk ku gëm ŋɛk?

1 Kor 3:5 ပူးပေါင်းရင်းမြစ်များ

Math 25:15

Go raan tök gäm aguum kadhïc ke wëu, ku gëm raanë aguum kaarou ke wëu, ku gëm raanë agum töŋ de wëu, acï ke gäm raan ëbɛ̈n në këde deerde, ku jɔ keny.

Luk 1:2

Acït man cï kɔc ë lɛ̈k wook, kɔc wään tïŋ keek ë kenyïïn ɣɔn ciɛkë ke, ku yek kɔc ë ka ke jam ë Nhialic looi.

Jɔn 3:27

Go Jɔn bɛ̈ɛ̈r, lueel an, “Acïn kë duëërë raan yök, të kënë ye gäm en nhial.

Luɔi 18:24

Na wën, ke Judai tök bɔ̈ Epetho, cɔl Apolo, ee raan cï dhiëëth ë Alekandaria, raan ŋic wël guiir, ku ŋic kacïgɔ̈ɔ̈r aläl.

Luɔi 19:1

Na wën, të ŋoot Apolo ke tɔ̈u ë Korinth, ke Paulo bɔ̈ Epetho, të cï en bɛ̈i rɛɛr caath yiic, ku yök kɔc töktöök ëtɛ̈ɛ̈n kɔcpiööcë:

Romai 15:16

Ke yɛn bï aa raan ë Yecu Kërtho luööi ë Juöör yiic, raan ë wëlpiɛth ke Nhialic luöi keek, ke gäm cï Juöör gäm Nhialic ke bï aa läm mit ë Nhialic piɔ̈u, läm cï tɔ piɛth në Wëidït ɣer.

1 Kor 12:28

Ku Nhialic aye kɔc kɔ̈k tääu ë ɣön ë Nhialic yic, kɔc tueŋ kek aye tuuc, kɔc lɔ ë kecök, kek aye kɔc ee wël guiir, ku lɔ kɔc ee wëët, ku lɔ luɔi ril, ku riɛl bï kɔc aa tɔ dem, ku kuny konyë kɔc röt, ku ciɛɛŋ, ku thook mɛɛn pei.

1 Kor 16:12

Ku në këde Apolo mɛnhkënëda, acä yɔ̈ɔ̈k aläl nɔn bï en lɔ tëde week kekë mïthëkɔckuɔ ëtök: ku luɔi bï en lɔ ënɔɔnë a liu ë yepiɔ̈u, ku abï lɔ ëkööl cï rɔt yök.

1 Kor 3:10

Luɔi luɔɔi ɛn kë cï tääu ë yacin në dhuëëŋ de Nhialic nu ë atëët nïïm, ku ee raan däŋ yen ayïk thïn. Ku tɔ raan ëbɛ̈n cök ë woi en yïŋ yïk en thïn.

1 Kor 3:22

Paulo, ayï Apolo, ayï Kepath, ayï piny nɔm, ayï pïïr, ayï thuɔɔu, ayï ka nu ënɔɔnë, ayï ka bï bɛ̈n, ayek kakun kedhie,

1 Kor 3:7

Yen acïn raan ee com naamde, ku cïn raan ee piöök naamde, ee Nhialic raan ee käŋ tɔ cil, yen ade nɔm.

1 Kor 9:17

Ku të luɔɔi ɛn ee kënë në piɔ̈n mit, ke yɛn cath wo ariöpdï: ku të luɔɔi ɛn en ke ya diu piɔ̈u, ke yɛn cï gäm thön bä döt thön ë wëlpiɛth.

2 Kor 11:23

Yek kɔc ë ka ke Kërtho looi? (Yɛn jam cït raan jiɛɛm wei) awäär ke, ë luɔi tuc, en awäär ɛn keek, ku wäär keek ë dui cïï duëërë kueen, ku mäny ee ya cool ë mɛcë yɛn ë aloc yiic, ku ŋïny aa yɛn cool ë ŋïc rɔt thuɔɔu.

2 Kor 3:3

We ye tïc nɔn aa wek awerek de Kërtho, awerek cï looi në wook, ku kënë gɔ̈ɔ̈r ë miök ë gäär, ee Wëi ke Nhialic pïïr kek ë gɛ̈ɛ̈rë ye, ku acie pɛɛm ë kur kek ë gäär kɔ̈ɔ̈th, ee pɛɛm cɔl piɔ̈ɔ̈th ke kɔc.

2 Kor 3:6

Raan cï wo tɔ lëu käŋ, buk aa kɔc ee ka ke löŋ cï piac mac ŋiëc guiir, ku guiëërda acie këde wël cï gɔ̈ɔ̈r tei, ee këde wëi: wël cï gɔ̈ɔ̈r tei ayek kɔc nɔ̈k, ku wëi kek aye kɔc tɔ pïïr.

2 Kor 4:1

Yen ka, ënɔn de wo nïïm luɔiyë, acït man cï wo kokdepiɔ̈u yök, ke wo cie bäp.

2 Kor 4:5

Ku wo cie guïïr ë këda, ee këde Kërtho Yecu Bɛ̈nydït en ë yok guiir, ku wook, wok ee lïïmkun në biäk de Yecu.

2 Kor 4:7

Ku wo ee këpiɛthë muk ë ka cï cuëëc ë tiɔp yiic, kë dïït ë riɛl wär këriëëc kë bï aa këde Nhialic, ku cïï bɔ̈ tëde wook.

2 Kor 5:18

Ku käŋ aake bɔ̈ tëde Nhialic kedhie, Raan ë wo tɔ mät në yen në Yecu Kërtho, ago luɔi de mät yiɛ̈n wook.

2 Kor 6:1

Ku nɔn ee wok luui në yen ëtök, en a lɛ̈ŋ wo week, ke we cïï dhuëëŋ de Nhialic piɔ̈u nöm ë ɣɔ̈ric.

2 Kor 6:4

Wo ye röt tɔ ye kɔc piɛth në këriëëc ëbɛ̈n, acït man ë kɔc ë ka ke Nhialic looi, në liɛɛr dïït ë wopiɔ̈ɔ̈th, në katuc dhal wook, në ka dak wook, në ka giŋ wook.

Epethiei 3:7

Ku yɛn cï tɔ ye raan ë wëlpiɛthkë looi, acït man cï a miɔɔc në dhuëëŋ ë Nhialic piɔ̈u në luɔi de riɛlde luɔi ë käŋ tiiŋ yiic.

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.

Kolothai 1:25

Ku yɛn cï tɔ ye raan ee ka ke ɣön ë Nhialic looi, në tɛ̈ɛ̈u cïï Nhialic luɔi tääu ë yacin në këdun, bä jam ë Nhialic thöl ë guiëër,

1 Tim 1:12

Ku aluɛɛl an, thieithieei raan cï a gäm riɛl, yen Kërtho Yecu Bɛ̈nydït, luɔi cï en a tɔ ye raan adöt, ago ya dɔm bä luɔide looi.

1 Pet 4:10

Week wedhie, të cï raan këdäŋ yök kë cï gäm en, ke teke ke mänhë kɔ̈c, en abä wek ciët kɔc piɛth cï tääu ë dhiën nɔm, kɔc ŋic dhuëëŋ ë Nhialic döt dhuëëŋ kithic.