1 Kor 3:12 - JAM DE NHIALIC 2011

¹² Ku na yïk raan ë këërkëërë nɔm, ku yïŋ yïk en ë yenɔm, nɔn ee yen adhääp, ku nɔn ee yen ateek, nɔn ee yen kuur läk, nɔn ee yen tim, nɔn ee yen wal, nɔn ee yen anin,

1 Kor 3:12 ပူးပေါင်းရင်းမြစ်များ

Diɛt 119:72

Löŋ cï gäm yɛn anyuth yɛn kajuëc awär adhääp ku atek ke pinynɔm.

Diɛt 19:10

Anhiaar keek awär adhäm awai, amitkï awär miök de kiëc cï leec.

Bɛ̈n 5:12

Ago kɔc thiëi Rip ëbɛ̈n lek anin kɔɔr.

Kɛ̈ŋ 16:16

Pɛlënɔm ade naamdɛndït awär adhääp, ku yöŋ de käŋiic ade naamde awär atek.

Kɛ̈ŋ 30:6

Du kë cï Nhialic lueel bï ŋuak! Abï yïn gɔ̈k ku nyooth yïn luɔi yïn käŋ töör.”

Kɛ̈ŋ 8:10

Dɔm jamdï awär ateek, ku dɔm ŋïnydekäŋ awär adhäm awai.

Yith 60:17

“Yïn bä yiɛ̈n adhääp në nyin ë maläŋ yic, ku ateek ku maläŋ në nyin ë wëëth ku tiim yiic, ku wëëth në nyin ë kuur yic, bänykun acïkï we bï bɛ yɔŋ abä ke tɔ mac week në piathëpiɔ̈u ku mät.

Jeremia 23:28

Tiët de nɔm nyuöth, aduëër lueel an ee nyuöth tei, ku tiët cï jamdï piŋ aduëër ee jamë lueel në piɔ̈n piɛth. Eeŋö piɛth në kaam de wal kekë agamɔ?

Luɔi 20:30

Akööl abïk bɛ̈n, akööl bïï kɔc kɔ̈k röt jɔt ë weyiic gup, kɔc bï jam rac lueel, le kek kɔcpiööcë thɛl ë kecök.

Romai 16:17

Ku wek yɔ̈ɔ̈k, wek mïthëkɔckuɔ, wɔikï kɔc ee kɔc pääk, kɔc ee kak ee kɔc tɔ wäc käŋ cak, kɔc ee wëët ë wëëtë week riɔ̈ɔ̈k, päkkï në keek.

1 Kor 3:11

Ku këërkëër däŋ acïn raan duëër e lëu ë kɛ̈ɛ̈r, ee kë ye thök ë kɛ̈ɛ̈r etök, yen aye Yecu Kërtho.

1 Kor 3:13

ke luɔi de raan ëbɛ̈n abï tïc wadäŋ: ee köölë yen abï e nyuɔɔth, ee mac en abï e nyuɔɔth, ku luɔi de raan ëbɛ̈n abïï mac them, nɔn ee yen luɔi cït ŋö.

2 Kor 2:17

Ku wook, wo cïï cït tëdïït ë kɔc, kɔc ë jam ë Nhialic riɔ̈ɔ̈k në biäk de wëu: jam yok lueel ee piɔ̈n yic yen aye wok e lueel, ku cït liem de Nhialic, ë Nhialic nɔm yen aye wo jam ë Kërtho yic.

2 Kor 4:2

Ku ka ke ayäär ka cï moony acuk ke jäi, ku wo cie rëër ë wo ye ruɛ̈ny, ku cuku läm ë Nhialic ee cäkic, ee yic en a yok tɔ tiëc, ago wo ŋic ë kɔc piɔ̈ɔ̈th kedhie nɔn piɛth wok ë Nhialic nɔm.

Kolothai 2:8

Yak röt tiit, ke cïn raan bï we puk piɔ̈ɔ̈th në nhiëër ë pɛl ku në ruëëny ɣɔ̈ric, në jam thɛɛr ë kɔc, ku në jam de jɔɔk ke piny nɔm, jam cie këde Kërtho.

1 Tim 6:3

Na de raan ee wëët ë wëët mɛɛn pei, ku reec wël piɛth gam, wël ke Bɛ̈nydan Yecu Kërtho, ku reec wëët ee röŋ ke riëëu de Nhialic gam,

2Tim 2:20

Ku ɣöndïït ë bɛ̈ny adeyic töny ee käŋ muk, ku acïkï ee kak ë cuëc ë adhääp ku ateek kapäc, ku adeyic kak ë cuëc ë tim, ku tiɔp ayadäŋ, ku kɔ̈k ee ka ke dhuëëŋ, ku kɔ̈k acïkï ee ka ke dhuëëŋ.

2Tim 3:13

Ku kɔc racpiɔ̈ɔ̈th ku kɔc ee käŋ töör, racden abï lɔ ke ŋuak rɔt, abïk kɔc aa math, ku mɛthë keek aya.

2Tim 3:7

diëër ee cool ë piööcë ke, ku cïkï ŋïny de yic duëër yök ananden.

2Tim 4:3

Ade kööl bï bɛ̈n, kööl cïï kɔc wëët piɛth bï guum, abïk yith aa yilëyil, agokï röt kuöt kɔc bï keek aa wɛ̈ɛ̈t ë kë röŋ në ŋɔ̈ɔ̈ŋ ee ke dɔm.

Ɣeberuu 13:9

Yen duö wek röt ee tɔ thelë tɛ̈n ku tɛ̈n, yak röt pëën ke we cï bï nyaai në kueer ë Kërtho yic ku wëëtde, ku leerë we në wëët luethic. Ë we waar në riɛmde ku lööŋ cï tääu piny në biäk de thɛ̈k de kacaam akënkï we waar. Ayï kɔc ee lööŋkë riëëu acïn këpiɛth cïk luöi keek.

1 Pet 1:7

ke thëm cïï gämdun them, luɔi ee yen këpiɛth aläl awär adhääp bï riääk, acakaa yen ë them ë mac, ka bï yök aye këde lɛc ku dhuëëŋ ku riëëu ëkööl bï Yecu Kërtho rɔt nyuɔɔth.

Nyuuth 2:14

Ku yɛn cath wo cök liaakäŋ cök bän yï jɔ̈ɔ̈ny, cöök tök kï, nɔn de yïn kɔc ëtɛ̈ɛ̈n kɔc ee wëët ë Balaam muk, raan ɣɔn wëët Balak, an, bï kë bï kɔc tɔ kɔ̈th cuat kueer ë mïth ke Yithriɛl, an, bï ka cï lam aa cam, ku bïk diäär aa kɔɔr.

Nyuuth 21:18

Ku kal acï yïk ë kuur cɔl jathpi: ku pänydït yen aye adhäm awai, cït acidhath awai.

Nyuuth 3:18

Yen alɛ̈k ɛn e yïn, ɣɔc adhäm cï mac tɔ lɔ wai tëde yɛn, ke yï bï bäny, ku ɣɔc lupɔɔ ɣer, ke yï bï kɔ̈u dɛ lupɔ, go ayäär ë ciën cïn yïn kɔ̈u lupɔ cuö tiëc: ku jɔ yïnyin tɔc ë wɛ̈ɛ̈l ë nyin, ke yï bï daai.