1 Kor 2:6 - JAM DE NHIALIC 2011

⁶ Ku wok ee jam de pɛlënɔm lueel wokë kɔc cï ŋuɛ̈ɛ̈n, ku acie pɛlënɔm ee pinyë ënɔɔnë, ku acie pɛlënɔm ë bänydït ke pinyë nɔm, bäny bï ciën naamden rial.

1 Kor 2:6 ပူးပေါင်းရင်းမြစ်များ

Jop 1:1

Ade raan cɔl Jop ë nu piny de Udh, ku aaye raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.

Jop 12:19

Ee bääny de wɛ̈ɛ̈t diɔ̈ɔ̈r nyaai në kekɔ̈ɔ̈th, ku puk kɔc piny kɔc nu riɛl në kecin.

Jop 12:21

Ee bäny cuɛ̈t ayäär, ku jɔt riɛl tëde kɔc ril.

Diɛt 146:4

Të thou kek ayek röt pɔ̈k në abuui yic, në ee kööl manë yen aye kë cïk kiëët ëbɛ̈n thök.

Diɛt 33:10

Bɛ̈nydït ee täŋ de juöör riɔ̈ɔ̈k, ku pën keek luɔi looi kek kë cïk kiëët.

Diɛt 37:37

Tak raan cïn guöp awäc, ku tïŋ raan piɛthpiɔ̈u, kɔc ee rëër ë mät abïk nïïm dɛk mïth bï lɔ̈ɔ̈k tɔ̈u në kecök,

Yith 40:23

Go bäny ril ëtör bɛ̈ɛ̈i piny ku jɔ ke cïn naamden.

Math 13:22

Ku kë cï com ë kuɔɔth yiic, yen aye raan piŋ jam, na wën ke diɛɛr ë ka ke pinyë nɔm, ku mɛth ee juëc de wëu raan math, ke ke nyiic jam, go cïï lok.

Math 19:21

Go Yecu yɔ̈ɔ̈k an, “Na kɔɔr nɔn bï yïn piɔ̈u dikëdik, ke yï lɔ, ɣaacë wëuku, ku miɔc kɔc kuanynyïïn, ku yïn bï dɛ wëu cï kueet paannhial, ku bä kuany a cök.”

Math 5:48

Yak aa kɔc cï piɔ̈ɔ̈th dikëdik, acït man ë wuöörduön nu paannhial, cï piɔ̈u dikëdik.

Luk 16:8

Go bɛ̈nyde raan rac nu ë dhiënde nɔm leec në luɔi cï en pɛl: wɛ̈ɛ̈t ke piny de ënɔɔnë ayek wɛ̈ɛ̈t ke ɣɛɛrëpiny wöör në pɛl ë remdenic.”

1 Kor 1:28

ayï ka youyou ka ke piny nɔm, ayï ka cï biɔɔn, acï Nhialic ke lɔc, acakaa ka liu aya, bï en ka nu tɔ cïn naamden,

1 Kor 12:8

Ŋɛk aye Wëidït miɔɔc në jam ë pɛlënɔm, ku miɔɔc ŋɛk në jam de ŋïnydekäŋ, në Wëi manë gup.

1 Kor 14:20

Wek mïthëkɔckuɔ, duökï bï aa mïthiikë në ŋïnydekäŋ, yak aa mïththii ateteet në racdepiɔ̈u tei, ku në ŋïnydekäŋ yak aa röördït.

1 Kor 2:1

Ku yɛn, mïthëkɔckuɔ, wään bän tëde week, yɛn aa cïï bɔ̈ wo ŋiëc jam ayï pɛlënɔm, wään guiëër ɛn week jam në këde Nhialic.

1 Kor 2:13

Kek ayok ke guiir në wël cï Wëidït ɣer wo wɛ̈ɛ̈t, ku cuku keek ee guiir në wël cï wo wɛ̈ɛ̈t ë pɛlënɔm de raan, ka ke Wëi ayok ke guiir në wël ke Wëi.

1 Kor 2:8

Yen aye pɛlënɔm cïn raan töŋ de bäny ke pinyë nɔm ë cï e ŋic, tëë cïk ŋic, adï kënkï Bɛ̈nydïït de dhuëëŋ piäät ë tim cï rïïu nɔm kɔ̈u.

1 Kor 3:1

Ku yɛn, mïthëkɔckuɔ, yɛn aa cïï duëër jam wokë week wään, cït kɔc cï kepiɔ̈ɔ̈th tuöm ka ke Wëi, yɛn aaye jam wo week cït kɔc cï kepiɔ̈ɔ̈th tuöm ka ke guöp tei, cït mïththii ateteet ë Kërtho yic.

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

2 Kor 13:11

Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

2 Kor 4:3

Ku të cï wëlkuɔn piɛth kum, aye ke kum tëde kɔc mɛ̈ɛ̈r wei.

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

Epethiei 2:2

Karac yak cool ë luɔɔi wek ke, ɣɔn rɛ̈ɛ̈r wek ë rëër ë kɔc ke piny nɔm ënɔɔnë, rëër ë bɛ̈nydït cath ke riɛl ë yomic yen aye jɔŋ rɛɛc ee luui ë kɔc reec gäm yiic ënɔɔnë.

Kolothai 1:28

Yen aye raan ee wok këde guiir, ke yok raan nen ëbɛ̈n ku yok raan wɛ̈ɛ̈t ëbɛ̈n në pɛlënɔm ëbɛ̈n, luɔi bï wok raan ëbɛ̈n tääu ë yenɔm ke ye piɔ̈u dikëdik ë Kërtho Yecuyic.

Kolothai 4:12

Wek thiëëc Epapara, raandun, ku ye raan ee Yecu Kërtho luööi, ee cool ë nɛ̈k rɔt piny ë lɔ̈ŋdeyic në biäkdun, ke we bï aa kɔ̈ɔ̈c aril, ke we bï piɔ̈ɔ̈th aa dikëdik ku kuɛthkï në këde piɔ̈n ë Nhialic ëbɛ̈n.

Ɣeberuu 5:14

Kuïn ril kɔ̈u yen aye këde röördït cï gïu ë wëët në luɔi ye kek këpiɛth pɔ̈c bei në këracic.

Ɣeberuu 6:1

Ënɔɔnë dï, jɔku wëët ë gɔl tueŋë në kë de Kërtho nyääŋ piny, ku jɔku lɔ tueŋ në wëët ë kɔc cï gïu, acïn këërkëër däŋ buk nyɔk ë tɛ̈ɛ̈u piny, ee yen aa gɔl ë wëëtda ɣɔn thɛɛr, yï wëët ë puŋëpiɔ̈u në luɔi cï thou ku lɔda në gäm de Nhialic yic.

Jakop 3:15

Kënë acie pɛlënɔm bɔ̈ nhial, ee këde piny tei, ee këde raan piɔ̈u, ku ye këde jɔŋ rac.

Jakop 3:2

Wok ee cool ë wäc käŋ wodhie. Na de raan cïï käŋ ee wööc ë jam, ke yen aye raan cï dikëdik, ka duëër yeguöp muk apiɛth ëbɛ̈n.

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.