1 Kor 2:4 - JAM DE NHIALIC 2011

⁴ Ku jamdï ayï guiëër ë ya yɛn guïïr aake cïn yiic wël ee kɔc wëŋ, wël ke pɛlënɔm de raan, aake ye cath në nyuuth ee Wëidït ke nyuɔɔth ayï riɛldɛndït,

1 Kor 2:4 ပူးပေါင်းရင်းမြစ်များ

Kɛ̈ŋ 20:19

Raan ee rɔt mɛc wei në mantuum lɔ̈m, ke kë cï thiaan cïï bï thiëi piny.

Kɛ̈ŋ 7:21

Tik ë wënë bɛ̈n meet në jam piɛth, ku tɔ gam lɔ ke yen.

Jeremia 20:10

Yɛn ee raan ëbɛ̈n piŋ ke ŋun an, “Akuöörkuöör anu ë pinynɔm ëbɛ̈n! Ka lok lëkku bäny ke baai!” Ayï määthkï nɔm atitkï wïïkdï. Ayek lueel an, “Tɛkdäŋ bïï math, ku ëtɛ̈ɛ̈n abuk dɔm ku jɔku röt guöör.”

Edhekiɛl 13:6

Nyuuthken ayek lueth, ku cäärden ee tör. Ayek lueel an guiirkï wëlkï, ku akɛ̈n keek tooc. Ku ŋoot ke yek lueel nɔn bïï wëlken bɛ̈n ke ke ye yith!

Luɔi 20:27

Luɔi cän week lɛ̈k löŋ de Nhialic ëbɛ̈n, acïn kë cä mɔ̈ny week.

Luɔi 26:28

Go Agiripa Paulo yɔ̈ɔ̈k an, “Yïn de piɔ̈u luɔi bï yïn a wëŋ në jam thiinakäŋ, ago ya tɔ ye Kërthiaan.”

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 15:19

ku në göök ril ayï kake gäi cï looi, në riɛl ë Wëidït ɣer ke Nhialic, ku yɛn a tök, aa gal ë Jeruthalem ku bɛ̈i nu ë yekëc, ale guööt piny de Yilirikum, yɛn ë wëlpiɛth ke Kërtho thöl ë guiëër.

Romai 16:18

Kɔc cït keek acïkï Bɛ̈nydan Yecu Kërtho ee luööi, ee keyiic kek luuikï, ku ayek kɔc cïn piɔ̈ɔ̈th kërac math piɔ̈ɔ̈th në wël mit luelkï, ayï wëŋ ee kek kɔc wëŋ.

1 Kor 1:17

Kërtho akën a tooc, bä kɔc bɛ̈n baptith, ee guiëër bän wëlpiɛth aa guiir, en aa tooc en ɛn: ku acie pɛl pɛl ɛn nɔm en duɛ̈ɛ̈r ɛn wëlpiɛth aa guiir, ke tim cï rïïu nɔm cïï bï aa ɣɔ̈ric tim de Kërtho.

1 Kor 2:1

Ku yɛn, mïthëkɔckuɔ, wään bän tëde week, yɛn aa cïï bɔ̈ wo ŋiëc jam ayï pɛlënɔm, wään guiëër ɛn week jam në këde Nhialic.

1 Kor 2:13

Kek ayok ke guiir në wël cï Wëidït ɣer wo wɛ̈ɛ̈t, ku cuku keek ee guiir në wël cï wo wɛ̈ɛ̈t ë pɛlënɔm de raan, ka ke Wëi ayok ke guiir në wël ke Wëi.

1 Kor 4:20

Ciɛɛŋ de Nhialic acie jam tei, ee riɛldït.

2 Kor 6:6

Në ɣɛɛrëpiɔ̈u, në ŋïnydekäŋ, në guömdekäŋ, në piathëpiɔ̈u, në Wëidït ɣer, në nhiëër cïnic ruëëny,

Galatai 1:10

Kaar luɔi bï kɔc piɔ̈ɔ̈th miɛt në yɛn ënɔɔnë, ku ye Nhialic? Kaar luɔi bän kɔc kɔ̈c nyïïn? Tëë ya ŋoot ke ya ye kɔc kɔ̈c nyïïn, adï cä ye lïm de Kërtho.

Kolothai 2:4

Cöökë en a luɛɛl, ke cïn raan bï we math në wëŋ ee yen kɔc wëŋ ë yeliep.

1 Theth 1:5

wëlkuɔn piɛth aake cïï bɔ̈ ë weyiic në jam tei, aake bɔ̈ në riɛl ayadäŋ, ku në Wëidït ɣer, ku në ŋïny aa wek ke ŋic ëgɔk, we ŋic täudan ë ye wo tɔ̈u ë weyiic në biäkdun week.

1 Pet 1:12

Ku acï nyuöth keek, nɔn cïï en ee biäkden ee biäkdun yen aaye kek kakë looi, ka cï guiëër week ënɔɔnë në kɔc wään guïïr week wëlpiɛth në riɛl ë Wëidït ɣer Wëi ë tooc paannhial, ku tuucnhial ayek kakë kɔɔr luɔi woi kek keyiic.

2 Pet 1:16

Acie päär ë kɔ̈ɔ̈r kek ë kuanyku cök, kɔ̈ɔ̈r cï cak ë pɛl, wään wëët wok week ee riɛldïït cath ke Bɛ̈nydït Yecu Kërtho ku bɛ̈n cï en bɛ̈n wok ee kɔc cï dhuëëŋdɛn dït tïŋ ë wonyïïn.

2 Pet 2:18

Në luɛl ë ye kek jam juëc ɣɔ̈ric lueel ë keliëp tei, në ŋɔ̈ɔ̈ŋ de ka ke yäc, ku në luɔi ë dhööm, en aye kek kɔc wëŋ, kɔc, an, bɛ̈nkï ë liŋliŋ në kɔc ee tɔ̈u ke ke wäc käŋ.

Bäny 14:15

Na wën ë kööl ye nïn ŋuan, ke ke yöök tiiŋ de Thamthon an, “Wëŋ, monydu, ke bï wo nyuöth kë wën meekku, ke yï cukku bï nyop wekë baai de wuur në mac, ë we cɔl wook bäk ka cath ë wook bɛ̈n nööm?”

Bäny 16:5

Go bäny kadhïc ke Pilithiin lɔ tëde yen ku luelkï, an, “Wëŋ, ku tïŋ të tɔ̈u ë riɛlde thïn, ke buk tiaam, ku dutku, ku näkku. Ku raan ëbɛ̈n ë woyiic abï yï gäm bot kathiëër ku tök ke atek.”