1 Kor 2:3 - JAM DE NHIALIC 2011

³ Ku yɛn aaye rëër ë weyiic ke ya kɔ̈c, ku riääc, ku lɛthë yɛn arëët.

1 Kor 2:3 ပူးပေါင်းရင်းမြစ်များ

Yith 19:16

Kööl abɔ̈ kööl bïï ë kɔc ke Rip röt kuɔɔr piny cï diäär. Abïï ke lath në riɔ̈ɔ̈c të le kek Bɛ̈nydït de rɛm tïŋ ke jɔt yeciin bïï ke luöi këtuc.

Luɔi 17:1

Na wën, aa cïk tëëk Ampipoli, ku Apolonia, ke ke jɔ bɛ̈n Thethalonike, paan de yic luaŋ ee Judai lɔ̈ŋ thïn.

Luɔi 18:1

Na wën, aacï kakë thök, ke jël ë Athenai, bï Korinth.

Luɔi 18:12

Na ɣɔn, nu Galio ke ye bɛ̈ny de Akaya, ke Judai ke ke jɔt röt ë piɔ̈n tök lek tɔŋ yiɛ̈n Paulo, ku bïïkï të ye bäny löŋ guiir thïn.

Luɔi 18:6

Ku të cï kek ater cak ku lɛ̈ɛ̈tkï, ke Paulo teŋ lupɔde, ku jɔ keek yɔ̈ɔ̈k an, “Ë riɛmdun tɔ̈u ë weyiëth, yɛn liu thïn, ëlë ënɔɔnë, yɛn bï lɔ tëde Juöör.”

2 Kor 10:1

Ku yɛn Paulo guöp, wek yɔ̈ɔ̈k në kuur cï Kërtho rɔt tɔ koor ku në liɛɛr ë yenpiɔ̈u, yɛn raan cïn naamdï ë weyiic të wɔi wek ɛn, ku nɔn liɛɛu ɛn, yɛn cï nyin riɛl tëde week:

2 Kor 10:10

Ade kɔc ee ye lueel an, “Kakɛn cï gɔ̈ɔ̈r aciɛthkï në löŋ thiek, ku rilkï, ku täu de yenguöp akɔ̈c, ayï jamde acïn nɔm!”

2 Kor 13:4

acakaa yen ë cï piäät ë tim cï rïïu nɔm kɔ̈u ke kɔ̈c guöp, ka pïïr ënɔɔnë në riɛl dïït ë Nhialic, riɛl nu tëde week.

2 Kor 13:9

Wok ë piɔ̈ɔ̈th miɛt, të ee wok kɔ̈c, ku cöök ee wok lɔ̈ŋ aya, ee luɔi bä wek piɔ̈ɔ̈th dikëdik.

2 Kor 4:1

Yen ka, ënɔn de wo nïïm luɔiyë, acït man cï wo kokdepiɔ̈u yök, ke wo cie bäp.

2 Kor 4:16

Yen acïï wok ee bäp, ku na cäk jɔ tiaam en ë raandan nu biic, ke raandan nu thïn aye bɛ cool ë cuɛ̈ɛ̈cëye ë aköölnyïïn kedhie.

2 Kor 6:4

Wo ye röt tɔ ye kɔc piɛth në këriëëc ëbɛ̈n, acït man ë kɔc ë ka ke Nhialic looi, në liɛɛr dïït ë wopiɔ̈ɔ̈th, në katuc dhal wook, në ka dak wook, në ka giŋ wook.

2 Kor 7:15

Ku täŋ tɛk en week acï yenyin ŋuak, të tɛk en enɔm në piŋ cä wek käŋ piŋ wedhie, ku nyuuc cä wek e nyuööc në riɔ̈ɔ̈c kekë lɛ̈thëguöp.

2 Kor 7:5

Wään, të cï wok bɛ̈n Makedonia, wo cïn lɔ̈ŋ cï wogup lɔ̈ŋ, wo cïï këtuc dhal wook tuɔɔk ë biäkë ku biäkë, ë wogup biic, tɔɔŋ aake nu, ku ë wopiɔ̈ɔ̈th thïn, riɔ̈ɔ̈c aa nu.

Epethiei 6:5

Wek lïïm, yak ka ke bänykuön ë week cieŋ gup piŋ, në riëëu ku lɛ̈thë guöp, në piɔ̈n cïnic anäinäi, cït man ee yen Kërtho en luööikï.