1 Kor 2:14 - JAM DE NHIALIC 2011

¹⁴ Ku raan ë yepiɔ̈u tuöm ka ke piny acïï ka ke Wëi ke Nhialic ee dɔm, aye keek tɔ ye kaɣäär yiic, ku acïï keek duëër ŋic, luɔi ye ke yök yiic në Wëi.

1 Kor 2:14 ပူးပေါင်းရင်းမြစ်များ

Kɛ̈ŋ 14:6

Pɛlënɔm kɔɔr raan ee kɔc dɔl gup acie yök, ku ŋïny de käŋ apiɔlic tëde raan ee käŋ yökic.

Math 16:23

Go rɔt puk, ku yöök Petero an, “Waanë rɔt ë yakɔ̈u ciëën, Catan, yɛn cï piɔ̈u rac wokë yïn, yïn kën yïpiɔ̈u tuöm ka ke Nhialic, ee ka ke kɔc tei.”

Jɔn 10:20

Aa lueel kɔc juëc an, “Ade guöp jɔŋ rac! Ka ye miɔ̈l! Eeŋö piɛŋ wek këde?”

Jɔn 12:37

Ku acakaa nɔn cï en göök juëc looi ë kenïïm, gokï ŋoot ë ke cïï gam:

Jɔn 14:17

yen aye Wëi yic: Raan cï duëërë dɔm ë kɔc ke piny nɔm, luɔi kën kek e tïŋ, ku cïkï ŋic aya: ku ŋiɛckï week, ee rëër ke week, ku abï nu ë weyiic.

Jɔn 14:26

Ku Raan ee kɔc muk piɔ̈ɔ̈th, yen aye Wëidït ɣer, Wëi bïï Wäär tooc në rinkï, yen abï we wɛ̈ɛ̈t ë këriëëc ëbɛ̈n, ago we tɔ tak wenïïm ë ka cä lɛ̈k week kedhie.

Jɔn 15:26

Ku Raan ë kɔc riit piɔ̈ɔ̈th, Raan bä tuöc week në Wäär lɔ̈ɔ̈m, yen aye Wëi yic, Wëi ë bɔ̈ bei ë Wäär lɔ̈ɔ̈m, të cï en bɛ̈n, ka bï aa cäätɔdï.

Jɔn 5:44

Duɛ̈ɛ̈rkï gäm lëu wäkdï, wek kɔc ë lɛc gam lɛc aa wek röt leec wapäc, ku cäkï lɛc ee kɔɔr lɛc bɔ̈ tëde Nhialic etök?

Jɔn 8:43

Eeŋö cä wek jamdï ŋic? Ee luɔi cä wek jamdï lëu në pïŋ.

Luɔi 16:14

Ku ade tiiŋ cï jamda piŋ, cɔl Ludia, tiiŋ ee lupɔ thith amujuŋ ɣaac, abɔ̈ pänydït cɔl Thuatira, ku ye tiiŋ riëëu Nhialic, piɔ̈nde acïï Bɛ̈nydït liep, bï ka lueel Paulo cök ë piŋ en ke.

Luɔi 17:18

Ku ade kɔc pel nïïm, ke yï Epikuriin ku Thotoikoi, kɔc cï e gëk. Go kɔc kɔ̈k lueel an, “Raan wööŋë bï ŋö lueel?” Ku lueel kɔ̈k an, “Acït kë guiir jam de yiëth mɛɛn kucku.” Në guïïr cï Paulo keek guiëër jam de Yecu, ku jön bï kɔc röt jɔt.

Luɔi 17:32

Na wën, aa cïk jamë piŋ, jam de jönërɔt ë kɔc cï thou, ke jɔ kɔc kɔ̈k geet, ku lueel kɔ̈k an, “Këdu abuk bɛ piŋ në këde ëcöökë.”

Luɔi 18:15

Ku na ënɔɔnë, tëë yen ater ë wël tei, ku rin, ku löŋdun week, jakï woiyic week wapäc, yɛn cïn piɔ̈u luɔi bän kë cït ee kënë guiir!”

Luɔi 25:19

Aterden në yen ee jam de lam ee kek yiëthken lam kapäc, ku ye jam de raan cɔl Yecu, raan cï thou, ku ye Paulo ŋak an, pïïr ënɔɔnë.

1 Kor 1:18

Ku guiëër ë wël ke tim cï rïïu nɔm ee këɣɔ̈ric tëde kɔc bï määr, ku ye riɛldït ë Nhialic tëde wook wok kɔc kony wëi.

1 Kor 1:21

Ku të cï kɔc ke piny nɔm Nhialic guɔ kuc në pɛl ë kek nïïm, cït man cï Nhialic e lueel në pɛlënɔmde, ke Nhialic jɔ piɔ̈u miɛt luɔi bï en kɔc gäm kony wëi në këɣɔ̈ric cɔl guiëër ë wëlpiɛth.

1 Kor 1:23

ku wook, wok guiir Kërtho, raan cï piäät ë tim cï rïïu nɔm kɔ̈u, tëde Judai, ee kë ye kɔc tɔ kɔ̈th, ku tëde Girikii ee këɣɔ̈ric,

1 Kor 1:25

Acakaa pial ë Nhialic piɔ̈u awär kɔc në pɛlënɔm, ku kɔ̈c kɔ̈ɔ̈cë Nhialic awär kɔc në riɛl.

1 Kor 15:44

aye com ë guöp de piny nɔm, ku jɔt rɔt ë guöp de wëi. Guöp de piny nɔm anu, ku guöp de wëi anu.

1 Kor 15:46

Ku këde wëi acïï nu tueŋ, ee kë de piny nɔm en anu tueŋ, na miäk ke këde wëi ë jɔ lɔ.

1 Kor 2:12

Ku wok aa cïï gɛ̈më wëi ke piny nɔm, ee wëi ë bɔ̈ tëde Nhialic kek aa gɛ̈më wook, luɔi bï wo käŋ ŋic ka cïï Nhialic gäm wook ëdhuëëŋ.

1 Kor 3:1

Ku yɛn, mïthëkɔckuɔ, yɛn aa cïï duëër jam wokë week wään, cït kɔc cï kepiɔ̈ɔ̈th tuöm ka ke Wëi, yɛn aaye jam wo week cït kɔc cï kepiɔ̈ɔ̈th tuöm ka ke guöp tei, cït mïththii ateteet ë Kërtho yic.

Jakop 3:15

Kënë acie pɛlënɔm bɔ̈ nhial, ee këde piny tei, ee këde raan piɔ̈u, ku ye këde jɔŋ rac.

1 Jɔn 2:20

Ku we de töny cï we tɔc, töny ë bɔ̈ tëde Raan Ɣeric, ku we ŋic käŋ kedhie.

1 Jɔn 2:27

Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.

Juda 1:19

Kɔckë ee kɔc ee röt pöc bei, kɔc ee kepiɔ̈ɔ̈th tuöm ka ke piny, kɔc liiuwë Wëidït tëde keek.