1 Kor 16:22 - JAM DE NHIALIC 2011

²² Na de raan cïï Bɛ̈nydït Yecu Kërtho nhiaar, ka bï guöp dɛ aciɛɛn! Bɛ̈nydïïtda ka bɔ̈yë!

1 Kor 16:22 ပူးပေါင်းရင်းမြစ်များ

Diɛt ke 1:7

Raandiën nhiaar, lɛ̈kë yɛn, Ee tënou bï yïn lunyduön ë thök tɔ lɔ nyuäth thïn? Ee tënou bï yïn luny tɔ lɔ lɔ̈ŋ thïn aköl, të cïï akɔ̈l tuöc? Eeŋö bï yïn yɛn tɔ kɔɔr yïn në luuny ke tïït kɔ̈k yiic?

Diɛt ke 5:16

Thoŋde amit arɔ̈ŋ ke ciëm, këriëëc tɔ̈u ë biäkde ëbɛ̈n ee ya miët piɔ̈u. Yen täu tɔ̈u ë monydiën nhiaar ka, diëër ke Jeruthalem.

Yith 5:1

Piëŋë të la yɛn ke ya kiit dinë, ee din ë mäth kekë domdɛn ë tiim ke enap: Mɛ̈thëdï ade nɔm dom ë tiim në kur nïïm tën ee ŋiëc luɔk aläl.

Math 10:37

Raan nhiaar wun ayï man awär nhiëër nhiɛɛr en en, ka cïï rɔ̈ŋ kekë yɛn, ku raan nhiaar wënde ayï nyande awär nhiëër nhiɛɛr en ɛn, ka cïï rɔ̈ŋ kekë yɛn.

Jɔn 14:15

Të nhiaar wek ɛn, ke we döt lööŋ thɔ̈n week.

Jɔn 14:21

“Raan gam lööŋ cï ke thɔ̈n ɛn, ku muk keek, yen aye raan nhiaar ɛn: ku raan nhiaar ɛn abïï Wäär nhiaar, ku abä nhiaar aya, aguɔ rɔt nyuöth en.”

Jɔn 14:23

Go Yecu bɛ̈ɛ̈r, yöök an, “Të nhiɛɛrë raan ɛn, ka bï wëlkï muk: go Wäär nhiaar, agoku bɛ̈n të nu yen, rëërku në yen ëtök.

Jɔn 15:24

Tëë ya kën käŋ looi e keyiic, ka kënë raan däŋ looi, adï cïn kërac ë keyiëth: ku ënɔɔnë acïk wo tïŋ ku mankï wo gup wokë Wäär waarou.

Jɔn 16:14

Abï ya tɔ yök dhuëëŋ: abï këdï nööm, ku jɔ nyuöth week.

Jɔn 8:42

Go Yecu ke yɔ̈ɔ̈k an, “Tëë ye Nhialic yen ee Wuöördun, adï yak a nhiaar: nɔn ë bä yɛn tëde Nhialic bä eenë, ku yɛn ë cïï bɔ̈ në këde yenhdï, yen aa toc ɛn.

Luɔi 23:14

Gokï lɔ tëde bänydït ke ka ke Nhialic ku röördït, ku luelkï an, “Wok cï gutguut looi aläl, an, acïn kë buk thiëëp të ŋoot wok ke wo kën Paulo nɔ̈k.

Romai 9:3

Ku aduɛ̈ɛ̈r lueel ë yapiɔ̈u an, adï miɛt piɔ̈u tëë ya ye guöp dɛ aciɛɛn bï ya cieec ë Kërtho nɔm në baŋ de mïthëkɔckuɔ, kɔc rɛɛn wok në dhiënh ë dhiëëthë wook.

1 Kor 12:3

En ata yɛn we ŋic cöökë, yen acïn raan jam ke cath ke Wëndït ɣer ke Nhialic raan bï e lueel an, “Yecu ade guöp aciɛɛn!” Ku acïn raan duëër e lueel an, “Yecu ee Bɛ̈nydït,” të cïï en cath ke Wëidït.

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Epethiei 6:24

Ë dhuëëŋdepiɔ̈u tɔ̈u ke kɔc kedhie kɔc nhiaar Bɛ̈nydan Yecu Kërtho në piɔ̈n agɔk. Amiin.

Pilipoi 4:5

Liɛɛr aa wek piɔ̈ɔ̈th liɛɛr takï ŋic kɔc kedhie. Bɛ̈nydït athiɔ̈k.

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

1 Pet 1:8

Ee raan nhiaar, na cakaa yen ë kɛ̈nkï tïŋ: ku ye raan cäk gam, na cakaa yen ë cäkï woi guöp ënɔɔnë, aguɔkï piɔ̈ɔ̈th miɛt në miɛt cïï themë thok, ku de yic dhuëëŋ dït,

1 Pet 2:7

Yen a de en naamde tëde week, wek kɔc cï gam: ku tëde kɔc reec gäm, “Kuur ɣɔn reecë yïk, Yen guöp acï tɔ ye kuur dïït nu ë aguk de pänyic.”

1 Jɔn 4:19

Nhiëër cï en wo kɔn nhiaar, en a nhiɛɛr wok en.

1 Jɔn 5:1

Raan ëbɛ̈n raan ë Yecu gam, an, ee Kërtho, ka ye dhiëëth Nhialic, ku raan ëbɛ̈n raan nhiaar raan ë dhiëth meth ke nhiaar mɛnh ë dhiëëth aya.

Nyuuth 22:20

Cäätɔ luel kakë alueel, an, “Ee yic, ya kï bɔ̈yë ënɔɔnë. Amiin!” Bä, Bɛ̈nydït Yecu!