1 Kor 15:45 - JAM DE NHIALIC 2011

⁴⁵ Yen aa gɛ̈ɛ̈rë ë yen aya an, “Adam raan tueŋ acï aa piɔ̈n pïïr.” Ku Adam raan ciëën acï aa wëi, wëi ë kɔc tɔ pïïr.

1 Kor 15:45 ပူးပေါင်းရင်းမြစ်များ

Cäk 2:7

Ago Bɛ̈nydït Nhialic raan cuëëc në tiɔɔm ë piny ku mony cï cuëëc ku jɔ kuöth wum yom ë pïïr, go raan jɔ aa këpïïr.

Jɔn 1:4

Yen aa de yic pïïr, ku pïïrë aaye ɣɛɛrëpiny ë kɔc.

Jɔn 10:10

Cuɛ̈ɛ̈r acïn däŋ ee bïï yen, ee kuël etök, ku nääk, ku riääk de käŋ: yɛn aa bɔ̈ luɔi bï kek dɛ pïïr, abïk kuɛth ë ye.

Jɔn 10:28

aguɔ ke miɔɔc në pïïr athɛɛr, ku acïkï bï määr athɛɛr, ku acïn raan bï kek gɔ̈p bei ë yaciin.

Jɔn 14:19

Ë döŋ ke ye tëthiinakäŋ, ke kɔc ke piny nɔm ke ke cïï a bï bɛ tïŋ: ku wek ee ya tïŋ: pïïr piëër ɛn, yen abä wek pïïr aya.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 4:10

Go Yecu bɛ̈ɛ̈r, lueel an, “Tëë yï ŋic miɔ̈c de Nhialic, ku ŋic raan wën thɛɛr yöök yïn an, “Miɔc ɛn ë ka dɛk, adï cï lip tëde yen, ku adï cï yï gäm pïïu pïïr.”

Jɔn 4:14

ku raan ëbɛ̈n raan ë dek ë pïïu bä gäm en acïï bï bɛ aa yal anande, pïïu bä gäm en abïk aa nyin de pïïu ë yeyäc, awaŋ bï aa cool ë tul ɣet pïïr athɛɛr.”

Jɔn 5:21

Acït man ee Wääda kɔc cï thou jɔt, tɔ keek pïïr, yen aye këde Wënde aya, ee kɔc tɔ pïïr kɔc nu ë yenpiɔ̈u.

Jɔn 6:33

Kuïn ë Nhialic ee kë bɔ̈ piny paannhial, ku ye piny nɔm gäm pïïr.”

Jɔn 6:54

Raan ee rïïŋdï cuet, ku dek riɛmdï, ee cath ke pïïr athɛɛr, ku abä jat nhial ëkööl rial wadäŋ.

Jɔn 6:57

Acït Wääda, Raan pïïr, acït man cï en a tooc, ku ya pïïr në Wääda, yen acït pïïr ee raan ë ya cam pïïr ë yen aya.

Jɔn 6:63

Ee wëi kek ee käŋ tɔ pïïr, guöp acïn kën ee lëu: wël cä lɛ̈k week, kek aye wëi, ku yek pïïr.

Jɔn 6:68

Go Thimon Petero puk nɔm an, “Bɛ̈nydït, buk lɔ tëde ŋa? Yïn cath wekë wël ke pïïr athɛɛr.

Luɔi 3:15

Bɛ̈nydït ë Wëi acäk nɔ̈k, raan cïï Nhialic jɔ̈t bei ë kɔc cï thou yiic, ku wok ee cäätɔɔ në cöökë.

Romai 5:17

Ku na cï thuɔɔu piny cieŋ në baŋ de raan tök, në wäc cï raan tök këdäŋ wööc, awär kënë arëët, kɔc yök dït de dhuëëŋdepiɔ̈u ku yeke miɔɔc në piathëpiɔ̈u, kek abï piny cieŋ në pïïr në baŋ de raan tök, Yecu Kërtho.

Romai 5:21

luɔi bï dhuëëŋdepiɔ̈u piny cieŋ ayadäŋ në piathëpiɔ̈u aɣet pïïr athɛɛr në Yecu Kërtho Bɛ̈nydïïtda, cït man cï ciɛɛŋ cieŋë kërac piny aɣet thuɔɔu.

Romai 8:2

Ku löŋ de Wëi ke pïïr, löŋ nu ë Kërtho Yecuyic, acï a luöny bei në löŋ de kërac kekë thuɔɔu.

1 Kor 15:46

Ku këde wëi acïï nu tueŋ, ee kë de piny nɔm en anu tueŋ, na miäk ke këde wëi ë jɔ lɔ.

Pilipoi 3:21

raan bï wo puk gup, gup cïn naamden, luɔi bï en ke cuëëc abïk kït ë guöpdɛn ë dhuëëŋ, në luɔi de riɛldɛndït riɛl ee yen käŋ ŋiëc tääu ë yecök kedhie.

Kolothai 3:4

Miäk, të tïcë Kërtho pïïrda, ke we bï tïc aya në yen ëtök ë dhuëëŋic.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

Nyuuth 16:3

Ku luuŋ renden gulde ë wɛ̈ɛ̈ric, go rɔt tɔ cït riɛm de raan cï thou, go ka pïïr ka de yiic wëi thou ëbɛ̈n, ka nu ë wɛ̈ɛ̈rdïtic.

Nyuuth 21:6

Go ya yɔ̈ɔ̈k an, “Ë thök! Yɛn ee tueŋ ku ya ciëën, göl ë käŋ ku thök ë käŋ. Raan cï yal abä miɔɔc ë awaŋ de pïïu ke pïïr në dhuëëŋ.

Nyuuth 22:1

Na wën, ke tunynhial nyuth ɛn kiir ë pïïu ke pïïr, kiir ee pïïuke lɔ kïr cït man ë kuruthalo, ke bɔ̈ bei ë thöönydïtic thöönydïït ë Nhialic kekë Nyɔŋamääl, tëëk ë kueerdeyic cil.

Nyuuth 22:17

Wëidït ku Nyɔŋamääl aluelkï, an, “Bä!” Ku raan pïŋ, ë lueel, an, “Bä!” Ku raan cï yal, ë bɔ̈, ayï raan de piɔ̈u keek, ë nöm pïïu ke pïïr youyou.