1 Kor 15:34 - JAM DE NHIALIC 2011

³⁴ Jakï pääc në piɔ̈n piɛth, ku duökï kërac ee looi, kɔc kɔ̈k acïn ŋïny de Nhialic cath ke keek: yɛn luel cöökë, ke we bï yäär.

1 Kor 15:34 ပူးပေါင်းရင်းမြစ်များ

Diɛt 119:11

Yɛn cï lööŋku muk në yapiɔ̈u, ke ya cïï kërac bï luöi Yïn.

Diɛt 4:4

Takï röt lɛth ë riɔ̈ɔ̈c, ku pälkï awɛ̈ɛ̈c, cätkï wenïïm apiɛth, të cä wek tɔ̈c ë lik në biökkun nïïm.

Jeremia 9:3

Ayek röt kiëët në tör de lueth, ruëëny ë nyin de yicic yen amac piny. Aye Bɛ̈nydït lueel an, “Kɔckï ayek kërac looi ku cuthkï ë luɔi, ku acïkï Yɛn ee ŋic nɔn Yan Nhialicden.”

Jowɛl 1:5

Jatkï röt dhiaukï, wek kɔc ye mɔ̈u wit. Dhiëëukï mɔ̈u, wek kɔc ee mɔ̈u dek, në baŋ cï ye rɔ̈t bei në we thook.

Jona 1:6

Na wën, ke yök ë bɛ̈ny de abël wïïr en ëtɛ̈ɛ̈n, ku lëk en an, “Eeŋö loi ke yï nin? Jɔt rɔt ku cɔl yanhdu. Na de të bïï yen piɔ̈u kok ke wook ku luɛ̈k wo wëi.

Math 22:29

Go Yecu pɔ̈k nɔm keek an, “Acäk wööc, në kuny kuöc wek kacïgɔ̈ɔ̈r, ku kuöckï riɛldïït ë Nhialic aya.

Jɔn 5:14

Të cï kakë thök, ke Yecu jɔ raanë yök ë Luaŋdïtic, go lɛ̈k en an, “Tïŋ, yïn cï guöp waar: du käŋ ee bɛ wööc, ke yï cïï kërac bï yök kërɛɛc wär këwään.”

Jɔn 8:11

Go lueel an, “Acïn raan, Bɛ̈nydït.” Go Yecu yɔ̈ɔ̈k an, “Ayï yɛn aya, yïn cä bï yiëk yeth gääk: lɔ, du kërac be looi anandu.”

Luɔi 26:8

Eeŋö luɛɛl wek en an, ee kë cïï kɔc duëër gam, yen jön bï Nhialic kɔc cï thou jat nhial?

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

Romai 13:11

Ku cöökë aya an, “Yak piny ŋic, nɔn ee yen akööl bï wok dhil pääc ë nïnic, kuny bï wo kony wëi ë guɔ thiɔ̈k ënɔɔnë awär wään kɔn wok gam.

1 Kor 4:14

Yɛn cïï kake gäär luɔi bän we tɔ yäär, ku wek a nen cït man ë mïthkiën nhiaar gup.

1 Kor 6:5

Ee yäär bä wek yäär, en a luɛɛl ɛn ee kënë. Ye guöp ka, cïn raan töŋ pelnɔm ë weyiic, raan duëër löŋ de raan kekë mɛnhkënë ŋiëc guiir?

1 Kor 8:7

Ku ŋïny de ee kënë acïï nu tëde kɔc kedhie: kɔc kɔ̈k a riëëukï yiëth ë kepiɔ̈ɔ̈th, gokï këdäŋ aa cam aɣet cï ënɔɔnë, ku tɔkï ë ke cï nɔ̈k yath, ago piɔ̈nden rac në kɔ̈c kɔ̈ɔ̈c en jɔ dhiöök.

Epethiei 5:14

Yen a lueel en en an, “Jɔ pääc, yïn ë raan ninë, jɔt rɔt ë kɔc cï thou yiic, ke yï bïï Kërtho riaau.”

1 Theth 4:5

ku cïï e piɔ̈u tum kërac në ŋɔ̈ɔ̈ŋ ee ye dɔm, cït man ë Juöör kuc Nhialic.