1 Kor 15:28 - JAM DE NHIALIC 2011

²⁸ Ku të cï këriëëc ëbɛ̈n guɔ tääu ë yecök, ke Wënde guöp aya abï jɔ tääu ë Raandïït cök Raan ë tɛ̈ɛ̈u këriëëc ëbɛ̈n ë yecök, ago Nhialic aa käŋ kedhie ku nu ë käŋ yiic kedhie.

1 Kor 15:28 ပူးပေါင်းရင်းမြစ်များ

Diɛt 18:39

Yïn ee yɛn gäm riɛl de tɔŋ, ku tɔ ya tiam kɔc ke aterdï.

Diɛt 18:47

Bɛ̈nydït ee ya tɔ tiam kɔc ke aterdï, ku ee ya tɔ ye bɛ̈ny de juöör.

Jɔn 14:28

Acäk piŋ nɔn cän e lɛ̈k week an, ‘Yɛn jël, ku yɛn bï lɔ bɛ̈n tëde week.’ Tëë we nhiaar ɛn, adï cäk piɔ̈ɔ̈th miɛt, nɔn cän e lueel an, ‘Yɛn lɔ tëde Wäär.’ Wäär awär ɛn e dït.

1 Kor 11:3

Ku yɛn de piɔ̈u luɔi bä wek e ŋic, nɔn ee yen Kërtho yen ee nɔm de moc ëbɛ̈n, ku nɔm de tik yen aye moc, ku nɔm de Kërtho yen aye Nhialic.

1 Kor 12:6

Ku luɔi ee kɔc looi akithic, ku yen Nhialic töŋ manë yen ee këriëëc looi ëbɛ̈n ë kɔc yiic kedhie.

1 Kor 15:29

Ku të cïï kɔc cï thou röt jɔt, ke kɔc cï baptith në këde kɔc cï thou bïk looi adï? Ku jɔ aa ŋö, kë lui ë keek baptith në këde kɔc cï thou?

1 Kor 3:23

ku wek ee ka ke Kërtho, ku Kërtho ee këde Nhialic.

Epethiei 1:23

Yen aye guöpde, ku ye kuɛthde, kuɛth de raan ee käŋ tɔ kueth kedhie, ka nu ë këriëëcic ëbɛ̈n.

Pilipoi 3:21

raan bï wo puk gup, gup cïn naamden, luɔi bï en ke cuëëc abïk kït ë guöpdɛn ë dhuëëŋ, në luɔi de riɛldɛndït riɛl ee yen käŋ ŋiëc tääu ë yecök kedhie.

Kolothai 3:11

Ku tɛ̈ɛ̈n acïn Girikii nu ku cïn Judai, ku cïn aŋuɛl nu ku cïn raan cie aŋuɛl, ayï Jur rɛɛc ë ciɛɛŋde, ayï Thekuka, ayï lïm, ayï raan lääu nɔm, abï ciën këdäŋ, ku Kërtho yen aye këriëëc ëbɛ̈n, ku nu ë käŋ yiic kedhie.