1 Kor 15:2 - JAM DE NHIALIC 2011

² Ku yek wël cï we kony wëi ë keek, të ya wek jam cä guiëër week cök ë mɔ̈k wek e, të kën wek pëër gamic tei.

1 Kor 15:2 ပူးပေါင်းရင်းမြစ်များ

Kɛ̈ŋ 23:23

Kɔɔr yic ku pɛlënɔm ku yöŋ de käŋiic abä tuc gïth, du ke be pɔ̈l.

Kɛ̈ŋ 3:1

Du nɔm kɔn määr në wëët lɛ̈k yïn mɛnhdï. Ku ye lööŋ thɔ̈n yïn döt aköölnyïïn.

Kɛ̈ŋ 4:13

Ye kë cï ŋic tak aköölnyïïn. Kë cï ŋic yen aye pïïrdu, ye gël apiɛth.

Luk 8:13

Ku ka nu piny de kuur, ayek kɔc ee jam piŋ, ku dɔmkï në piɔ̈nmit: ku acïnkï mei, agokï gam tëthiinakäŋ, ku bïk röt dak ciëën ëkööl themë ke.

Luɔi 2:47

ke ke ye Nhialic leec, ku mit kɔc piɔ̈ɔ̈th kedhie në keek. Go Bɛ̈nydït ɣön ë Nhialic ŋuak nyin ë kɔc ë aköölnyïïn kedhie kɔc kony wëi.

Luɔi 8:13

Go Thimon guöp gam ayadäŋ: na wën, aacï baptith, ke ye cool ë rɛ̈ɛ̈r kekë Pilip, ku gɛ̈i, wën cï en göök cï looi tïŋ ayï kake gäi.

Romai 1:16

Yɛn cie yäär në baŋ de wëlpiɛth ke Kërtho, kek aye riɛldïït ë Nhialic riɛl ë raan kony wëi ëbɛ̈n raan cï gam, gɔl ë Judai, mɛt Girikii thïn aya.

Romai 11:22

Wɔikï ënɔɔnë, piath ë Nhialic piɔ̈u ayï riɛl ë yenpiɔ̈u: tëde kɔc wään cï wïïk, ee riɛlëpiɔ̈u, ku tëde yïn ee piathëpiɔ̈u, të ee yïn cool ë rëër ë piath de yenpiɔ̈u, na rɛɛcë, ke yïn bï tɛ̈ɛ̈m bei aya.

1 Kor 1:18

Ku guiëër ë wël ke tim cï rïïu nɔm ee këɣɔ̈ric tëde kɔc bï määr, ku ye riɛldït ë Nhialic tëde wook wok kɔc kony wëi.

1 Kor 1:21

Ku të cï kɔc ke piny nɔm Nhialic guɔ kuc në pɛl ë kek nïïm, cït man cï Nhialic e lueel në pɛlënɔmde, ke Nhialic jɔ piɔ̈u miɛt luɔi bï en kɔc gäm kony wëi në këɣɔ̈ric cɔl guiëër ë wëlpiɛth.

1 Kor 11:2

Ënɔɔnë, wek mïthëkɔckuɔ, wek lɛɛc nɔn aa wek a tak ë këriëëc ëbɛ̈n, ku nɔn aa wek jam cï yiɛ̈n week döt, acït man cän e gäm week.

1 Kor 15:14

ku të kënë Kërtho rɔt jɔt, ke guiëër guiir wok wël ee këɣɔ̈ric, ayï gäm gäm wek ee këɣɔ̈ric ayadäŋ.

2 Kor 2:15

Wok ee atuöm de Kërtho në këde Nhialic ë kɔc yiic, ayï kɔc kony wëi ayï kɔc mär.

2 Kor 6:1

Ku nɔn ee wok luui në yen ëtök, en a lɛ̈ŋ wo week, ke we cïï dhuëëŋ de Nhialic piɔ̈u nöm ë ɣɔ̈ric.

Galatai 3:4

Ee ɣɔ̈ric en ë guööm wek kajuëc cït ee kakë? Ku cie ɣɔ̈ric en ë guöm wek?

Epethiei 2:8

Ee dhuëëŋdepiɔ̈u en acï week kony wëi, në gäm, ku acïï bɔ̈ tëde week: ee miɔ̈c de Nhialic:

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.

2 Theth 2:15

Yen ka, wek mïthëkɔckuɔ, yak jɔ kɔ̈ɔ̈c aril, ku yak wël cï yiɛ̈n kɔc döt wël cï we wɛ̈ɛ̈t ë keek, nɔn ee yen jam de raan thok, ku nɔn ee yen awerek cuk gɔ̈ɔ̈r.

2Tim 1:9

Ee Nhialic en ë kony wo wëi, ago wo cɔɔl ë cɔ̈t ɣeric, acie këde luɔida, ee këde yenpiɔ̈u etök, ku në dhuëëŋ de yenpiɔ̈u, dhuëëŋ cï yiɛ̈n wook ë Kërtho Yecuyic ɣɔn thɛɛr ŋootë piny ke kënë cak,

Ɣeberuu 10:23

Yak kɔ̈ɔ̈c aril mïthëkɔckuɔ ke wo cïï lɔ ciëën në aŋäth cï wok Yecu gam, në luɔi ye Nhialic, Raan ë lëk wook aŋäthë, ee Raan adöt.

Ɣeberuu 2:1

Kimku wonïïm piny apiɛth, ku dötku wël cï lɛ̈k wook, ke wo cï bï jäl në yicic ke kucku röt.

Ɣeberuu 3:14

Wok duëër rɔm në Kërtho ëtök, të muk wok gämdan cï wok kɔn gam aril agut cï thök de käŋ.

Ɣeberuu 3:6

Ku Kërtho ee mɛnh adöt në dhiën de Nhialic nɔm ëbɛ̈n. Ku wok aye dhiënde, të muk wok wopiɔ̈ɔ̈th aril, ku dötku aŋäthdan ye wok röt leec athöökë käŋ.

Ɣeberuu 4:14

Wok de nïïm gök de Bɛ̈nydïït ë kake Nhialic, Bɛ̈ny cï lɔ paannhial, ee yen Yecu Wën ë Nhialic. Yen kë duɛ̈ɛ̈r wok kɔ̈ɔ̈c ka aril në gämda yic, gäm cuk lueel në biäkde.

Jakop 2:14

Naamde akou, wek mïthëkɔckuɔ, të lueelë raan en an, Yɛn cath wo gäm, ku liu luɔi tëde yen? Duëërë gäm kony?

Jakop 2:17

Yen acït gäm aya, të cïn en luɔi cath kekë yen, ka cï thou, në rëër rëër en etök.

Jakop 2:26

Yen ka, acït thon cï guöp thou, guöp cïnic wëi, yen acït thon cï gäm thou, gäm cïn luɔi cath kekë yen.