1 Kor 14:7 - JAM DE NHIALIC 2011

⁷ Acakaa ka cïn pïïr, ka ye dhiau, nɔn ee yen kaaŋ de aruöör, ku nɔn ee yen thom, të cïn en luɔi bï dhiënde rɔt pɔ̈ɔ̈c, kë cï kooth bï jɔ ŋic adï, ayï kë cï gut, bï kɔc ŋic adï?

1 Kor 14:7 ပူးပေါင်းရင်းမြစ်များ

Math 11:17

luelkï an, “Wok ë kaaŋ kuöth week, ku wek kën cöŋ, ku wok ë dhiau ë wenïïm, ku wek kën dhuöör.

Luk 7:32

Acïtkï mïththii rɛ̈ɛ̈r ë thuukic, ke ke ye röt cɔɔl an, ‘Wo cï kaaŋ kuöth week, ku wek kën cöŋ, wo cï dhuöör ë wenïïm, ku wek kën dhiau!’

1 Kor 13:1

Na ya cak jam wokë liëp ke kɔc ayï tuucnhial, ku ciën nhiëër, ke yɛn cï ciët maläŋ kök, ku ciët alogör cï tɔɔŋ.

1 Kor 14:6

Ku ënɔɔnë, wek mïthëkɔckuɔ, të bä yɛn tëde week, ke ya jam ë thook mɛɛn, ee këpiɛthou bä yiɛ̈n week, të kɛ̈n ɛn jam wo week në kë cï nyuöth ɛn, ayï në ŋïny ŋiɛc ɛn käŋ, ayï në guiëër guiëër ɛn wël, ayï në wëët wɛ̈ɛ̈t ɛn week?

1 Kor 14:8

Ayï kaaŋ, të cï en e röl guɛ̈l, röl dhal kɔc, eeŋa bï rɔt guik ë tɔŋ?

1 Tham 10:5

Ku ëtɛ̈ɛ̈n, yïn bï lɔ në kuur ë Nhialic nɔm në Gibia, të tɔ̈u ë wun de Pilithiin lɔ̈ɔ̈m. Yïn bï rɔ̈m wekë tït juëc në wut këc ëtɛ̈ɛ̈n, ke ke bɔ̈ piny në yïk nɔm ke ke gut lɔ̈r, ku thom, ku kothkï arur ku kɛŋ. Ku abï kit ke ke riäŋ.