1 Kor 14:4 - JAM DE NHIALIC 2011

⁴ Raan ee jam ë thoŋ mɛɛn ee rɔt kueet etök, ku raan ee wël guiir ee ɣön ë Nhialic kueet.

1 Kor 14:4 ပူးပေါင်းရင်းမြစ်များ

Mak 16:17

Ku kagöökkë abïk kɔc aa kuany cök kɔc cï gam: an, në rinkï abïk jɔɔk rac aa cieec, abïk aa guɛl ë thook mɛɛn thook cï piac yök,

Romai 14:19

Yen ee wok ka ke mät cop ayï ka ke kuɛ̈t bï wok kueet.

1 Kor 12:10

ŋɛk aye miɔɔc ë kë bï en luɔi ril aa looi, ku miɔɔc ŋɛk ë guiëër bï en wël ŋiëc aa guiir, ku ŋɛk në pɛ̈ɛ̈k duëër en wëi pääk, ku ŋɛk në jam ë thoŋ kithic, ku ŋɛk në ŋïny bï en thok aa puk yiic.

1 Kor 12:28

Ku Nhialic aye kɔc kɔ̈k tääu ë ɣön ë Nhialic yic, kɔc tueŋ kek aye tuuc, kɔc lɔ ë kecök, kek aye kɔc ee wël guiir, ku lɔ kɔc ee wëët, ku lɔ luɔi ril, ku riɛl bï kɔc aa tɔ dem, ku kuny konyë kɔc röt, ku ciɛɛŋ, ku thook mɛɛn pei.

1 Kor 13:1

Na ya cak jam wokë liëp ke kɔc ayï tuucnhial, ku ciën nhiëër, ke yɛn cï ciët maläŋ kök, ku ciët alogör cï tɔɔŋ.

1 Kor 13:2

Ku na ya cak wël ŋiëc guiir, ku ŋiɛc kacïmoony kedhie, ku dɛ ŋïnydekäŋ kedhie, ku na ya cak dɛ gäm ëbɛ̈n, gäm duɛ̈ɛ̈r ɛn kurdït tɔ nyaai tëden, ku ciën nhiëër, ke yɛn cïn nɔm këdäŋ.

1 Kor 14:12

Ayï week ayadäŋ, na kaarkï ka ke Wëi aläldïïtë, jakï kɔɔr luɔi bä wek wöör në kuɛ̈t bä wek ɣön ë Nhialic kueet.

1 Kor 14:22

Yen ka, thook mɛɛn ee gök nyuuth kɔc, ku acie këde kɔc cï gam, ee këde kɔc kën gam, ku guiëërë wël acie këde kɔc kën gam, ee këde kɔc cï gam.

1 Kor 14:26

Jɔ aa ŋö, wek mïthëkɔckuɔ? Të guɛ̈ɛ̈r wek tëtök, week wedhie, ŋɛk ade din ë Debid, ku de ŋɛk wëët, ku de ŋɛk thoŋ mɛɛn, ku de ŋɛk kë cï nyuöth en, ku de ŋɛk puŋ puk en jam. Yak käŋ tɔ loi kedhie në këde kuɛ̈t bï kɔc kuet.

1 Kor 14:3

Ku raan ee wël guiir ee guïïr ke kɔc ë ke bï kueet, ku bï ke riit piɔ̈ɔ̈th, ku luk ke piɔ̈ɔ̈th.

1 Kor 14:5

Ku yɛn duëër piɔ̈u miɛt të ya wek jam ë thook mɛɛn wedhie, ku luɔi bä wek wël aa guiir yen anu ë yapiɔ̈u arëët. Ku raan ee wël guiir yen adït awär raan ee jam ee thook mɛɛn, të kën en jam puk, ke ɣön ë Nhialic ë bï kueet.