1 Kor 14:3 - JAM DE NHIALIC 2011

³ Ku raan ee wël guiir ee guïïr ke kɔc ë ke bï kueet, ku bï ke riit piɔ̈ɔ̈th, ku luk ke piɔ̈ɔ̈th.

1 Kor 14:3 ပူးပေါင်းရင်းမြစ်များ

Luk 3:18

Ago kɔc lɛ̈k wël juëc kɔ̈k në guiëër ee yen keek guiëër.

Luɔi 13:15

Na wën, të cï löŋ guɔ thök ë kuɛ̈n kekë tït, ke bɛ̈ny ë luaŋ ë Nhialic ke tuc raan keek an, “We wäthii, na de jam bäk guiëër kɔc, luɛlkï këdun.”

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Luɔi 15:32

Go Judath ku Thila, luɔi ee kek tït aya, agokï wäthii guiëër wël juëc, ku ritkï kepiɔ̈ɔ̈th,

Luɔi 4:36

Ku ade mony cɔl Jothep, mony cï tuuc cäk rinke an, Baranaba (yen aye wën ë Muŋdepiɔ̈u, të pukë yen ë thoŋda), ku ye raan ë Lebi, paanden ee Thaiperuth,

Luɔi 9:31

Go ɣööt ke Nhialic jɔ rëër ke ke lɔ dïu ë Juda ëbɛ̈n ku Galili ku Thamaria, gokï jɔ riɛl ë gäm, ku yek cath ë riëëu de Bɛ̈nydït, ku në muŋdepiɔ̈u de Wëidït ɣer, agokï kenyïïn ŋuak.

Romai 12:8

ku raan ë kɔc guiëër wël, ë ye kɔc guiëër apiɛth, raan ë miööc, ë ye miööc ë piɔ̈n tök, raan nu ë kɔc nïïm, ë ye këde looi ke lëth guöp, raan ë piɔ̈u kok, ë ye luui ë piɔ̈n mit.

Romai 14:19

Yen ee wok ka ke mät cop ayï ka ke kuɛ̈t bï wok kueet.

Romai 15:2

Wook wodhie ë ŋɛk ë ye raan rëër kek kony abï piɔ̈u miɛt, ë këde piathde, ku këde kuɛ̈t bï ye kueet.

1 Kor 10:23

Käŋ kedhie acï ke päl ɛn, ku käŋ acïkï de piathden kedhie, käŋ acï ke päl ɛn kedhie, ku käŋ acïkï kɔc ee kueet kedhie.

1 Kor 14:12

Ayï week ayadäŋ, na kaarkï ka ke Wëi aläldïïtë, jakï kɔɔr luɔi bä wek wöör në kuɛ̈t bä wek ɣön ë Nhialic kueet.

1 Kor 14:17

Yïn ë Nhialic ŋiëc leec nɔm në yic, ku raanë akënë kueet.

1 Kor 14:26

Jɔ aa ŋö, wek mïthëkɔckuɔ? Të guɛ̈ɛ̈r wek tëtök, week wedhie, ŋɛk ade din ë Debid, ku de ŋɛk wëët, ku de ŋɛk thoŋ mɛɛn, ku de ŋɛk kë cï nyuöth en, ku de ŋɛk puŋ puk en jam. Yak käŋ tɔ loi kedhie në këde kuɛ̈t bï kɔc kuet.

1 Kor 14:31

Wek duëër wël guiir wedhie, ye ŋɛk këde tääu, ku tɛ̈ɛ̈u ŋɛk këde, ke we bï piööc wedhie, ku muk we piɔ̈ɔ̈th wedhie.

1 Kor 8:1

Ku në këde ka cï läm yiëth, Aŋicku wook wodhie nɔn de wo ŋïnydekäŋ. Ku ŋïnydekäŋ ee raan rɔt tɔ dït youyou, ku nhiëër en aye raan kueet.

2 Kor 1:4

Raan ë wo muk piɔ̈ɔ̈th në ka dhal wook ëbɛ̈n, luɔi bï wo kɔc ŋiëc muk piɔ̈ɔ̈th kɔc cïï këdäŋ dhal, në muŋ cï wo muk piɔ̈ɔ̈th në Nhialic wogup.

2 Kor 2:7

Ku ënɔɔnë aŋuän nɔn bä wek e pɔ̈l, ku jakï muk piɔ̈u, ke raanë cïï tiëël bï dɔm në dït de jiɛth ë yenpiɔ̈u.

Epethiei 4:29

Ë cïn jam nhiɛɛny ee bɛ̈n bei ë wethook, ë ye jam piɛth etök, jam duëër kɔc kueet ë kë dak keek, ke kɔc piŋ en ke ke bï dhuëëŋdepiɔ̈u yök.

Epethiei 6:22

Ee ŋïny bä wek ɣön ë Nhialic ŋic, ku muŋ bï en week muk piɔ̈ɔ̈th, yen kë ë tuöc ɛn en week ka.

Kolothai 4:8

Yen aa tuöc ɛn en week, ke we bï täuda ŋic, ku bï we muk piɔ̈ɔ̈th.

1 Theth 2:11

acït man ŋiɛc wek en, guiëër ee wok week guiëër ku muŋ ee wo week muk piɔ̈ɔ̈th, ku lëk ee wok week lɛ̈k wedhie, cït man ee wun mïth jam kekë mïthke,

1 Theth 2:3

Ku guiëër ee wo wël guiir aa cïnic mɛth ee kɔc math, ayï jam col aa liu thïn, ayï ruëëny:

1 Theth 3:2

agoku Timotheo tooc, mɛnhkënëda, ku ye raan ee ka ke Nhialic looi, raan ee wok luui ëtök në wëlpiɛth ke Kërtho, acuk tooc luɔi bï en week tɔ kääc apiɛth, ku riit wepiɔ̈ɔ̈th ë gämduön cä wek gam,

1 Theth 4:1

Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.

1 Theth 4:18

Yen ya wek wepiɔ̈ɔ̈th muk wapäc në wëlkë.

2 Theth 3:12

Ku wo yöök kɔc cït keek ënɔɔnë ku guïïrku keek në Bɛ̈nydan Yecu Kërtho an, bïk aa luui ë lik, ku yek kuïnden cam guöp.

1 Tim 1:4

Ku duökï päärëkɔ̈ɔ̈r ee piŋ, ayï jam de rɛm thɛɛr, jam cïn pëkde, ee kak ee teer bɛ̈ɛ̈i tei, ku acïkï kɔc ee tɔ kuet në ka ke Nhialic ku në gäm: jɔ keek aa yɔ̈ɔ̈k wuya, mɛnhdï.

1 Tim 4:13

Aɣɔ̈l të bän bɛ̈n, ye cök ë kuën yïn, ku guiir wël, ku wɛ̈ɛ̈të kɔc.

1 Tim 6:2

Ku lïïm de nïïm bänykɛn cï gam, ë ke cïï keek ee biɔɔn, luɔi ee kek mïthëkɔcken, aŋuän bï kek ke ya luööi apiɛth, luɔi ee kek kɔc cï gam kɔc nhiaar, ku yek piath ë wëlpiɛth rɔm ëtök. Ye kɔc wɛ̈ɛ̈t ee kakë ku guiëërë ke keek.

2Tim 4:2

an, Ye jam guiir, ye yic lɛ̈th ë luɔi ëkööl piɛth, ayï kööl rac: ye kɔc jɔ̈ɔ̈ny, ye kɔc nen, ye kɔc riit piɔ̈ɔ̈th, ke yï lirpiɔ̈u ë thuaat në wëët ee yïn kɔc wɛ̈ɛ̈t.

Tito 1:9

Raan ee wël yith ŋiëc döt cït man cï e wɛ̈ɛ̈t, luɔi duëër en kɔc riit piɔ̈ɔ̈th në wëët piɛth, ku ŋic kɔc jäny en guut ë löŋ.

Tito 2:15

Ye kake lueel, riit yïn ke kɔc piɔ̈ɔ̈th, ku jäny keek në riɛl ëbɛ̈n. Ë cïn raan bï yï biɔɔn.

Tito 2:6

Ku yöökë dhuök ayadäŋ an, yek nïïm tiëër.

Tito 2:9

Ku yöök lïïm an, bïk rëër ë bänyken cök, bänyken gup, agokï ke tɔ mit piɔ̈ɔ̈th ë këriëëcic ëbɛ̈n, ku cïkï löŋ ë bɛ̈ɛ̈r,

Ɣeberuu 10:25

Duökï ee mɔ̈l ëbɛ̈n tëde läm, cït man ye kɔc kɔ̈k e looi, ë ŋɛk ë ye ŋɛk riit piɔ̈u në luɔi cïï akööl ke bɛ̈n ë Bɛ̈nydït Kërtho ɣëët tëthiɔ̈k.

Ɣeberuu 13:22

Wek liɛm mïthëkɔckuɔ an, Ruɔmkï wepiɔ̈ɔ̈th në pïŋ de jam de riëtëpiɔ̈u cï lɛ̈k weekë bäk dɔmic aril. Kek ka lik ë gäär week ka.

Ɣeberuu 3:13

Ku yak wepiɔ̈ɔ̈th riit wapäc aköölnyïïn kedhie. Ke bï ciën raan töŋ bï nɔm riɛl ë weyiic të cïï kërac e math. Në luɔi ŋoot En ke cöt “Ee köölë.”

1 Pet 5:12

Yɛn ë awerek cekë tɔ luëthë week ë Thiluano, raan ŋiɛc nɔn ee yen mɛnhkënëdan adöt, acä gäär week riɛɛt ɛn wepiɔ̈ɔ̈th, ku ta rɔt ee cäätɔ në cöökë an, kënë ee dhuëëŋ de Nhialic piɔ̈u dhuëëŋ yic, dhuëëŋ kääc wek thïn.

Juda 1:20

Ku week, we kɔc nhiaar, yak röt yïk ë gämduön cä we gam, gäm ɣeric ë wic, ku yak lɔ̈ŋ në Wëidït ɣer,