1 Kor 14:27 - JAM DE NHIALIC 2011

²⁷ Ku na de kɔc jam ë thoŋ mɛɛn, abïk aa rou tei, ku të juëc kek, abïk aa diäk, ku abïk jam, ŋɛk ë këde tääu, ku tɛ̈ɛ̈u ŋɛk këde, ku raan tök abï jam pukic.

1 Kor 14:27 ပူးပေါင်းရင်းမြစ်များ

1 Kor 12:10

ŋɛk aye miɔɔc ë kë bï en luɔi ril aa looi, ku miɔɔc ŋɛk ë guiëër bï en wël ŋiëc aa guiir, ku ŋɛk në pɛ̈ɛ̈k duëër en wëi pääk, ku ŋɛk në jam ë thoŋ kithic, ku ŋɛk në ŋïny bï en thok aa puk yiic.

1 Kor 14:13

Yen raan ee jam ë thoŋ mɛɛn ë läŋ ke bï jam ŋiëc puk.

1 Kor 14:2

Raan ee jam ë thoŋ mɛɛn acie jam ke kɔc, ee jam ke Nhialic, acïn raan ee këde piŋ, ku ee jam në kacïmoony ë wëike yiic.

1 Kor 14:26

Jɔ aa ŋö, wek mïthëkɔckuɔ? Të guɛ̈ɛ̈r wek tëtök, week wedhie, ŋɛk ade din ë Debid, ku de ŋɛk wëët, ku de ŋɛk thoŋ mɛɛn, ku de ŋɛk kë cï nyuöth en, ku de ŋɛk puŋ puk en jam. Yak käŋ tɔ loi kedhie në këde kuɛ̈t bï kɔc kuet.

1 Kor 14:28

Ku të cïn en raan ee jam pukic, ke raan lɔ lik ɣön ë Nhialic, ku jɔ jam yenguöp kekë Nhialic.

1 Kor 14:5

Ku yɛn duëër piɔ̈u miɛt të ya wek jam ë thook mɛɛn wedhie, ku luɔi bä wek wël aa guiir yen anu ë yapiɔ̈u arëët. Ku raan ee wël guiir yen adït awär raan ee jam ee thook mɛɛn, të kën en jam puk, ke ɣön ë Nhialic ë bï kueet.