1 Kor 13:9 - JAM DE NHIALIC 2011

⁹ Ënɔɔnë wo ŋic käŋ ë biäk tei, ku yok wël guiir ë biäk tei:

1 Kor 13:9 ပူးပေါင်းရင်းမြစ်များ

Jop 26:14

Ku kakë ayek ka thii ke riɛlde, luɔɔu thiinakäŋ yen ayok piŋ, ku na jɔ rel në riɛlde ëbɛ̈n. Ku eeŋa duëër e bɛ yökic?

Diɛt 139:6

Ŋïny ŋic Yïn yɛn adït aläl.

Diɛt 40:5

Yïn cï kajuëc luöi wook Bɛ̈nydït Nhialicda. Acïn raan cït Yïn! Yïn cï kïït ke gäi juëc luöi wook. Yɛn cïï duëër jam ë biäkden ëbɛ̈n, kuënden adït aläl!

Kɛ̈ŋ 30:4

De raan cï kɔn lɔ paannhial ku le bɛ̈n piny? Eeŋa cï yom kɔn dɔm në yecin? Eeŋa cï pïïu kɔn duɔl në lupɔde yic? Eeŋa tɛ̈ɛ̈u ë loi piny thar ëbɛ̈n? Cɔl ŋa ku cɔl mɛnhde ŋa? Lɛ̈kë yɛn të ŋic yïn keek.

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Romai 11:34

Cït man cï e gɔ̈ɔ̈r an, “Eeŋa ë ŋic piɔ̈n ë Bɛ̈nydït? Ku eeŋa ë tɔ rɔt ë raan ë yen riit piɔ̈u?

1 Kor 13:10

ku të cï kë cï dikëdik bɛ̈n, ke kë nu ë biäk tei abï tɔ cïn naamde.

1 Kor 13:12

Ku ënɔɔnë, wok ee daai ëmormor, cït man ë raan ë daai acidhathic, ku rial, wo bï aa daai ke wo tuum wonyïïn. Ënɔɔnë yɛn ŋic käŋ ë biäk tei, ku rial yɛn bï käŋ ŋic cït man cï en a ŋic.

1 Kor 2:9

Ku acït man cï e gɔ̈ɔ̈r an: “Akënë ke tïŋ ë raan nyin, ku akënë ke piŋ ë raan yïc, ku akënkï lɔ ë raan piɔ̈u, Kek ka cïï Nhialic guik në këde kɔc nhiaar en.”

1 Kor 8:2

Ku të lueelë raan en, an, ŋic käŋ, ke ŋoot ke kuc käŋ kë cït kë bï dhil ŋic.

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

1 Jɔn 3:2

We kɔc nhiaar, wok ee mïth ke Nhialic ënɔɔnë, ku täudan bï wok tɔ̈u rial akën guɔ tïc. Ku aŋicku nɔn bï wo ciët en, kööl bï en tuöl, në tïŋ bï wok e tïŋ täu tɔ̈u en.