1 Kor 13:4 - JAM DE NHIALIC 2011

⁴ Nhiëër ee käŋ guum anande, ku apiɛth piɔ̈u, nhiëër acïnic tiɛɛl, nhiëër acïï rɔt ee leec, acïï rɔt ee tɔ dït,

1 Kor 13:4 ပူးပေါင်းရင်းမြစ်များ

Cäk 30:1

Na ɣɔn, alɔ Racel rɔt yök ke cïn mɛnhdɛn cï dhiëth Jakop, ke til nyankënë, ku lëk Jakop an, “Gämë yɛn mïth, na cie yen, ka aŋuɛ̈ɛ̈n ë luɔi bän thou.”

Cäk 37:11

Go mïthëkɔcken en jɔ til arëët, ku muk wuönden jam në yepiɔ̈u.

Neɣe 9:17

Acïk Yï rɛɛc thok, ku mɛ̈ɛ̈rkï nïïm në këriëëc ɣɔn cï looi ëbɛ̈n, mɛ̈ɛ̈rkï nïïm në kagɛ̈iyë ke cï ke looi, në lɛcden, gokï röt lɔ̈c bɛ̈ny bï ke dak nïïm në lïïmic paan ë Rip. Ku Yïn ee Nhialic ee kɔc päl awɛ̈ɛ̈c, Yïn de nɔm kok de piɔ̈u, ku nhiëër agɔk ku cïï ee dap gɔ̈th, kok de piɔ̈ndu adït arëët, ka kɛ̈n ë ke nyääŋ piny.

Diɛt 10:5

Kɔc rac ayek tiam në këriëëcic ëbɛ̈n. Acïkï guiɛɛr de Nhialic ee yökic, ayek kɔc ke aterden dɔl gup.

Kɛ̈ŋ 10:12

Män ee agööth jat nhial, ku nhiëër ee agööth täc nïïm.

Kɛ̈ŋ 13:10

Dït ë nɔm ë agööth bɛ̈ɛ̈i, ku yök pɛlënɔm tëde raan ee jiëëm piŋ.

Kɛ̈ŋ 17:14

Të cïï agɔ̈th e thar cak aye dap duöm piny ke cï bï ɣeer, aduëër ciët wɛ̈ɛ̈r cïï thɔc dhuɔɔŋ.

Kɛ̈ŋ 17:9

Raan ee karɛc täc nïïm ee nhiëër kɔɔr, ku nyöŋ de käŋiic ee määth pääk.

Kɛ̈ŋ 19:22

Kë ye kɔɔr tëde raan ee luɔi bï yen aa raan adöt, ku raan kuanynyin aŋuän në raan ee lueth töör.

Kɛ̈ŋ 31:20

Ee ɣönde liep thok kɔc kuanynyïïn ku gɛm eciin.

Kɛ̈ŋ 31:26

Ee jam në pɛlënɔm ku wëët adöt.

Wɛ̈ɛ̈t 10:4

Të cï bɛ̈nydu piɔ̈u diu ke yïn, du luɔɔidu päl ë yenɔm, awänydït aduëër ë puɔ̈l të pɛ̈l yïn rɔt piny.

Math 27:18

Acï ŋic ëgɔk nɔn ee yen tiɛɛl yen ë yïn kek e yen.

Luɔi 7:9

Na wën, ke kuarkuɔn thɛɛr ke ke dɔm tiɛɛl në Jothep, agokï ɣaac tɔkï leerë Rip: ku tɔ̈u Nhialic kekë yen tei,

Romai 1:29

Ayek piɔ̈ɔ̈th thiäŋ në racdepiɔ̈u, dhööm, kɔ̈ɔ̈r ë kërac, wui de kalei, luɔi de anyääk, ayek thiäŋ në tiɛɛl, näk, ater, ruëëny, cuɔlëpiɔ̈u, ayek mantuum,

Romai 13:13

Yok ŋiëc rëër apiɛth, luɔi ee yen aköl, yok thuëëc pɔ̈l, ku wïn ee mɔ̈u wo wit, ayï ŋɔ̈ɔ̈ŋ de tik ayï luɔi rac, ayï ater ayï tiɛɛl.

1 Kor 3:3

we ŋoot ë we tum wepiɔ̈ɔ̈th ka ke piny. Ku nɔn tɔ̈uwë tiɛɛl ë weyiic ayï ateer ayï tëŋ aa wek weyiic tek, cäkï wepiɔ̈ɔ̈th ë tuöm ka ke piny, ku cäkï ë rëër ë rëër ë kɔc tei?

1 Kor 4:18

Ku kɔc kɔ̈k ë weyiic acïk nïïm dham, ayek lueel, an, cä bï bɛ̈n tëde week.

1 Kor 4:6

Ku kakë, wek mïthëkɔckuɔ, acä ke lueel në këdï wokë Apolo në baŋdun week, luɔi bän week wɛ̈ɛ̈t an: Duökï kɔc ee riëëu awär këcïgɔ̈ɔ̈r, ku ë cïn raan ë dït ë ŋɛk tɛɛr, an, dïït awär ŋɛk.

1 Kor 5:2

Ku we ë nïïm dham, ku kɛ̈nkï dhiau, ke raan cï ee kënë looi bï jɔt ë weyiic.

1 Kor 8:1

Ku në këde ka cï läm yiëth, Aŋicku wook wodhie nɔn de wo ŋïnydekäŋ. Ku ŋïnydekäŋ ee raan rɔt tɔ dït youyou, ku nhiëër en aye raan kueet.

2 Kor 12:20

Yɛn ë riɔ̈ɔ̈c, miäk, të cän bɛ̈n, ke we cït ka cä bï yök aye kɔc kaar ë yapiɔ̈u, ku yɛnguöp yɛn cït kë cäkï bï yök aye raan kaarkï ë wepiɔ̈ɔ̈th, yɛn ë riɔ̈ɔ̈c ë ciët kë bï dɛ ateer nu, ku tiɛɛl, ku agööth, ku tɔɔŋ, ku ciëk de thok, ku atuum, ku lɛc leec ë kɔc röt, ku awuööu.

2 Kor 6:6

Në ɣɛɛrëpiɔ̈u, në ŋïnydekäŋ, në guömdekäŋ, në piathëpiɔ̈u, në Wëidït ɣer, në nhiëër cïnic ruëëny,

Galatai 5:26

Duku lɛc ɣɔ̈ric ë kɔɔr, duku röt ë jut, duku yiic ë dɛ tiɛɛl ë röt.

Epethiei 4:2

Në kuur aa wek röt kuɔɔr piny, ku në rëër aa wek rëër ëmääth, ku në liɛɛr ë wepiɔ̈ɔ̈th, bäk aa rëër apiɛth ëtök në nhiëër.

Epethiei 4:32

ku yak röt theek wapäc, yak piɔ̈ɔ̈th kok ë röt, abäk röt aa pɔ̈l, ë ŋɛk ë ye ŋɛk päl kë cï wööc, cït man cï Nhialic we pɔ̈l në biäk de Kërtho.

Pilipoi 1:15

Kɔ̈k ayek ka ke Kërtho guiir në tiɛɛl tei, kekë ater, ku guiir kɔ̈k në piɔ̈n piɛth aya.

Kolothai 1:11

Yak riɛl ë riɛl ëbɛ̈n, në riɛldïït ë dhuëëŋde, bäk käŋ ŋiëc guum ëbɛ̈n, në liɛɛr ë wopiɔ̈ɔ̈th ku në miɛtëpiɔ̈u,

Kolothai 2:18

Duökï röt tɔ pënë raan ariöpduön bäk yök, në kuur ee yen rɔt kuɔɔr piny ku läm ee yen tuucnhial lam, raan ë pëk ë ke cï yök ë nyuöthic, ee rɔt tɔ dït ë ɣɔ̈ric, në piɔ̈ndɛn cï tuöm ka ke piny,

Kolothai 3:12

Yen dam wek piɔ̈n ë dap kok, cït kɔc cïï Nhialic lɔc, kɔc ɣeriic ku nhiaar ke, ku damkï dhuëëŋ, ku piɔ̈n koor, ku kuur ee raan rɔt kuɔɔr piny, ku rëër ëmääth, ku guöm de kajuëc.

1 Theth 5:14

Wek lëkku, wek mïthëkɔckuɔ an, Yak kɔc ee löŋ yalic nen, yak kɔc ee piɔ̈ɔ̈th riɔ̈ɔ̈c muk piɔ̈ɔ̈th, yak kɔc kɔ̈c kony, yak piɔ̈ɔ̈th liɛɛr në kɔc kedhie.

1 Tim 6:4

ka ye rɔt tɔ dït, acïn kë ŋic, ku ye raan ee jiɛɛm wei në thiëc ɣɔ̈ric ku teer ë wël, ku jam cït ee kënë ee tiɛɛl bɛ̈ɛ̈i, ku bïï ater ku lɛ̈ɛ̈t, ku meek rɛɛc ee kɔc kenyïïn mɛɛk,

2Tim 2:25

raan ee kɔc luel ater wɛ̈ɛ̈t ë piɔ̈n lir, nɔn de të bï Nhialic ke gäm puŋdepiɔ̈u, agokï yic gam,

2Tim 3:10

Ku yïn, cï wëëtdï ŋic ëgɔk, ku ŋic täu aa yɛn tɔ̈u, ku kë nu ë yapiɔ̈u, ku gämdï ku guöm aa yɛn käŋ ŋiëc guum, ku nhiëërdï, ku liɛɛr ë yɛnpiɔ̈u,

2Tim 4:2

an, Ye jam guiir, ye yic lɛ̈th ë luɔi ëkööl piɛth, ayï kööl rac: ye kɔc jɔ̈ɔ̈ny, ye kɔc nen, ye kɔc riit piɔ̈ɔ̈th, ke yï lirpiɔ̈u ë thuaat në wëët ee yïn kɔc wɛ̈ɛ̈t.

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

Jakop 4:5

Ku yak lueel ë wepiɔ̈ɔ̈th an, “Këcïgɔ̈ɔ̈r ee ɣɔ̈ric lueel? Wëi cï tɔ rɛ̈ɛ̈r ë woyiic ye ŋɔ̈ɔ̈ŋ ke dɔm ayï tiɛɛl?”

1 Pet 2:1

Yen päl wek racëpiɔ̈u ëbɛ̈n, ku ruëëny ëbɛ̈n, ku piɔ̈n deyic aguk, ku tiɛɛl, ku jam rac ëbɛ̈n.

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.

1 Pet 4:8

Ku cöök nu ë cök nïïm, ee nhiëër bä wek röt nhiaar aläl, nhiëër ee kutdïït ë karɛc kum.

2 Pet 1:7

ku matkï määth ë mïth ke raan tök määth kekë riëëu de Nhialic, ku matkï nhiëër kekë määth ee mïth ke raan tök määth.

1 Jɔn 4:11

Wek kɔc nhiaar, të cï Nhialic wo nhiaar ë nhiëër cït ee kënë, ke wo duëër röt dhil nhiaar aya.