1 Kor 13:2 - JAM DE NHIALIC 2011

² Ku na ya cak wël ŋiëc guiir, ku ŋiɛc kacïmoony kedhie, ku dɛ ŋïnydekäŋ kedhie, ku na ya cak dɛ gäm ëbɛ̈n, gäm duɛ̈ɛ̈r ɛn kurdït tɔ nyaai tëden, ku ciën nhiëër, ke yɛn cïn nɔm këdäŋ.

1 Kor 13:2 ပူးပေါင်းရင်းမြစ်များ

Math 13:11

Go pɔ̈k nɔm keek an, “Week, acï gäm week luɔi bä wek kacïthiaan ŋic ka ke ciɛɛŋ de paannhial, ku akënë gäm keek.

Math 17:20

Go ke yɔ̈ɔ̈k an, “Në baŋ de ciën gämdun, ku wek yɔ̈ɔ̈k ëyic an, “Të dɛ wek gäm cït nyin töŋ ë wɛ̈ɛ̈l cɔl matharda, ke we duëër kuurdïïtë yɔ̈ɔ̈k an, ‘Cuɔtë rɔt ciëën ya,’ ku aduëër rɔt cuɔt. Ku acïn kë cäkï duëër looi.

Math 21:19

Na wën, ke tïŋ tim ë ŋaap ë kueer këc, go bɛ̈n të nu yen, go ciën kë yök ë yenɔm, ee yïth tei kapäc. Go tim yɔ̈ɔ̈k an, “Ë cïn mïth bï bɛ aa tɔ̈u ë yïnɔm athɛɛr!” Go ŋaap riɔu ënɔnthiinë.

Math 21:21

Go Yecu bɛ̈ɛ̈r, yöök keek an, “Wek yɔ̈ɔ̈k ëyic, na cathkï ë gäm, ku cäkï piɔ̈ɔ̈th wiël ë kaamic, ke we cïï kënë bï looi tei, kë cï luöi ŋaap, ku na yɔ̈ɔ̈kkï kuurdïïtë aya an, ‘Tɔ rɔt nyiɛɛiyë, deenyë yï wïïr,’ ka duëërë looi.

Luɔi 13:1

Ku ɣön ë Nhialic nu Antiokia anu ë tït thïn, ayï kɔc ee wëët, yï Baranaba, kekë Thimon rinkɛn kɔ̈k acɔlke Niger, ku Lukio ë bɔ̈ Kurene, ku Maniin, raan wään cï muk kekë Ɣerod ëtök Ɣerod bɛ̈ny, ku Thaulo.

Romai 11:25

Ku yɛn cïn piɔ̈u, wek mïthëkɔckuɔ, luɔi kuöc wek ee cöökë, cöök cï moony, ke we cïï röt bï leec an, pɛlkï nïïm. Cöök cï moony, kï an, biäk töŋ de Yithriɛl acï tɔ ril nɔm, aɣet kööl bï kuɛth de juöör bɛ̈n thïn.

Romai 15:14

Ku yɛn guöp yɛn ë këdun guɔ ŋic ë yapiɔ̈u aya, wek mïthëkɔckuɔ, dït dïïtë piathdun, ku dït ë ŋïny ŋiɛc wek käŋ, ku lëu aa wek röt lëu ë wëët.

Romai 16:25

Ku ënɔɔnë, thieithieei ë Raan cath ke riɛl bï en we tɔ kääc aril në këde wëlkiën piɛth, ku guiëër cï Yecu Kërtho guiëër kɔc, ku nyuöth cï kë wään cï moony të ɣɔn ciɛkë piny nyuɔɔth.

1 Kor 11:4

Moc ëbɛ̈n, të lɛ̈ŋ en ayï të guiir en wël, ke kuöm nɔm, ka ye yenɔm tɔ yäär.

1 Kor 12:28

Ku Nhialic aye kɔc kɔ̈k tääu ë ɣön ë Nhialic yic, kɔc tueŋ kek aye tuuc, kɔc lɔ ë kecök, kek aye kɔc ee wël guiir, ku lɔ kɔc ee wëët, ku lɔ luɔi ril, ku riɛl bï kɔc aa tɔ dem, ku kuny konyë kɔc röt, ku ciɛɛŋ, ku thook mɛɛn pei.

1 Kor 13:1

Na ya cak jam wokë liëp ke kɔc ayï tuucnhial, ku ciën nhiëër, ke yɛn cï ciët maläŋ kök, ku ciët alogör cï tɔɔŋ.

1 Kor 13:3

Ku na ya cak kɔc miɔɔc ë kakï kedhie, bï kek këcam yök, ku na ya cak guöpdï gam an, bï nyop ë mac, ku ciën nhiëër, acïn piath bä yök tëde ye.

1 Kor 13:8

Nhiëër acie dak anande. Ku na de guiëër ë wël nu, ka bï aa ciën naamde, ku na de liëp nu, ka bïk jɔ kɔ̈ɔ̈c, ku na de ŋïnydekäŋ nu, ka bï aa ciën naamde.

1 Kor 14:29

Ayï kɔc guiir wël ë ke guïïr kaarou ayï diäk, ku kɔc kɔ̈k ë ke them jam luelkï.

1 Kor 14:39

Yen ka, wek mïthëkɔckuɔ, kaarkï guiëërëwël arëët, ku duökï jam ë thoŋ mɛɛn ee pëën.

1 Kor 14:4

Raan ee jam ë thoŋ mɛɛn ee rɔt kueet etök, ku raan ee wël guiir ee ɣön ë Nhialic kueet.

1 Kor 15:51

Wɔikï, wek nyuöth këcïmoony an, wo cïï bï niin wodhie, wo bï röt puk wodhie,

1 Kor 16:22

Na de raan cïï Bɛ̈nydït Yecu Kërtho nhiaar, ka bï guöp dɛ aciɛɛn! Bɛ̈nydïïtda ka bɔ̈yë!

1 Kor 4:1

Tɔ lueel raan në këde wook nɔn ye wok kɔc ee ka ke Kërtho looi, kɔc cïï ka ke Nhialic tääu ë kecin, kacïmoony ɣɔn.

1 Kor 7:19

Cuɛ̈l acïn naamde, ku luɔi kënë raan cueel acïn nɔm, ee muŋ ë raan lööŋ ke Nhialic muk, en ade naamde.

1 Kor 8:4

Ku në këde cäm de ka cï läm yiëth, yath aŋicku nɔn cïn en naamde ë piny nɔm, ku aŋicku nɔn cïn en Nhialic däŋ ee tök tei.

2 Kor 12:11

Yɛn cï aa raan mum nɔm ë lɛc lɛɛc ɛn rɔt, we cï a dhil tɔ lec rɔt, adï cäk a leec week: acïn kë ye tuuc a wöör acakaa tuuc dïït nu tueŋ aläl, acakaa yɛn ë cïn këdäŋ.

Galatai 5:16

Ku aluɛɛl alëyɔ̈ɔ̈ an, cathkï në Wëidït yiic, ke we cïï ka kɔɔr guöp bï aa looi.

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Galatai 6:3

Ku të de en raan ë rɔt tɔ ye raan de naamde, ku acïn naamde, ka mɛth rɔt tei.

Epethiei 3:4

Ku të kuɛɛn wek wëlkï yiic, ke we duëër ŋïnydï yökic, ŋïny ŋiɛc ɛn jam de këcïmoony de Kërtho.

Epethiei 6:19

Ku në biäkdï aya, luɔi bï a miɔɔc ë jam bän athok liep ke ya cïï riɔ̈c, aguɔ këcïmoony ɣɔn tɔ ŋic, kek aye wëlpiɛth.

Kolothai 1:26

yen këcïmoony ɣɔn thɛɛr ë run ëbɛ̈n ku rɛm ëbɛ̈n, ku acï nyuöth kɔckɛn ɣerpiɔ̈ɔ̈th ënɔɔnë.

1 Tim 3:16

Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

1 Jɔn 4:8

Raan cïï cath ke nhiëër ka kuc Nhialic, Nhialic yen aye nhiëër.