1 Kor 13:12 - JAM DE NHIALIC 2011

¹² Ku ënɔɔnë, wok ee daai ëmormor, cït man ë raan ë daai acidhathic, ku rial, wo bï aa daai ke wo tuum wonyïïn. Ënɔɔnë yɛn ŋic käŋ ë biäk tei, ku rial yɛn bï käŋ ŋic cït man cï en a ŋic.

1 Kor 13:12 ပူးပေါင်းရင်းမြစ်များ

Cäk 32:30

Ago Jakop ee pinyë cäk an Peniɛl, lueel an, “Yɛn ë Nhialic tïŋ ke ya ŋoot ke ya pïïr.”

Jop 19:26

na cak thou, ku cï guöpdï liu, ke aŋiɛc nɔn bän ŋööt ke ya bï Nhialic tïŋ.

Jop 36:26

Wok cïï dït de duëër ŋic ëgɔk, ku nɔn kuenku runke.

Bɛ̈n 33:11

Ku Bɛ̈nydït aaye jam ke Mothe ke ke tuööm nïïm cït man ye raan jam ke mɛ̈thë. Ku dhuŋ cɔl Jocua wën de Nun raan ee ye kuɔɔny, aaye dɔ̈ŋ ke löök rëër ë paanyic.

Edhekiɛl 17:2

“Mɛnh ë raan, lɛ̈kë baai de Yithriɛl ee kääŋë,

Kuɛ̈n 12:8

Të jiɛɛm wok, wok ee wothook tuööm, ku jamku në ka yökiic, acie kën muɔɔny, ka acï tɔ̈u de Bɛ̈nydït tïŋ. Ka eeŋö tɔ week jiëëm awundiën Mothe guöp ke wek cïï gup riɔ̈c?

Math 18:10

Tiëŋkï röt, ke we cïï mɛnh tök ë mïththiikë yiic bï kuöc theek, wek yɔ̈ɔ̈k an, “Tuuckɛn nhial ayek wäär woi nyin ëcaŋɣɔn wäär nu paannhial.

Math 5:8

Thieithieei ë kɔc lɔ piɔ̈ɔ̈th wai, abïk Nhialic tïŋ.

Romai 8:18

Cöök cä kueen ë yapiɔ̈u ka an, Karac yok guum ënɔɔnë, acïnkï naamden, acïkï duëërë kiëët ë dhuëëŋ bï dap nyuöth wook.

1 Kor 13:11

Ɣɔn aa yɛn meth, yɛn ee jam cït man ë meth, ku yɛn ee käŋ piŋ cït man ë meth, ku yɛn ee käŋ tak cït man ë meth, ku ënɔn cän aa raan dït, ke ka ke mɛɛth acä ke pɔ̈l.

1 Kor 8:3

Ku të nhiɛɛrë raan Nhialic, yen aye ŋic ë ye.

2 Kor 3:18

Ku wook wodhie, wok ee dhuëëŋ de Bɛ̈nydït woi cït man ë wo käŋ woi ë mɛnhdheric, ke cïn lupɔ kum wonyïïn, agoku röt aa puk buk aa ciët täudɛn manë guöp, ku yok dhuëëŋ yök dhuëëŋ ee cool ë ŋuak rɔt, ku ye Bɛ̈nydït en abïï en, yen aye Wëidït.

2 Kor 5:7

(Ee gäm en aye wo rëër acie daai).

Pilipoi 3:12

Ku acie yöŋ cän e guɔ yök en luɛɛl, ayï dik cän guɔ dikëdik: ku yɛn ŋoot ë ya cop këdäŋ, nɔn de en të bän e dɔm, yen aye kë ë dɔmë yɛn ë Kërtho Yecu aya.

Jakop 1:23

Na de raan ee jam piŋ tei, ku cie raan ee jam looi, ka cït raan woi enyin ë mɛnhdheric, nyindɛn ë dhiëth ke ye.

1 Jɔn 3:2

We kɔc nhiaar, wok ee mïth ke Nhialic ënɔɔnë, ku täudan bï wok tɔ̈u rial akën guɔ tïc. Ku aŋicku nɔn bï wo ciët en, kööl bï en tuöl, në tïŋ bï wok e tïŋ täu tɔ̈u en.

Nyuuth 22:4

Ku abïk tïŋ nyin, ku tɔ̈u rinke ë kenyïïn tueŋ.