1 Kor 13:1 - JAM DE NHIALIC 2011

¹ Na ya cak jam wokë liëp ke kɔc ayï tuucnhial, ku ciën nhiëër, ke yɛn cï ciët maläŋ kök, ku ciët alogör cï tɔɔŋ.

1 Kor 13:1 ပူးပေါင်းရင်းမြစ်များ

Diɛt 150:5

Lɛckï ke we koth aruöör. Lɛckï ke we koth aruöör ë röldït.

Math 25:45

Na ëlë, ka bï jɔ pɔ̈k nɔm keek an, “Wek yɔ̈ɔ̈k ëyic an, “Nɔn kɛ̈n wek e luöi raan töŋ koor ë kɔckë yiic, ka kɛ̈nkï luöi yɛn.’

Mak 16:17

Ku kagöökkë abïk kɔc aa kuany cök kɔc cï gam: an, në rinkï abïk jɔɔk rac aa cieec, abïk aa guɛl ë thook mɛɛn thook cï piac yök,

Romai 14:15

Të cï mɛnhkui piɔ̈u diu në baŋ de rïïŋduön ë cuet, ke yïn cïï be rëër ë rëër ë nhiëër. Du raan riäk në rïïŋduön ë cuet, raan wään thouwë Kërtho në biäkde.

1 Kor 12:10

ŋɛk aye miɔɔc ë kë bï en luɔi ril aa looi, ku miɔɔc ŋɛk ë guiëër bï en wël ŋiëc aa guiir, ku ŋɛk në pɛ̈ɛ̈k duëër en wëi pääk, ku ŋɛk në jam ë thoŋ kithic, ku ŋɛk në ŋïny bï en thok aa puk yiic.

1 Kor 12:16

Ku yïc, të lueel en en an, “Luɔi cän ee nyin, ke yɛn cie kë de guöp,” yen cïï en ee kë de guöp?

1 Kor 12:8

Ŋɛk aye Wëidït miɔɔc në jam ë pɛlënɔm, ku miɔɔc ŋɛk në jam de ŋïnydekäŋ, në Wëi manë gup.

1 Kor 13:8

Nhiëër acie dak anande. Ku na de guiëër ë wël nu, ka bï aa ciën naamde, ku na de liëp nu, ka bïk jɔ kɔ̈ɔ̈c, ku na de ŋïnydekäŋ nu, ka bï aa ciën naamde.

1 Kor 14:2

Raan ee jam ë thoŋ mɛɛn acie jam ke kɔc, ee jam ke Nhialic, acïn raan ee këde piŋ, ku ee jam në kacïmoony ë wëike yiic.

1 Kor 14:4

Raan ee jam ë thoŋ mɛɛn ee rɔt kueet etök, ku raan ee wël guiir ee ɣön ë Nhialic kueet.

1 Kor 14:5

Ku yɛn duëër piɔ̈u miɛt të ya wek jam ë thook mɛɛn wedhie, ku luɔi bä wek wël aa guiir yen anu ë yapiɔ̈u arëët. Ku raan ee wël guiir yen adït awär raan ee jam ee thook mɛɛn, të kën en jam puk, ke ɣön ë Nhialic ë bï kueet.

1 Kor 8:1

Ku në këde ka cï läm yiëth, Aŋicku wook wodhie nɔn de wo ŋïnydekäŋ. Ku ŋïnydekäŋ ee raan rɔt tɔ dït youyou, ku nhiëër en aye raan kueet.

2 Kor 12:4

raanë acï gap nhial ɣeet Paraditho, ago wël piŋ wël ë raan pɛ̈n luɛɛl lueel en ke.

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

1 Tim 1:5

Thar ë jam cï guiir en aye nhiëër ee kɔc röt nhiaar në piɔ̈n awai ku në ŋïny ee raan epiɔ̈u ŋic nɔn piɛth en ëgɔk, ku në gäm cïnic mɛthë nyin.

1 Pet 4:8

Ku cöök nu ë cök nïïm, ee nhiëër bä wek röt nhiaar aläl, nhiëër ee kutdïït ë karɛc kum.

2 Pet 2:18

Në luɛl ë ye kek jam juëc ɣɔ̈ric lueel ë keliëp tei, në ŋɔ̈ɔ̈ŋ de ka ke yäc, ku në luɔi ë dhööm, en aye kek kɔc wëŋ, kɔc, an, bɛ̈nkï ë liŋliŋ në kɔc ee tɔ̈u ke ke wäc käŋ.

Nyuuth 14:2

Guɔ kɔc piŋ röt, röt bɔ̈ nhial, acït man ë awuööu de piëëu, ku cït awuööu ë määr dïït ë deŋ: ku piɛŋ din ë kɔc ŋic thoom gut, agutkï thoomken: