1 Kor 12:9 - JAM DE NHIALIC 2011

⁹ Ku miɔɔc ŋɛk në gäm, në Wëi manë gup, ŋɛk aye miɔɔc ë riɛl bï en kɔc tök tɔ dem, në Wëi manë gup,

1 Kor 12:9 ပူးပေါင်းရင်းမြစ်များ

Math 10:8

Takï kɔc tök dem, takï kɔc cïï wɛth dɔm takï ke waar gup, kɔc cï thou takï ke jɔt röt abïk pïïr, ciëëckï jɔɔk rac bei ë kɔc gup, we cï miɔɔc ë dhuëëŋ, yak miööc ë dhuëëŋ aya.

Math 21:21

Go Yecu bɛ̈ɛ̈r, yöök keek an, “Wek yɔ̈ɔ̈k ëyic, na cathkï ë gäm, ku cäkï piɔ̈ɔ̈th wiël ë kaamic, ke we cïï kënë bï looi tei, kë cï luöi ŋaap, ku na yɔ̈ɔ̈kkï kuurdïïtë aya an, ‘Tɔ rɔt nyiɛɛiyë, deenyë yï wïïr,’ ka duëërë looi.

Mak 16:18

abïk karɛc aa dɔm ë kecin, ku na yek ke deyic awuɔɔk dek, ka cïï keek bï nɔ̈k, abïk kecin aa thany ë kɔc tök gup, agokï waar.”

Mak 6:13

Ku jɔkï jɔɔk rac juëc cieec ë kɔc gup, ku tɔckï kɔc juëc në miök, kɔc de gup juäi, ago ke tɔ dem.

Luk 10:9

Ku takï kɔc tök dem kɔc nu thïn, ku yɔ̈ɔ̈kkï keek an, ‘Ciɛɛŋ de Nhialic acï ɣeet të thiɔ̈k ke week.’

Luk 9:2

Go ke tooc lek kɔc aa guiëër ciɛɛŋ de Nhialic, ku tɔkï kɔc tök dem.

Luɔi 10:38

Jam në këde Yecu de Nadhareth, luɔi cï Nhialic e tɔc në Wëidït ɣer, ku gɛ̈m riɛl. Ago piny aa caath ke ye këpiɛth looi, ku tɔ kɔc dem kɔc cïï jɔŋdït rac cieŋ ë ciɛɛŋ rac, luɔi ciɛthë Nhialic ke yen.

Luɔi 5:15

Acakaa kɔc tök acï ke bɛ̈ɛ̈i bei, leerë ke ë kuɛɛr yiic, ku tɛ̈ɛ̈uwë keek në ageen nïïm ku thöc nïïm an, bï yiɛ̈n dɛ të le atïptïïp de Petero ë kɔc gup kɔc kɔ̈k ë keyiic, të tëëk en.

1 Kor 12:28

Ku Nhialic aye kɔc kɔ̈k tääu ë ɣön ë Nhialic yic, kɔc tueŋ kek aye tuuc, kɔc lɔ ë kecök, kek aye kɔc ee wël guiir, ku lɔ kɔc ee wëët, ku lɔ luɔi ril, ku riɛl bï kɔc aa tɔ dem, ku kuny konyë kɔc röt, ku ciɛɛŋ, ku thook mɛɛn pei.

1 Kor 12:30

Ŋickï kɔc tök tɔ waar kedhie? Yek jam ë thook mɛɛn kedhie? Ŋickï thok puk kedhie?

1 Kor 13:2

Ku na ya cak wël ŋiëc guiir, ku ŋiɛc kacïmoony kedhie, ku dɛ ŋïnydekäŋ kedhie, ku na ya cak dɛ gäm ëbɛ̈n, gäm duɛ̈ɛ̈r ɛn kurdït tɔ nyaai tëden, ku ciën nhiëër, ke yɛn cïn nɔm këdäŋ.

2 Kor 4:13

Ku wo cath wo wël töŋë wël ke gäm, acït man ee këcïgɔ̈ɔ̈r ye lueel an, “Acä gam, en aa jam ɛn.” Ayï wook ayadäŋ, wok gäm, ku yen aa jiɛɛm wok.

Epethiei 2:8

Ee dhuëëŋdepiɔ̈u en acï week kony wëi, në gäm, ku acïï bɔ̈ tëde week: ee miɔ̈c de Nhialic:

Ɣeberuu 11:33

Gämdɛn de yic aŋäth yen aa tɔ kɔc kɔ̈k në keyiic thäär ë wuöt, abïk tɔɔŋ ke meliik tiaam, ku loikï löŋ lɔ wai ee löŋ ŋiëc tiiŋic. Gokï ka cï Nhialic kɔn lɛ̈k keek yök, në biäk de gäm de yic aŋäth acïk kɔ̈ɔ̈r bɛ̈n dɔm thook.