1 Kor 12:2 - JAM DE NHIALIC 2011

² Aŋiɛckï nɔn ee ya wek Juöör ɣɔn, kɔc ë cï thɛl roor ë yiëth cök, yiëth cïn kethook të ye jam, acït man ee we cool ë thelë we.

1 Kor 12:2 ပူးပေါင်းရင်းမြစ်များ

Diɛt 115:5

Adekï kethook, ku acïkï ee jam, ku nyïïn, cie daai.

Diɛt 115:7

Ku adekï cin, ku acïn kë yek yökic, ku cök, ku acïkï ee cath, ku acïn këdɛn ye piŋ.

Diɛt 135:16

Adekï thook ku acïkï ee jam ku adekï nyïïn ku acïkï ee daai.

Yith 46:7

Ayek jat në ke kët ku jɔkï ɣääc, ayek tääu piny ku yen të bï yen tɔ̈u ka, acïï rɔt ee lëu në jöt tëde. Na de raan läŋ ɛn acïn kë ye bɛ̈ɛ̈r ku cïï raan kony në riääk cï ye yök.

Jeremia 10:5

Kek ee yiëthkë acïtkï gɛk kɔt ë dom de abuth yic, acïkï ee jam, aye keek ɣääc, në biäk cïï kek ee cath. Duökï riɔ̈c ë keek, acïn kërɛɛc duëërkï luöi week, ku cïn këpiɛth luikï week.”

Math 15:14

Pälkï keek, ayek cöör thel cöör. Ku të thelë cɔɔr, cɔɔr ka bïk lööny ë adhumic keek kaarou.”

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

Galatai 4:8

Ku wään kuöc wek Nhialic, wek aaye lïïm ke yiëthkun yiëth cie Nhialic në ciɛɛŋdɛn ë ciɛkë keek.

1 Theth 1:9

Kek gup ayek wook nyuöth lɔ cï wo lɔ ë weyiic, ku wël cä wek röt wɛ̈l Nhialic në yiëthkun yiic, bäk ka ke Nhialic yic pïïr aa looi,

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

1 Pet 1:18

Në ŋïny ŋiɛc wek en an, acie ka duëër dhiap, cït ateek ku adhääp, kek ë wëërë we bei në täuduön ɣɔ̈ric cäk yök tëde kuarkun,

1 Pet 4:3

Akööl wään cï wan acïk dhil looi, akööl wään ee wok kamit ë Juöör piɔ̈ɔ̈th looi, kööl ë ye wok cool ë loi luɔi de dhööm, ku ŋɔ̈ɔ̈ŋ de kërac, ku dëŋ de mɔ̈u, ku thuëëc rac, ku wïn ee kɔc wit ë mɔ̈u, ku läm de yiëth col ëcut.