1 Kor 12:18 - JAM DE NHIALIC 2011

¹⁸ Ku ënɔɔnë, Nhialic acï käŋ tääu ë raan guöp kedhie, acït nɔn nu yen ë yepiɔ̈u.

1 Kor 12:18 ပူးပေါင်းရင်းမြစ်များ

Diɛt 110:3

Kööl le yïn thɔ̈ɔ̈r we kɔc ke aterdu, kɔcku abïk mɛt tɔŋ. Cït man ë thäny ee bɛ̈n miäk rial, dhuökku abïk bɛ̈n tëde yïn ë kuurduön ɣeric nɔm.

Diɛt 135:6

Ee kë kɔɔr në yepiɔ̈u looi ë pinynɔm ku paannhial në pïïu yiic ku në pïïu thäär piny tëthuth.

Yith 46:10

Ɣɔn gɔl ë käŋ yɛn cï kë tuöl caar, ɣɔn thɛɛr yɛn cï kë bï tïc guiir. Acä lueel an, kë cä kiëët acïï bï löny, ku Yɛn bï këriëëc kaar bä looi ë bɛ̈n looi.

Jona 1:14

Agokï Bɛ̈nydït lɔ̈ŋ në röldït an, “Bɛ̈nydït, Bɛ̈nydït, du wo lui këtuc de thuɔɔu, të le wok ee raanë nɔ̈k, Bɛ̈nydït, kënë ee täŋdu ku ye luɔidu.

Luk 10:21

Ku në thaar manë guöp ke Yecu jɔ piɔ̈u miɛt në Wëidït, ku lueel an, “Yïn lɛɛc, Wäär Bɛ̈nydït de Paannhial, në luɔi cïn kakë mɔ̈ny kɔc pel ku kɔc de nïïm, ku jɔ keek nyuöth mïththii ateteet: ee yen, Wäär, en acï guɔ miɛt ë yïpiɔ̈u.

Luk 12:32

“Du riɔ̈c, yïn luny koor: anu ë Wuöördun piɔ̈u luɔi bï en we miɔɔc ë ciɛɛŋ.

Romai 12:3

Ku ënɔɔnë, në dhuëëŋdepiɔ̈u cï gäm ɛn, yen a lɛ̈k raan ëbɛ̈n në weyiic an, ë cïn raan ee rɔt tɔ dït ë dït cïï röŋ ke ye, yak röt tɔ nu ë kaamic, acït man cï Nhialic kɔc tɛ̈k gäm raan ëbɛ̈n.

Romai 12:6

Ku ënɔɔnë, luɔi ciɛth wok në ka cï gäm wook ka kith yiic bïk röŋ në luɔi de dhuëëŋ cï gäm wook, nɔn ee yen cäär ee wok cɔ̈ɔ̈r, yok cɔ̈ɔ̈r ë cɔ̈ɔ̈r ee röŋ ke gämda,

1 Kor 12:11

Ku kake kedhie aye Wëidït töŋ manë ke looi, ago raan ëbɛ̈n tɛ̈k käŋ, ŋɛk ke këde pei, ku ŋɛk ke këde pei, acït man nu en ë yepiɔ̈u.

1 Kor 12:17

Raan guöp ëbɛ̈n, të ee yen nyin etök, ke pïŋ bï raan käŋ aa piŋ nu nou? Ku raan guöp ëbɛ̈n, të ee yen piŋ tei, ke kë bï raan aa ŋör adï nu nou?

1 Kor 12:19

Ku të ee yen kë töŋë tei, ke raan guöp adï nu nou?

1 Kor 12:24

Ku ka ke wogup ka cï läkëläk acïn të dak ë ke: ku Nhialic acï guöp matic ëbɛ̈n, ago baŋ dɛk ë käŋ go jɔ ŋuak ë dhuëëŋ.

1 Kor 12:28

Ku Nhialic aye kɔc kɔ̈k tääu ë ɣön ë Nhialic yic, kɔc tueŋ kek aye tuuc, kɔc lɔ ë kecök, kek aye kɔc ee wël guiir, ku lɔ kɔc ee wëët, ku lɔ luɔi ril, ku riɛl bï kɔc aa tɔ dem, ku kuny konyë kɔc röt, ku ciɛɛŋ, ku thook mɛɛn pei.

1 Kor 15:38

Ku Nhialic yen aye gäm guöp cït man nu yen ë yepiɔ̈u, ku gɛ̈m käu ëbɛ̈n guöp de yenguöp.

1 Kor 3:5

Paulo eeŋa? Ku Apolo eeŋa? Cïkï ë kɔc ee luui tei, kɔc cï we tɔ gäm, cït man cï Bɛ̈nydït e gäm ŋɛk ku gëm ŋɛk?

Epethiei 1:5

Acï wo kɔn meek ë yepiɔ̈u nɔn bï en wo muk tɔ wook ë wɛ̈ɛ̈t ke yenguöp në Yecu Kërtho, acït man ë miɛt ë yen piɔ̈u,

Epethiei 1:9

Acï wo tɔ ŋic kë nu ë yepiɔ̈u këcïmoony ɣɔn në pɛlënɔmde ëbɛ̈n, në miɛt ë yenpiɔ̈u, yen aye löŋ cï lueel ë Kërtho piɔ̈u.

Nyuuth 4:11

“Ee kë rɔ̈ŋ ke yïn, yïn Bɛ̈nydït, luɔi bï yïn lɛc yök ku yök riëëu ku riɛldït. Ë luɔi cï yïn käŋ cak kedhie, ku në këde piɔ̈ndu yen anu kek, ku yen aa ciɛkë ke.”