1 Kor 12:12 - JAM DE NHIALIC 2011

¹² Acït man ee guöp de raan tök, ku ka nu thïn ajuëckï, ku ka nu ë guöp töŋë yic, na cakaa kek ë juëc, keek ayek guöp tök tei, yen acït Kërtho aya.

1 Kor 12:12 ပူးပေါင်းရင်းမြစ်များ

1 Kor 10:17

Ku wook, acakaa wok ë juëc, wok ee kuïn tök, ku yok guöp tök: në röm ee wok kuïn töŋë rɔm wodhie.

1 Kor 12:20

Ku ënɔɔnë, ka nu ë guöpic acïk juëc, ku guöp ee tök tei.

1 Kor 12:27

Ku wek ee guöp de Kërtho, ku yak ka nu ë guöpde yic, ŋɛk ee kë töŋë ku ŋɛk ee kë töŋë.

1 Kor 12:7

Ku tïc ee Wëidït tïc aye gäm raan ëbɛ̈n, luɔi bï kɔc këpiɛth aa yök thïn kedhie.

Galatai 3:16

Ku ka cï kɔn lueel, an, bï ke gäm en, aye ke lɛ̈k Abraɣam kekë käude. Akën lueel an, Abä ke gäm “kɔ̈th,” cït nɔn juëc kek, ee tök en ë lueel an, abä ke gäm “käudu,” yen aye Kërtho.

Epethiei 1:23

Yen aye guöpde, ku ye kuɛthde, kuɛth de raan ee käŋ tɔ kueth kedhie, ka nu ë këriëëcic ëbɛ̈n.

Epethiei 4:12

Aa looi në luɔi bï kɔc ɣerpiɔ̈ɔ̈th a dikëdik, ku në luɔi de kuny ee kɔc röt kony, ku në kuɛ̈t bï guöp de Kërtho kueet.

Epethiei 4:4

Ee guöp tök yen nu, ku Wëidït tök, acït man cï we cɔɔl në aŋäth tök, aŋäth ë cɔ̈t ë cɔɔlë week.

Epethiei 5:23

Luɔi ee yen moc yen aye nɔm de tik, cït man ee Kërtho nɔm de ɣön ë Nhialic, ku yen aye kony de guöp.

Epethiei 5:30

ë luɔi ee wok ka ke yenguöp, ka ke rïïŋde, ku ka ke yomke.

Kolothai 1:18

Ku yen aye nɔm de guöp, guöp cɔl ɣön ë Nhialic, yen aye gölë käŋ, ee kɛ̈ɛ̈i ë kɔc cï thou yiic, luɔi bï en nu tueŋ ë këriëëc ëbɛ̈n.

Kolothai 1:24

Ku yɛn mit piɔ̈u ënɔɔnë në ka guööm në biäkdun, ku ka cï nïïm dak në katuc cï Kërtho guum, aya ke thiɔ̈ɔ̈ŋ nïïm ë guöpdï yic, në biäk de guöpde, yen aye ɣön ë Nhialic.

Kolothai 2:19

ku cïï Nɔm ee muk aril, Nɔm ee guöp ëbɛ̈n tɔ dït ë Nhialic, në muŋ cï e muk ku män cï en rɔt mat në yomnyïïn ku räl.

Kolothai 3:15

Yak män ë Kërtho tɔ rɛ̈ɛ̈r ë löŋ nɔm ë wepiɔ̈ɔ̈th, yen ee cɔ̈t ë cɔɔlë week në guöp tökic, ku yak dap lueel an, thieithieei.