1 Kor 12:11 - JAM DE NHIALIC 2011

¹¹ Ku kake kedhie aye Wëidït töŋ manë ke looi, ago raan ëbɛ̈n tɛ̈k käŋ, ŋɛk ke këde pei, ku ŋɛk ke këde pei, acït man nu en ë yepiɔ̈u.

1 Kor 12:11 ပူးပေါင်းရင်းမြစ်များ

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Math 11:26

Ee yic, Wäär, acï piath tëde yïn aya.

Math 20:15

Kënë päl ɛn nɔn bän kë nu ë yapiɔ̈u looi në kakï? Ku cï tiɛɛl yï dɔm, në baŋ de piath ë yɛn piɔ̈u?”’

Jɔn 3:27

Go Jɔn bɛ̈ɛ̈r, lueel an, “Acïn kë duëërë raan yök, të kënë ye gäm en nhial.

Jɔn 3:8

Yom ee pɔ̈t tëde piɔ̈nde, ku yïn ee awööude piŋ, ku kuc të bï yen thïn, ayï të le yen thïn: raan ëbɛ̈n raan cï dhiëëth ë Wëi yen acït en.”

Jɔn 5:21

Acït man ee Wääda kɔc cï thou jɔt, tɔ keek pïïr, yen aye këde Wënde aya, ee kɔc tɔ pïïr kɔc nu ë yenpiɔ̈u.

Romai 12:6

Ku ënɔɔnë, luɔi ciɛth wok në ka cï gäm wook ka kith yiic bïk röŋ në luɔi de dhuëëŋ cï gäm wook, nɔn ee yen cäär ee wok cɔ̈ɔ̈r, yok cɔ̈ɔ̈r ë cɔ̈ɔ̈r ee röŋ ke gämda,

Romai 9:18

Yen tëde ka, ee piɔ̈u kok kekë raan nu ë yepiɔ̈u, ku raan cï tak an, bï tɔ ril nɔm, ke tɔ ril nɔm.

1 Kor 12:18

Ku ënɔɔnë, Nhialic acï käŋ tääu ë raan guöp kedhie, acït nɔn nu yen ë yepiɔ̈u.

1 Kor 12:4

Ku miɔ̈c akithic, ku Wëidït ee tök.

1 Kor 12:6

Ku luɔi ee kɔc looi akithic, ku yen Nhialic töŋ manë yen ee këriëëc looi ëbɛ̈n ë kɔc yiic kedhie.

1 Kor 7:17

Ë ŋɛk ë rɛ̈ɛ̈r tei, cït man cï Nhialic käŋ tɛ̈k raan ëbɛ̈n, ku cït cɔ̈t cï Bɛ̈nydït raan cɔɔl ëbɛ̈n. Ku yen a yɔ̈ɔ̈k ɛn kɔc ë ɣööt ke Nhialic yiic ëbɛ̈n.

1 Kor 7:7

Ku raan ëbɛ̈n acath ke kë cï Nhialic gäm en, ŋɛk ke këde, ku ŋɛk ke këde.

2 Kor 10:13

Ku wook, wo cïï röt leec abuk akeu lïïr nɔm, wo bï pëk ë akeu nɔm aken ë thëm cï Nhialic yiɛ̈n wook, aken cï ɣet tëde week aya.

Epethiei 1:11

Abï ke tääu ë Kërtho cin, raan cï wo tɔ yök ka buk lɔ̈ɔ̈k lak, në mɛ̈k cï wo kɔn meek cït man cï Nhialic e lueel ë yepiɔ̈u, Raan ë këriëëc looi ëbɛ̈n, cït löŋ cï tak ë yepiɔ̈u.

Epethiei 4:7

Ku wo cï yiɛ̈n dhuëëŋdepiɔ̈u wo wodhie, acït man ë thëm cï miɔ̈c de Kërtho thɛ̈m wook.

Ɣeberuu 2:4

Ku kë cïk lueel acïï Nhialic nyɔk ë nyuöth nyooth Yen en ayadäŋ në göök ke gäi, ku në tëŋ tek En miɔ̈c de Wëidït ɣer cït kë kɔɔr ë piɔ̈nde.

Jakop 1:18

Në löŋ cï lueel ë yepiɔ̈u en aa dhiëëth en wook në jam de yic, luɔi bï wok ciët ka cï kɔn luɔk, në ka cï cak kedhie.