1 Kor 11:25 - JAM DE NHIALIC 2011

²⁵ Ku yen ee nɔ̈m nööm en bïny aya, të cï kɔc thök ë cäm, ku lueel an, “Bïnyë ee löŋ cï piac mac ë riɛmdï yic: yak kënë looi, të de yen të dɛ̈k wek ë ye, në täŋ bä wek ɛn aa tak.”

1 Kor 11:25 ပူးပေါင်းရင်းမြစ်များ

Bɛ̈n 24:6

Go Mothe biäk de riɛm de läi cï nɔ̈kë nööm, ku tɛ̈ɛ̈u abïïny yiic, ku piɛɛk biäk cï döŋ ë yïk kɔ̈u.

Bɛ̈n 24:8

Na wën, ke Mothe ë nöm riɛm nu në abïïny yiic, ku wïïth ë kɔc gup. Ku lueel an, “Kënë ee riɛm de löŋ cï Bɛ̈nydït mac ke week cït man ë lööŋke kedhie.”

Jeremia 31:31

Aye Bɛ̈nydït lueel an, “Akööl abïkï, akööl bän löŋ cï piac mac looi wo baai de Yithriɛl kekë kaai de Juda.

Luk 22:20

Ku të cï këcam thök, ke jɔ looi aya në bïny, ku lueel an, “Bïnyë ee löŋ cï piac mac në riɛmdï, riɛm bï kuëër në baŋdun week.

1 Kor 10:16

Bïny de athiɛɛi, bïny yok thieei, cie män mɛt wok në riɛm de Kërtho? Kuïn cï pam kuïn yok wääkic, cï en ee män mɛt wok në guöp de Kërtho?

1 Kor 11:24

ku të cï en thieithieei lueel, ke wɛ̈kic, lueel an, “Ŋäkï, camkï, kënë ee guöpdiën cï dhuööŋ në baŋdun: yak kënë looi në täŋ bä wek ɛn aa tak.”

2 Kor 3:14

Acïk nïïm riɛl: ku aɣet cï ëköölë lupɔ manë guöp ë döŋ akënë nyaai, të ye awerek kueenic awerek de löŋ cï mac thɛɛr, ku lupɔyë aye nyaai në Kërtho yic.

2 Kor 3:6

Raan cï wo tɔ lëu käŋ, buk aa kɔc ee ka ke löŋ cï piac mac ŋiëc guiir, ku guiëërda acie këde wël cï gɔ̈ɔ̈r tei, ee këde wëi: wël cï gɔ̈ɔ̈r tei ayek kɔc nɔ̈k, ku wëi kek aye kɔc tɔ pïïr.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.