1 Kor 11:2 - JAM DE NHIALIC 2011

² Ënɔɔnë, wek mïthëkɔckuɔ, wek lɛɛc nɔn aa wek a tak ë këriëëc ëbɛ̈n, ku nɔn aa wek jam cï yiɛ̈n week döt, acït man cän e gäm week.

1 Kor 11:2 ပူးပေါင်းရင်းမြစ်များ

Luk 1:6

Ku piɛthkï piɔ̈ɔ̈th ë Nhialic nɔm keek kaarou, ayek lööŋ ke Bɛ̈nydït döt kedhie, ku dötkï luɔɔide ëbɛ̈n ke cïn gääk bï ke gɔ̈k.

1 Kor 11:17

Ku në cöökë cöök bä lɛ̈k week ënɔɔnë, we cä lec, ënɔn ë ya wek guëër, acie piathdun, ee rac en aya wek guëër.

1 Kor 11:22

Ee käŋö? Cïn ɣöötkuön nu, ɣööt bä wek aa cam thïn, ku dɛ̈kkï? Ku yak ɣön ë Nhialic biɔɔn, ku yak kɔc cïn kaken yɔ̈ɔ̈r? Bä week lɛ̈k ŋö? Bä week lɛc nïïm në baŋ de kënë? We cä lec nïïm.

1 Kor 15:2

Ku yek wël cï we kony wëi ë keek, të ya wek jam cä guiëër week cök ë mɔ̈k wek e, të kën wek pëër gamic tei.

1 Kor 4:17

Yen aa tuöc ɛn Timotheo week, ee wëndiën nhiaar ku ee raan adöt ë ka ke Bɛ̈nydït, en abï week tɔ tak wenïïm në täu aa yen tɔ̈u ë Kërtho yic, acït man wɛ̈ɛ̈t ɛn baai ëbɛ̈n në ɣööt ke Nhialic yiic ëbɛ̈n.

1 Kor 7:17

Ë ŋɛk ë rɛ̈ɛ̈r tei, cït man cï Nhialic käŋ tɛ̈k raan ëbɛ̈n, ku cït cɔ̈t cï Bɛ̈nydït raan cɔɔl ëbɛ̈n. Ku yen a yɔ̈ɔ̈k ɛn kɔc ë ɣööt ke Nhialic yiic ëbɛ̈n.

1 Theth 1:6

Ku we cï aa kɔc cï täuda dɔmic, ayï täu de Bɛ̈nydït, në gäm cä wek jam gam në këtuc dhal week arëët, ku në miɛtëpiɔ̈u ë Wëidït ɣer.

1 Theth 3:6

Ku ënɔɔnë, të cï Timotheo lɔ bɛ̈n ë welɔ̈m bï tëde wook, ke bïï jam piɛth jam de gämdun ku nhiëërdun, ayï täŋ aa wek cool ë tak wook apiɛth ëcaŋɣɔn, ku nɔn kaar wek tïŋ bä wek wo tïŋ aläl, acït man kɔɔr wok tïŋ bï wo we tïŋ ayadäŋ.

2 Theth 2:15

Yen ka, wek mïthëkɔckuɔ, yak jɔ kɔ̈ɔ̈c aril, ku yak wël cï yiɛ̈n kɔc döt wël cï we wɛ̈ɛ̈t ë keek, nɔn ee yen jam de raan thok, ku nɔn ee yen awerek cuk gɔ̈ɔ̈r.

2 Theth 3:6

Ku ënɔɔnë, we yöökku, wek mïthëkɔckuɔ, në rin ke Bɛ̈nydan Yecu Kërtho, an, Ratkï röt wei ë mɛnhkënëda lɔ̈ɔ̈m ëbɛ̈n mɛnh kuc rëër, ku reec jam aa piŋ jam cäk yök tëde wook.