1 Kor 10:22 - JAM DE NHIALIC 2011

²² Yok Bɛ̈nydït tɔ dɔm tiɛɛl ënɔɔnë? Rilku awärku yen?

1 Kor 10:22 ပူးပေါင်းရင်းမြစ်များ

1 Mel 14:22

Kɔc ke Juda acïk awäc looi në Bɛ̈nydït nɔm, kënë ë Bɛ̈nydït tɔ göth ke keek, awär agönhde ke kuarken ɣɔn cï kek wäc.

Jop 9:4

Nhialic apel nɔm ku aril, eeŋa bï mëën ke Yen, ku tiɛɛm?

Diɛt 78:58

Acïk yen tɔ gɔ̈th, në biäk de ɣäänkɛn ye kek yiëth lam thïn, ku yiëthken acïk en tɔ diu piɔ̈u.

Bɛ̈n 20:5

Du yïnɔm kɔn guöt piny në yath nɔm, ku du läŋ. Yɛn aye Bɛ̈nydït Nhialicdun, ku Yɛn ee mantil. Kɔc man ɛn aya ke luöi këtuc, ayï mïthken agut cï rem ye rɛm diäk, ayï ŋuan, rɛm man Ɛn.

Bɛ̈n 34:14

“Duökï de yanh däŋ lamkï pei, në luɔi Ye Bɛ̈nydït Nhialic mantil.

Wɛ̈ɛ̈t 6:10

Këriëëc ëbɛ̈n nu ë piny nɔm aa yök ke ŋic ɣɔn thɛɛr, ku aŋic raan nɔn cï yen duëër kɛ̈ɛ̈k kekë raan wär en në riɛl.

Yith 45:9

Amawoou në raan ee teer kekë Aciëŋda. Duëër tööny de tiɔp teer ke raan ee ye cuëëc, tööny cït töny kɔ̈kkë? Duëër tiɔp raan ee ye cuëëc thiëëc eeŋö ye looi? Duëër töny gööny an cïn raan ë cuëc en tëët?

Jeremia 44:8

Eeŋö ya wek Yɛn tɔ göth, në läm ya wek yiëth lam, ku yak yiëth kɔ̈k nyuöp wal ŋïr ë Rip eenë, të cä wek bɛ̈n ceŋ thïn? Ë we loi ee kënë ke we bï we röt riɔ̈ɔ̈k, ago juöör ke piny nɔm ëbɛ̈n, week aa luööi në abiaan, ku yek rinkun tɔ ee kë de aciɛɛn?

Jeremia 7:19

Ku ee Yɛn yïkkï buɔ̈t ë yic? Ei, ee kek ayïk röt bɔ̈ɔ̈t kapäc, ku jɔkï ayäär bɛ̈ɛ̈i në kegup.

Edhekiɛl 22:14

Yak tak de riɛl ë piɔ̈u bï döŋ ku nɔn ee riɛl duɛ̈ɛ̈r wek we cin jat nhial të cän thök wo week? Ee yɛn Bɛ̈nydït yɛn aa jam, ku yɛn ee kë cä lueel muk.

Dhep 1:18

Në ee kööl bï Bɛ̈nydït rac de tuöc agönhde nyuɔɔthë, acakaa ateek kekë adhäm de mɛnh ë raan ëbɛ̈n acïkï ke bï kony, në luɔi bï Bɛ̈nydït piny riɔ̈ɔ̈k nɔm ëbɛ̈n kekë kɔc ëthiäu.

Nyöŋ 32:16

Ku lämdɛn ë yiëth acï Bɛ̈nydït dɔ̈m tiɛl, ku kërɛɛc cïk looi acï yen tɔ göth.

Nyöŋ 32:21

Keek në yiëthken acïk ɛn tɔ göth, ku tiɛl kakɛn cɔl ke yiëth, kek yiëth cie Nhialic yith. Ka yɛn bï kë cɔl jur tuöc keek, bï ke tɔ göth. Abä keek tɔ dɔm tiɛl në jur dhɔ̈n.

Nyöŋ 4:24

në biäk cït ë Bɛ̈nydït Nhialicdun lɔ̈k de mac, acïï kë tɛɛr ke Yen ee pɔ̈l.

Nyöŋ 6:15

Të la wek yiëth kɔ̈k lɔ lam agönh de Bɛ̈nydït abï bɛ̈n ë wegup cït man ë mac bïï week bɛ̈n riɔ̈ɔ̈r taitai. Në biäk cïï Bɛ̈nydït Nhialicdun raan rɛ̈ɛ̈r kekë week yanh däŋ nhiaar.

Ɣeberuu 10:31

Amawoou në raan bï lööny ë Nhialic pïïr cin.

Jocua 24:19

Ago Jocua lɛ̈k keek an, “Wek cïï Bɛ̈nydït bï lëu në luui, në luɔi Yen Nhialic ɣeric, ku ee mantil. Na lak wööc piɔ̈u, acïï we bï päl awäc.